ទីប្រឹក្សាធានារ៉ាប់រងអាយុជីវិត មេនូឡាយហ្វ៍ រឹតតែរឹងមាំក្នុងការជួយកសាងអនាគតហិរញ្ញវត្ថុជូនដល់ក្រុមគ្រួសារកម្ពុជា


រាជធានីភ្នំពេញ៖ ស្របពេលដែលពិភពលោកកំពុងប្រយុទ្ធប្រឆាំងនឹងការរីករាលដាលនៃជំងឺកូវីដ ១៩ សុខភាព និងការការពារអនាគតហិរញ្ញវត្ថុ រឹតតែមានសារៈសំខាន់កាន់តែខ្លាំងឡើង។ ក្នុងកាលៈទេសៈដ៏លំបាកមួយនេះ ទីប្រឹក្សាធានារ៉ាប់រងរបស់ក្រុមហ៊ុន មេនូឡាយហ្វ៍ ខេមបូឌា បានប្រែក្លាយការភ័យខ្លាចទៅជាទឹកចិត្តដ៏រឹងមាំ ដើម្បីជួយដល់ប្រជាជនកម្ពុជាក្នុងការរៀប ចំផែនការអនាគតហិរញ្ញវត្ថុដ៏ល្អប្រសើរមួយសម្រាប់មនុស្សជាទីស្រលាញ់របស់ខ្លួន ។

អំឡុងពេលនៃការផ្ទុះខ្លាំងនៃការរីករាលដាលនៃជំងឺដ៏កាចសាហាវនេះ កញ្ចប់នៃក្តី ស្រលាញ់ដែលរួមមាន៖ ម៉ាស់ និងជេលលាងដៃ ត្រូវបានរៀបចំដោយទីប្រឹក្សានៅតាមបណ្តាសាខានានា ដើម្បីផ្តល់ជូនដល់អតិថិជនរបស់ពួកគាត់ ។

This image has an empty alt attribute; its file name is ca29bb632fc6dc0ecfa964f930fc6bca-1024x530.jpg

ការបណ្តុះបណ្តាលនានា នៅតែបន្តប្រព្រឹត្តទៅបានតាមរយៈប្រព័ន្ធឌីជីថល ដើម្បីធានាឲ្យបានថា ទីប្រឹក្សានៅតែមានសមត្ថភាពគ្រប់គ្រាន់ក្នុងការប្រឹក្សា ផ្តល់ផែនការអនាគតហិរញ្ញវត្ថុដល់អតិថិជន ។ សិក្ខាសាលាស្តីអំពី «អំណោយនៃក្តីស្រលាញ់សម្រាប់ក្រុមគ្រួសារ» និងការទំនាក់ទំនងជាមួយអតិថិជនទាំងអស់ ក៏ត្រូវបានធ្វើឡើងតាមរយៈប្រព័ន្ធឌីជីថលផងដែរ ។

This image has an empty alt attribute; its file name is d920968dc603d404320230fe58aa2c40-1024x571.jpg

ភាពរឹងមាំ និងការប្តេជ្ញាចិត្តទាំងនេះហើយ បានធ្វើឲ្យក្រុមហ៊ុន មេនូឡាយហ្វ៍ ខេមបូឌា នៅតែជាក្រុមហ៊ុនធានារ៉ាប់រងអាយុជីវិតឈានមុខ នៅប្រទេសកម្ពុជា ។ គិតមកត្រឹមត្រីមាសទីពីរនៃឆ្នាំ ២០២០នេះ ទីប្រឹក្សារបស់យើងចំនួន ៣នាក់ បានសម្រេចគ្រប់លក្ខខណ្ឌសមាជិកភាពរបស់សមាគមលំដាប់ពិភពលោក Million Dollar Round Table (MDRT) ប្រចាំឆ្នាំ ២០២១ ។

This image has an empty alt attribute; its file name is dcb673f78762a70594edf4440a69b25e-1024x576.jpg

អ្នកស្រី គី រស្មី ទីប្រឹក្សាប្រចាំទីក្រុងភ្នំពេញ បាននិយាយថា៖ «ក្នុងពេលវេលាដ៏លំបាកនេះ វាអាចជាឧបសគ្គសម្រាប់ពួកយើង ប៉ុន្តែវាក៏ជាឱកាសមួយ ដើម្បីបង្ហាញឲ្យឃើញអំពីការស្រលាញ់ និងការតាំងចិត្តក្នុងការការពារគ្រួសារកម្ពុជាផងដែរ»។

This image has an empty alt attribute; its file name is 08978ca3cd4a0fdeba432a7c6f2ab191-1024x1024.jpg

អ្នកស្រី គូ គីមហ៊ុច ទីប្រឹក្សាប្រចាំខេត្តសៀមរាប បានបង្ហើបពីបទពិសោធន៍របស់ខ្លួនថា៖ «អ្វីដែលយើងបានធ្វើមិនមែនជាសំណាងនោះឡើយ តែវាជាការគិតគូ និងរៀបចំជាយុទ្ធសាស្ត្រដែលក្រុមហ៊ុន មេនូឡាយហ្វ៍ បានបង្កើតឡើងសម្រាប់ជួយដល់ពួកយើង ដើម្បីបន្តបេសកកម្មនៅក្នុងបរិបទមួយដែលមិនបានព្រៀងទុកដូចជាជំងឺកូវីដ ១៩ នេះជាដើម» ។

This image has an empty alt attribute; its file name is 4e715bfc3c660b327f8bf89342fb6e2d-1024x1024.jpg

លោក ភឹម សារ៉ាត់ ទីប្រឹក្សាប្រចាំខេត្តព្រៃវែង បានបញ្ជាក់បន្ថែមថា៖ «អ្វីដែលពួកយើងអាចសម្រេចបានថ្ងៃនេះ ក៏ដោយសារតែទំនុកចិត្ត ដែលពួកយើងខិតខំកសាងជូនប្រជាជនកម្ពុជា និងទទួលបានមកវិញនូវការជឿជាក់រយៈពេលវែង ក្នុងការជួយពួកគាត់រៀបចំផែនការអនាគតហិរញ្ញវត្ថុ»។

This image has an empty alt attribute; its file name is 1bdc054dd93a2b64aa060e48a8dd5094-1024x1024.jpg

គួរបញ្ជាក់ផងដែរថា សមាជិកភាព Million Dollar Round Table (MDRT) ត្រូវបានទទួលស្គាល់ជាអន្តរជាតិស្របតាមបទដ្ឋានដ៏ល្អឥតខ្ចោះរបស់អាជីវកម្មនានាក្នុងវិស័យហិរញ្ញវត្ថុ និងធានារ៉ាប់រងអស់រយៈកាលជាង ៩០ឆ្នាំមកហើយ គិតមកដល់ឆ្នាំ២ ០២០នេះ ៕ អត្ថបទសហការ

Facebook Google Twitter Email

Live

Sponsored News

ការស្ទង់មតិគេហទំព័រថ្មី




    សូម​អរគុណ