ចេញហើយ! Mbappe នឹងអវត្តមានជួយក្រុមនៅ Champions League
ប្រទេសបារាំង ៖ យោងតាមប្រភពពី BBC បានធ្វើការចុះផ្សាយថា ខ្សែប្រយុទ្ធឆ្នើម Kylian Mbappe របស់ក្រុម PSG…
ប្រទេសបារាំង ៖ យោងតាមប្រភពពី BBC បានធ្វើការចុះផ្សាយថា ខ្សែប្រយុទ្ធឆ្នើម Kylian Mbappe របស់ក្រុម PSG នឹងខកខានជួយក្រុមសម្រាប់ការប្រកួតវគ្គ ៨ក្រុមចុងក្រោយក្នុងពានរង្វាន់ UEFA Champions League ទល់នឹងក្រុម Atalanta នៅទីក្រុង Lisbon នៅថ្ងៃទី១២ ខែសីហាខាងមុខ។
ខ្សែប្រយុទ្ធបារាំងវ័យ ២១ឆ្នាំរូបនេះ បានរងរបួសកជើងស្តាំធ្ងន់ធ្ងរ អំឡុងពេលការប្រកួតដណ្តើមពានរង្វាន់ French Cup វគ្គផ្តាច់ព្រ័ត្រជាមួយក្រុម Saint-Etienne កាលពីថ្ងៃសុក្រកន្លងទៅ ដែលធ្វើឱ្យគេត្រូវឃ្លាតឆ្ងាយពីទីលានប្រកួតរយៈពេល ៣សប្តាហ៍។
Mbappe អាចនឹងត្រឡប់មកជួយក្រុមវិញ នៅវគ្គពាក់កណ្តាលផ្តាច់ព្រ័ត្រនៅថ្ងៃទី១៨ ខែសីហា ប្រសិនបើ PSG អាចឆ្លងទៅដល់វគ្គនោះ។ ក្លិប PSG បានចេញសេចក្តីប្រកាសមួយថា «លទ្ធផលនៃការស្កែនបានបញ្ជាក់ថា ស្នាមជាំនៅកជើងស្តាំ បានប៉ះពាល់ខ្លាំងដល់សរសៃខាងក្នុង។ ហើយរូបគេនឹងអវត្តមានប្រហែល ៣សប្តាហ៍»៕
អត្ថបទពាក់ព័ន្ធ ៖ ភាពស្រពេចស្រពិលជុំវិញវត្តមាន Mbappe ក្នុងពានរង្វាន់ Champions League
ចែករំលែកព័តមាននេះ