ប្រទេសម៉ាឡេស៊ី ៖ អតីតនាយករដ្ឋមន្ត្រីម៉ាឡេស៊ី លោកណាជីបរ៉ាហ្សាក់កាលពីថ្ងៃទី ២៨កក្កដា ត្រូវបានវិនិច្ឆ័យថា ពិតជាបានប្រព្រឹត្តបទល្មើសពុករលួយ ដូចការចោទប្រកាន់លោក៧ករណី ក្នុងក្របខណ្ឌនៃរឿងអាស្រូវទាក់ទិននឹងមូលនិធិរដ្ឋម៉ាឡេស៊ី 1MDB។…
ប្រទេសម៉ាឡេស៊ី ៖ អតីតនាយករដ្ឋមន្ត្រីម៉ាឡេស៊ី លោកណាជីបរ៉ាហ្សាក់កាលពីថ្ងៃទី ២៨កក្កដា ត្រូវបានវិនិច្ឆ័យថា ពិតជាបានប្រព្រឹត្តបទល្មើសពុករលួយ ដូចការចោទប្រកាន់លោក៧ករណី ក្នុងក្របខណ្ឌនៃរឿងអាស្រូវទាក់ទិននឹងមូលនិធិរដ្ឋម៉ាឡេស៊ី 1MDB។
រឿងអាស្រូវជាប្រវត្តិសាស្ត្រនេះ ត្រូវបានចាត់ទុកថា ជាការសាកល្បងមួយសម្រាប់ប្រទេសអាស៊ីអាគ្នេយ៍នោះ ក្នុងការខិតខំប្រឹងប្រែងដើម្បីទប់ស្កាត់អំពើពុករលួយ និងជាការប្រកួតប្រជែងគ្នាខាងនយោបាយដ៏សំខាន់មួយ។
ចៅក្រមនៃតុលាការជាន់ខ្ពស់ក្រុងគូឡាឡាំពួរ លោកម៉ូហាម៉ាដណាស្លានម៉ូហាម៉ាដហ្គាហ្សាលីថ្លែងថា អយ្យការអាចបង្ហាញបណ្ដាការពិតដែលសមហេតុសមផល។ លោកណាជីបរ៉ាហ្សាក់ ទទួលការចោទប្រកាន់ជាពិសេសពីបទលាងលុយកខ្វក់ រំលោភបំពានអំណាចនិងរំលោភបំពានលើសេចក្ដីទុកចិត្ត ដើម្បីបានទទួលដោយខុសច្បាប់នូវទឹកប្រាក់ដល់ទៅជិត១០លានដុល្លារ ពីសំណាក់សាខាមួយរបស់មូលនិធិ1MDB។ លោកបានបដិសេធរាល់ការចោទប្រកាន់ទាំងនោះ។
អតីតនាយករដ្ឋមន្ត្រីរូបនោះត្រូវបានហាមឃាត់មិនឲ្យឈរឈ្មោះ សម្រាប់ការបោះឆ្នោតឆ្នាំ២០១៨ ទទួលការបង់ប្រាក់ពិន័យនិងទោសជាប់ពន្ធនាគារពី១៥ទៅ២០ឆ្នាំ សម្រាប់បទចោទប្រកាន់និមួយៗ។ បណ្ដាមេធាវីរបស់លោកបានខិតខំឲ្យមានការអូសបន្លាយពេលការចេញសាលក្រមកាត់ទោសលោក ហើយទន្ទឹមនឹងនេះប្រកាសពីការតវ៉ាទៅតុលាការសហព័ន្ធ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ