រាជធានីភ្នំពេញ ៖ គណៈកម្មការអនុសាខាកាកបាទក្រហមខណ្ឌប្ញស្សីកែវរួមជាមួយសហគមន៍មូលនិធិនគរកាយវត្តព្រះពុទ្ធសាសនាកម្ពុជា នៅព្រឹកថ្ងៃទី២៣ មករា នេះ បាននាំអំណោយជាគ្រឿងឧបភោគ បរិភោគ និងថវិកាចែកជូនពលរដ្ឋងាយរងគ្រោះ រួមមានអ្នកផ្ទុកមេរោគអេដស៍ ជនពិការ និងជនក្រីក្រចំនួន១០គ្រួសារ ក្នុងភូមិទួលគោក សង្កាត់ទួលសង្កែ ខណ្ឌប្ញស្សីកែវ ដោយមានការចូលរួមចែកផ្ទាល់ពីលោកជា ពិសី ប្រធានគណៈកម្មការអនុសាខាកាកបាទក្រហមខណ្ឌប្ញស្សីកែវ និងព្រះតេជគុណសុវណ្ណជោត ខឹម សម្បត្តិ ប្រធានមូលនិធិ និងជាព្រះចៅអធិការវត្តញាណរង្សី។
អំណោយរបស់កាកបាទក្រហមនាំមកចែកជូនប្រជាពលរដ្ឋងាយរងគ្រោះទាំង១០គ្រួសារ ក្នុងមួយគ្រួសារទទួលបានគ្រឿងឧបភោគ បរិភោគ ចំនួន១០មុខ និងថវិកា១០ម៉ឺនរៀល ដោយឡែកអំណោយរបស់ព្រះតេជគុណសុវណ្ណជោត ខឹម សម្បត្តិ នាំមកចែកជូនក្នុងមួយគ្រួសារទទួលបានគ្រឿងឧបភោគ បរិភោគចំនួន៩មុខ និងបច្ច័យ៥ម៉ឺនរៀល៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ