អ៊ីរ៉ង់៖ សាស្ត្រាចារ្យស្រស់ស្អាតមួយរូប ដែលជាជនជាតិអូស្ត្រាលី – កាត់អង់គ្លេស ដែលត្រូវបានកាត់ទោសឲ្យជាប់ពន្ធនាគារ ១០ ឆ្នាំនៅអ៊ីរ៉ង់ពីបទធ្វើចារកម្ម ថ្មីៗនេះនាងត្រូវបានផ្ទេរឃុំទៅពន្ធនាគារដ៏ល្បីល្បាញកេរ្តិ័ឈ្មោះអសោចិ៍ នៅលើវាលខ្សាច់ដាច់ស្រយាល…
អ៊ីរ៉ង់៖ សាស្ត្រាចារ្យស្រស់ស្អាតមួយរូប ដែលជាជនជាតិអូស្ត្រាលី – កាត់អង់គ្លេស ដែលត្រូវបានកាត់ទោសឲ្យជាប់ពន្ធនាគារ ១០ ឆ្នាំនៅអ៊ីរ៉ង់ពីបទធ្វើចារកម្ម ថ្មីៗនេះនាងត្រូវបានផ្ទេរឃុំទៅពន្ធនាគារដ៏ល្បីល្បាញកេរ្តិ័ឈ្មោះអសោចិ៍ នៅលើវាលខ្សាច់ដាច់ស្រយាល ។ នេះបើយោងតាមសកម្មជនសិទ្ធិមនុស្សអ៊ីរ៉ង់ និងត្រូវបានចុះផ្សាយដោយសារព័ត៌មានល្បី BBC ។
អ្នកនាង Kylie Moore-Gilbert សាស្ត្រាចារ្យនៅសាកលវិទ្យាល័យ Melbourne បានជាប់ពន្ធនាគារចាប់តាំងពីខែកញ្ញាឆ្នាំ ២០១៨ ។ យ៉ាងណាមិញ នាងបានបដិសេធយ៉ាងដាច់អហង្កា រាល់ការចោទប្រកាន់ទាំងអស់ប្រឆាំងនឹងរូបនាង។ យោងតាមមិត្តភក្តិម្នាក់បាននិយាយថានាងត្រូវដេកនៅលើឥដ្ឋក្នុងបន្ទប់ឃុំមួយក្នុងរដ្ឋធានីតេអេរ៉ង់អស់រយៈ២ឆ្នាំមកហើយ ។
នាងត្រូវបានគេដាក់ឃុំឃាំងតែម្នាក់ឯង ហើយនាងក៏បានធ្វើកូដកម្មអត់អាហារជាច្រើនដង ។ នាងត្រូវបានគេវាយធ្វើបាបដោយសារតែព្យាយាមលួងលោមអ្នកទោសថ្មីដោយការធ្វើកំណត់ហេតុនិងសរសេរទៅពួកគេនៅលើជញ្ជាំងពន្ធនាគារ។ ឥឡូវនេះនាងត្រូវបានគេរាយការណ៍ថាត្រូវបានផ្លាស់ទៅពន្ធនាគារ Qarchak ដ៏ល្បីល្បាញថាជាពន្ធនាគារមិនល្អ ។
ជុំវិញរឿងរ៉ាវនៃពន្ធនាគារអ៊ីរ៉ង់ គឺគេតែងតែនិយាយថា ជោគវាសនាមិនច្បាស់លាស់នៃជនជាតិអ៊ីរ៉ង់ដែលជាប់ពន្ធនាគារ ។ បើតាម Caroline Hawley អ្នកឆ្លើយឆ្លងព័ត៌មានកិច្ចការពិភពលោករបស់ BBC បានសម្ភាសន៍ជាមួយអតីតអ្នកជាប់ពន្ធនាគារ ដោយបាននិយាយថា ពេលខ្លះពន្ធនាគារត្រូវបានប្រើជាការដាក់ទណ្ឌកម្មដល់អ្នកទោសនយោបាយអ៊ីរ៉ង់។
លោកស្រី Moore-Gilbert ជាសាស្ត្រាចារ្យផ្នែកនយោបាយមជ្ឈឹមបូព៌ាអាចធ្វើការហៅទូរស័ព្ទចេញបានម្តង ។ នាងបានប្រាប់សកម្មជនសិទ្ធិមនុស្សអ៊ីរ៉ង់ម្នាក់ថានាងស្ថិតក្នុងសភាពអាក្រក់ ក្រៀមក្រំបាក់ទឹកចិត្ត ហើយមិនអាចបរិភោគបាន។
នៅក្នុងលិខិតដែលត្រូវបានរត់យកចេញពីពន្ធនាគារអ៊ីវីនរបស់ទីក្រុងតេអេរ៉ង់កាលពីខែមករា ស្ត្រីសាស្ត្រាចារ្យរូបនោះបាននិយាយថានាងមិនដែលធ្វើជាឈ្លបយកការណ៍ (ចារកម្ម) ទេ ដូចការចោទប្រកាន់នោះឡើយ ។
សាស្ត្រាចារ្យរូបនេះ ដែលបានប្រើប្រាស់លិខិតឆ្លងដែនអូស្ត្រាលី ត្រូវបានឃុំខ្លួននៅអាកាសយានដ្ឋានតេអេរ៉ង់ក្នុងឆ្នាំ ២០១៨ នៅពេលនាងព្យាយាមចាកចេញពីប្រទេសនេះ បន្ទាប់ពីការបញ្ចប់នូវសន្និសីទមួយ ៕
ចែករំលែកព័តមាននេះ