ប្រទេសអីុតាលី ៖ នៅភាគខាងត្បូងអ៊ីតាលី ការពិន័យព្រោះមិនពាក់ម៉ាសការពារត្រូវបានបង្កើនដល់១០០០អឺរ៉ូ ។ ការមិនពាក់ម៉ាសដូចជានៅតាមអគាររដ្ឋ បណ្ដាផ្សារទំនើប បារ ភោជនីយដ្ឋាន ហាងនានា…
ប្រទេសអីុតាលី ៖ នៅភាគខាងត្បូងអ៊ីតាលី ការពិន័យព្រោះមិនពាក់ម៉ាសការពារត្រូវបានបង្កើនដល់១០០០អឺរ៉ូ ។ ការមិនពាក់ម៉ាសដូចជានៅតាមអគាររដ្ឋ បណ្ដាផ្សារទំនើប បារ ភោជនីយដ្ឋាន ហាងនានា ព្រមទាំងក្នុងផ្នែកដឹកជញ្ជូនសាធារណៈត្រូវរងការពិន័យនោះ ។
ប្រឈមមុខចំពោះគ្រោះថ្នាក់នៃការកើនឡើងវិញនៃការឆ្លងវីរុស COVID-19 និងការគ្មាន
វិន័យរបស់បណ្ដាមន្ត្រីលោកលើកិច្ចការពារការឆ្លង ប្រធានតំបន់ NAPPLES បានពង្រឹងបែបបទ លើការពាក់ម៉ាសក្នុងកន្លែងបិទជិត ។ បណ្ដាអ្នកមិនគោរពវិធានការនោះអាចទទួលការពិន័យ ចាប់ពីពេលនេះទៅដល់១០០០អឹរ៉ូ ។ ចំពោះការមិនគោរពតាមបទបញ្ជាឲ្យពាក់ម៉ាស បណ្ដាហាងទំនិញដែលបណ្ដោយឲ្យមានការរំលោភបំពាន អាចរងការបិទមិនឲ្យធ្វើសកម្មភាព ។
តាមបទបញ្ជានោះ បណ្ដាប្រតិបត្តិករខាងផ្នែកដឹកជញ្ជូន ត្រូវបដិសេធមិនឲ្យចូលបណ្ដាអ្នកដំណើរដែលមិនពាក់ម៉ាស ។ ប្រសិនបើពួកគេមានះចូលជិះ នោះពួកគេត្រូវរងទណ្ឌកម្មនិងស្នើឲ្យចាកចេញជាបន្ទាន់ ។ រួចបើនៅបដិសេធទៀត នោះបណ្ដារថយន្តបឺស ឬរថភ្លើងនឹងឈប់រត់រួចស្នើឲ្យមានអន្តរាគមន៍របស់កងកម្លាំងប៉ូលិស ។
អ៊ីតាលីជាប្រទេសមួយក្នុងចំណោមប្រទេសដែលរងការប៉ះពាល់ខ្លាំងបំផុត ដោយសារការឆ្លងរាលដាលនៃវីរុសនៅអឺរ៉ុបជាមួយមនុស្សស្លាប់កើនដល់ជាង៣៥.០០០នាក់ និងអ្នកឆ្លងមានដល់
ជាង២៤២.០០០នាក់ ។ រយៈពេល២៤ម៉ោងចុងក្រោយនេះប្រទេសនោះមានអ្នកឆ្លងថ្មី២៧៥នាក់ ត្រូវបានប្រកាសនាថ្ងៃទី២៥ កក្កដា ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ