លោកអភិបាលស្រុកនាំអំណោយផ្តល់ជូនគ្រួសាររងគ្រោះដោយអគ្គិភ័យ
ខេត្តកំពង់ឆ្នាំង ៖ លោកឃួន សៅរុំ អភិបាលស្រុកបរិបូរណ៍ កាលពីវេលាព្រឹកថ្ងៃទី២៥ មករា ២០១៥ បានដឹកនាំមន្ត្រីក្រោមឱវាទយក
ខេត្តកំពង់ឆ្នាំង ៖ លោកឃួន សៅរុំ អភិបាលស្រុកបរិបូរណ៍ កាលពីវេលាព្រឹកថ្ងៃទី២៥ មករា ២០១៥ បានដឹកនាំមន្ត្រីក្រោមឱវាទយកអំណោយរបស់អនុសាខាកាកបាទក្រហម និងអណោយសប្បុរជនទៅផ្តល់ជូនក្រុមគ្រួសាររងគ្រោះ ដែលត្រូវភ្លើងឆេះផ្ទះនៅក្នុងភូមិអូរ ឃុំពន្លៃ ស្រុកបរិបូរណ៍ ។
លោកអភិបាលស្រុកបានឱ្យដឹងថា គ្រួសាររងគ្រោះខាងលើមានប្តីឈ្មោះឡេង គឹមម៉ាប់ អាយុ៣១ឆ្នាំ និងប្រពន្ធឈ្មោះផាក ចាន់ឌឿន អាយុ២៨ឆ្នាំ គ្រួសារនេះមានកូន៣នាក់ (ស្រី២ ប្រុស១) ។ ចំណែកផ្ទះដែលត្រូវភ្លើងឆេះនោះមានទំហំ៥ម៉ែត្រ គុណនិង៦ម៉ែត្រ ធ្វើអំពីឈើផ្ទាល់ដីបាំងជញ្ជាំស្លឹក ប្រក់ស័ង្កសី ត្រូវអគ្គិភ័យឆាបឆេះកាលពីវេលាម៉ោង១២ និង៣០នាទីថ្ងៃត្រង់ថ្ងៃទី២៤ មករា ២០១៥ ។
មូលហេតដែលបណ្តាលឱ្យមានភ្លើងឆេះនេះ គឺមកពីកូនស្រីអាយុ៨ឆ្នាំបានបង្កាត់ភ្លើងដាំបាយ ហើយដើរចោលទើបបណ្តាលឱ្យឆាបឆេះដល់ជញ្ជាំងស្លឹក និងបន្តឆេះផ្ទះទាំងមូលតែម្តង ដោយគ្មាននរណាជួយពន្លត់ និងយកអ្វីបានឡើយ ។ ចំពោះការខូចខាតក្រៅពី
ផ្ទះមួយខ្នង មានបាត់បង់ថវិកា៥០ម៉ឺនរៀល ស្រូវ២៥០គីឡូក្រាម ទូរទស្សន៍១ ក្បាលចាក់វីស៊ីឌី១ ខោអាវ និងប្រដាប់ប្រើប្រាស់មួយចំនួនទៀត ។
លោកបានបញ្ជាក់ថា អំណោយដលបានយកមកផ្តល់ជូននៅថ្ងៃនេះ ជាអំណោយរបស់អនុសាខាកាកបាទក្រហមស្រុកបរិបូរណ៍ ដែលក្នុងនោះមានអង្ករ៥០គីឡូក្រាម មុង១ ភួយ១ កំសៀវទឹក១ចាន បាយចាន សម្ល ស្លាបប្រៀ ឆ្នាំងបាយ ឆ្នាំងសម្លតូចធំ និងសម្លៀកបំពាក់មួយការ៉ុង ។
ចែករំលែកព័តមាននេះ