កូវីដ ១៩ បានផ្លាស់ប្តូរបរិស្ថានធ្វើការរបស់មនុស្សមួយចំនួន ជាពិសេសមនុស្សដែលត្រូវបានបង្ខំឲ្យធ្វើការពីផ្ទះជាដើម ។ សម្រាប់អ្នកដែលបានឆ្លងកាត់ស្ថានការនេះ វាស្ទើរតែមិនអាចទៅរួចទៅហើយក្នុងការធ្វើការជាមួយអ្នកដទៃ ធ្វើដំណើរទៅជួបអតិថិជន ឬទទួលបានការឡើងតំណែង ។…
កូវីដ ១៩ បានផ្លាស់ប្តូរបរិស្ថានធ្វើការរបស់មនុស្សមួយចំនួន ជាពិសេសមនុស្សដែលត្រូវបានបង្ខំឲ្យធ្វើការពីផ្ទះជាដើម ។ សម្រាប់អ្នកដែលបានឆ្លងកាត់ស្ថានការនេះ វាស្ទើរតែមិនអាចទៅរួចទៅហើយក្នុងការធ្វើការជាមួយអ្នកដទៃ ធ្វើដំណើរទៅជួបអតិថិជន ឬទទួលបានការឡើងតំណែង ។ ដូច្នេះវាងាយនឹងគិតថា កំឡុងពេលប៉ុន្មានខែកន្លងមកនេះប្រៀបជាគ្មានតម្លៃទាល់តែសោះ ។
ប៉ុន្តែការពិតជាក់ស្តែង បទពិសោធន៍នេះក៏ជាមេរៀនសំខាន់ដែលបានបង្រៀនជំនាញល្អៗសម្រាប់អ្នកដែរ ។ ដូច្នេះក្នុងពេលដែលអ្នកកំពុងរកការងារថ្មីៗ អ្នកគួរតែរួមបញ្ចូលជំនាញខាងក្រោមដែលអាចរៀនបានខណៈដែលព្យាយាមធ្វើការក្នុងជំនាន់កូវីដ ១៩ ។
១. ការទំនាក់ទំនង
ការទំនាក់ទំនងរវាងមនុស្ស និងមនុស្សមានសារៈសំខាន់ណាស់មិនថា មានការផ្ទុះជំងឺកូវីដ ១៩ ឬអត់ ។ ប៉ុន្តែបច្ចុប្បន្ននេះ ការទំនាក់ទំនងកាន់តែមានសារៈសំខាន់ទៅទៀតព្រោះមនុស្សព្យាយាមកាត់បន្ថយការជួបមុខគ្នា ។
ទាំងមិត្តរួមការងាររបស់អ្នក និងអតិថិជនរបស់អ្នកត្រូវការវិធីទាក់ទងថ្មីៗដើម្បីទាក់ទងជាមួយអ្នកបានដោយមានប្រសិទ្ធិភាពខ្ពស់ ។ អ្នកដែលកំពុងរកការងាធ្វើអាចសរសេរ ឬរៀបរាប់ពីយុទ្ធសាស្ត្រដែលពួកគេបានប្រើដើម្បីទាក់ទងជាមួយអ្នកដទៃក្នុងកំឡុងពេលការផ្ទុះជំងឺកូវីដ ១៩ នេះ ។
២. ការគ្រប់គ្រងពេលវេលា
មនុស្សត្រូវឆ្លងកាត់អារម្មណ៍ស្ត្រេស ការភ័យព្រួយ និងភាពមិនប្រាកដប្រជាក្នុងកំឡុងពេលនេះ ខណៈដែលព្យាយាមបំពេញការងារដែលស្ថិតក្រោមការទទួលខុសត្រូវរបស់ខ្លួនផងដែរ ។ អ្នកអាចយកបទពិសោធន៍នេះជាមេរៀនដែលបង្រៀនអ្នកពីការគ្រប់គ្រងពេលវេលាបាន ជាពិសេសទាក់ទិននឹងការបែកចែកការងារ និងជីវិតផ្ទាល់ខ្លួន ខណៈដែលអ្នកយកការងារទៅធ្វើនៅផ្ទះច្រើនជាងមុនព្រោះតែកូវីដ១៩ ។
៣. ប្រសិទ្ធភាពការងារ
ក្រៅពីការគ្រប់គ្រងការងារហើយ អ្នកដែលកំពុងជ្រើសរើសបុគ្គលិកអាចនឹងចាប់អារម្មណ៍នឹងការដែលអ្នករក្សា និងបង្កើនប្រសិទ្ធភាពការងារក្នុងកំឡុងពេលនេះ ។ អ្នកអាចលើកឡើងពីការដែលអ្នកកំណត់ការងារសំខាន់ៗ និងដោះស្រាយបញ្ហាដែលអ្នកជួបប្រទះជាដើម ។ ប្រសិនបើអ្នកសម្រេចបានកិច្ចការច្រើន អ្នកគួរតែលើកឡើងពីភាពជោគជ័យរបស់អ្នកផងដែរ ៕
ចែករំលែកព័តមាននេះ