រាជធានីភ្នំពេញ ៖ ក្នុងចំណោមបរទេសនៅកម្ពុជា ជប៉ុនត្រូវបានគេមើលថាចូលរួមសកម្មជាងគេក្នុងការជំរុញ ការចាយលុយរៀលរបស់កម្ពុជា។ ផ្សារទំនើបអ៊ីអន របស់ប្រទេសជប៉ុន នៅភ្នំពេញបានប្រកាសថា ឈប់អាប់ក្រដាសប្រាក់ ១ដុល្លារ ៥ដុល្លារ និង១០ដុល្លារឲ្យអតិថជនខ្លួនទៀតហើយ ចាប់ពីថ្ងៃទី១ សីហានេះទៅ។ តែខ្លួននៅតែទទួលយកប្រភេទក្រដាសប្រាក់ខាងលើនេះពីពលរដ្ឋដដែល។
មានន័យថា នៅផ្សារអ៊ីអន ពលរដ្ឋនៅតែចាយក្រដាស ប្រាក់ដុល្លារប្រភេទតូចនេះបានដដែល។ ផ្សារទំនើបអ៊ីអន បានប្រកាសថា ចំពោះការអាប់ប្រាក់ដល់អតិថជន ខ្លួននឹងជំនួសដោយប្រាក់រៀលវិញ។ លោកស្រី ជា សិរី អគ្គនាយិកាធនាគារជាតិ គាំទ្រដល់វិធានការរបស់ផ្សារទំនើបអ៊ីអននេះ។ ការសម្រេចចិត្តនេះក៏បានទទួលការគាំទ្រពីមន្ត្រីជាន់ខ្ពស់ ធនាគារជាតិកម្ពុជា។ នៅលើបណ្តាញទំនាក់ទំនងសង្គមរបស់ខ្លួន លោកស្រី ជា សិរី អគ្គនាយិការបច្ចេកទេស ធនាគារជាតិកម្ពុជាបានលើកឡើងថា «ចំពោះការប្រកាសរបស់ផ្សារទំនើបអ៊ីអន គាត់នៅតែ ទទួលក្រដាសប្រាក់ដុល្លារ អាមេរិកប្រភេទតូច ប៉ុន្តែប្រសិនបើគាត់មិនមានក្រដាស ដុល្លារទាំងនេះសម្រាប់អាប់ ក៏យើងមិនអាចបង្ខំគាត់ឲ្យអាប់នូវក្រដាសទាំងនោះបានដែរ។
សំខាន់គាត់អាចអាប់ក្រដាសប្រាក់ណា ដែលគាត់មាន។ យើងទាំងអស់គ្នាគួរបន្តគាំទ្រការប្រើប្រាស់រៀលឱ្យបានទូលំទូលាយ»។ អគ្គនាយិកាធនាគារ ជាតិបានលើកឡើងថា ជាទូទៅជប៉ុនគាត់តែងតែគាំទ្រប្រាក់រៀល តាមរយៈ ការជួយសិក្សាស្រាវជ្រាវពីការប្រើប្រាស់ ប្រាក់រៀលនៅកម្ពុជាតាមរយៈ អង្គការ JICA ការទទួលយក តែប្រាក់រៀលសម្រាប់ទូទាត់ទិដ្ឋាការ នៅស្ថានទូតជប៉ុន ការចេញមុនគេឧបករណ៍ទូទាត់តែប្រាក់រៀលតែ១គត់ របស់ធនាគារឯកទេស Aeon និងសូម្បីតែការដាក់តម្លៃជាប្រាក់ រៀលក្នុង ផ្សារទំនើបមុនគេក្នុងចំណោមផ្សារទំនើបទាំងអស់នៅកម្ពុជា។
យើងទាំងអស់គ្នាគួរបន្តគាំទ្រការប្រើប្រាស់រៀលឱ្យបានទូលំទូលាយ។ កាលពីចុងខែឧសភា កន្លងទៅនេះធនាគារជាតិកម្ពុជា បានប្រជុំពិភាក្សាជាមួយតំណាងគ្រឹះស្ថាន ធនាគារ និងហិរញ្ញវត្ថុ ស្តីពី បញ្ហាប្រឈមនៃចរាចរណ៍ក្រដាសប្រាក់ដុល្លារអាមេរិកប្រភេទ ១ដុល្លារ ២ដុល្លារ និង៥ដុល្លារ។ មានការលើកឡើងថា ការទុកឲ្យចរាចរណ៍ក្រដាសប្រាក់ដុល្លារប្រភេទតូចៗនេះ គឺជាឧបសគ្គមួយក្នុងការជំរុញ ការប្រើប្រាស់ប្រាក់រៀលប៉ុន្តែ ជាចុងក្រោយប្រមុខដឹកនាំ សម្តេចតេជោ ហ៊ុន សែន បានប្រកាសថា ក្រដាសប្រាស់ដុល្លារតូចៗ ១ដុល្លារ ២ដុល្លារ ៥ដុល្លារនៅតែចរាចរណ៍ជាធម្មតា ដដែល។ ជនណាមិនចាយវាយ ក្រដាសប្រាក់នេះ នឹងទទួលទោសតាមច្បាប់៕ ដោយ ៖ អ.សួស្តី
ចែករំលែកព័តមាននេះ