ជុំវិញរឿងរ៉ាវចង់ដកមេភូមិទឹកជោរ តែប្រជាពលរដ្ឋមិនព្រម
- សៀមរាប
ខេត្តសៀមរាប ៖ នាព្រឹកថ្ងៃទី២៥ ខែកក្កដា ឆ្នាំ២០២០ មានពលរដ្ឋប្រមាណជាង១០០គ្រួសារ ក្នុងចំណោមជាង២០០គ្រួសារ រស់នៅភូមិទឹកជោរ ឃុំទឹកជោរ ស្រុកព្រះនេត្រព្រះ…
ខេត្តសៀមរាប ៖ នាព្រឹកថ្ងៃទី២៥ ខែកក្កដា ឆ្នាំ២០២០ មានពលរដ្ឋប្រមាណជាង១០០គ្រួសារ ក្នុងចំណោមជាង២០០គ្រួសារ រស់នៅភូមិទឹកជោរ ឃុំទឹកជោរ ស្រុកព្រះនេត្រព្រះ…
ខេត្តសៀមរាប ៖ នាព្រឹកថ្ងៃទី២៥ ខែកក្កដា ឆ្នាំ២០២០ មានពលរដ្ឋប្រមាណជាង១០០គ្រួសារ ក្នុងចំណោមជាង២០០គ្រួសារ រស់នៅភូមិទឹកជោរ ឃុំទឹកជោរ ស្រុកព្រះនេត្រព្រះ ខេត្តបន្ទាយមានជ័យ ជាប់ព្រំប្រទល់ ស្រុកក្រឡាញ់ ខេត្តសៀមរាប បានមកជួបជុំគ្នានៅក្នុងបរិវេណវត្តទឹកជោរ កើតទុក្ខមិនសុខចិត្តរឿងសមាជិកក្រុមប្រឹក្សាឃុំទឹកជោរ ឈ្មោះ អៀ ហៃ សុំលោកឱ្យមេឃុំទឹកជោរឈ្មោះ លុច ផ ដកមេភូមិទឹកជោរ ឈ្មោះ រៀន ប៊ុនណាល់ ដែលគាត់បានធ្វើមេភូមិ ជួយប្រជាពលរដ្ឋអស់រយៈពេលជាង១៨ឆ្នាំកន្លងមក មិនដែលមានថ្នាំងថ្នាក់ ជាមួយបងប្អូនប្រជាពលរដ្ឋនៅក្នុងភូមិឡើយ។
លោក អឿន សំណាង តំណាងប្រជាពលរដ្ឋរស់នៅ ភូមិទឹកជោរ ឃុំទឹកជោរ បានរៀបរាប់ប្រាប់អ្នកសារព័ត៌មានថា លោកបានស្គាល់មេភូមិទឹកជោរ ឈ្មោះ រៀន ប៊ុនណាល់ ជាង៣០ឆ្នាំមកហើយ មិនដែលរូបគាត់ធ្វើអ្វីឱ្យបងប្អូនប្រជាពលរដ្ឋក្នុងភូមិ មានការអន់ស្រពន់ចិត្ត ឬខឹងសម្បាមកលើរូបគាត់ឡើយ មានតែគាត់ធ្វើការបម្រើប្រជាពលរដ្ឋ ដោយស្មោះ សូម្បីពួកគាត់ទៅសុំធ្វើលិខិតសុំច្បាប់ធ្វើបុណ្យ ឬសុំស៊ីញ៉េប្លង់ដីយកទៅដាក់អង្គការ ដើម្បីយកលុយមករកស៊ីចិញ្ចឹមក្នុងគ្រួសារ ក៏គាត់មិនដែលយកលុយពីប្រជាពលរដ្ឋ១០០រៀល ឬ ១០០០០រៀលឡើយ។
លោកបានរៀបរាប់បន្តថា បើនិយាយពីលោកមេភូមិ មានតែជួយកសាងផ្លូវ ជូនប្រជាពលរដ្ឋឱ្យធ្វើដំណើរ ដើម្បីងាយស្រួលក្នុងការប្រកបរបរកសិកម្មផងដែរ។ ចំពោះសមាជិកឃុំទឹកជោរ និងលោកមេឃុំទឹកជោរ ចង់ដកមេភូមិចេញពីក្នុងភូមិនេះ ក៏ដោយក៏ពួកខ្ញុំ មិនយល់ព្រមឱ្យដកចេញដែរ ព្រោះប្រជាពលរដ្ឋទាំងអស់ជាង២០០គ្រួសារបានគាំទ្រ លោក មេភូមិទាំងស្រុងប្រសិនបើដកលោកមេភូមិចេញ ដោយមានការឯកភាពពីប្រជាពលរដ្ឋសិន។
ចំណែក អ្នកមីង សុផាត អាយុជាង៦០ឆ្នាំ ដែលរស់នៅភូមិទឹកជោរ នោះបានរៀបរាប់ប្រាប់ថា អ្នកស្រី បានរស់នៅតាំងពីជីដូនជីតា នាងខ្ញុំ មកដល់បច្ចុប្បន្នមិនដែលចង់ផ្លាស់ប្តូរទៅរស់នៅស្រុកណាឡើយ ហើយអ្នកស្រីមិនចង់ឱ្យថ្នាក់លើដកមេភូមិទឹកជោរនេះចេញជាដាច់ខាត លុះត្រាតែមេភូមិ គាត់សុំឈប់ពីការងារនេះដោយខ្លួនឯង។
អ្នកស្រីបានរៀបរាប់បន្តថា ចំពោះផ្លូវដើរនៅមុខផ្ទះរបស់នាងខ្ញុំ ធ្លាប់ដើររាល់ថ្ងៃដល់ពេលអ្នកមកទិញដីនៅជិតផ្ទះនាងខ្ញុំ ពីខាងមុខដែលនាងខ្ញុំដើររាល់ដងនោះ ស្រាប់តែអ្នកមកនៅក្រោយចង់បិទផ្លូវ ហើយនាងខ្ញុំ ប្រាប់វិញថា ទុកផ្លូវនោះដើរទាំងអស់គ្នា គ្រាន់បានឱ្យកូនចៅចេញចូលទៅរៀន ដល់ពេលនាងខ្ញុំ ទៅប្រាប់លោកមេឃុំទឹកជោរ និងជាប្រធានក្រុមប្រឹក្សាឃុំ ឈ្មោះ លុច ផ បែរជាលោកមេឃុំ ប្រាប់នាងខ្ញុំវិញថា ម្តេចមីងឯង មិនព្រមទិញដីយកមកធ្វើផ្លូវដើរទៅ។
អ្នកស្រីរៀបរាប់បន្តថា ហើយរូបនាងខ្ញុំបានសួរលោកមេឃុំវិញថា ដីគាត់សោះ រឿងអីឱ្យនាងខ្ញុំទិញពីគេទៅវិញ។ រីឯលោក រៀន ប៊ុនណាល់ មេភូមិទឹកជោរ បានមានប្រសាសន៍នៅក្នុងអង្គពិធីសំណេះសំណាល ជាមួយបងប្អូនប្រជាពលរដ្ឋប្រមាណជាង១០០គ្រួសារក្នុងចំណោម២០០គ្រួសារ ថា ចំពោះលោក អៀ ហៃ សមាជិកក្រុមប្រឹក្សាឃុំទឹកជោរ សុំឱ្យលោក លុច ផ មេឃុំទឹកជោរ និង ជាប្រធានក្រុមប្រឹក្សាឃុំទឹកជោរ ដកលោក ចេញពីមេភូមិនោះ គឺលោកមិនសុខចិត្តទេ ព្រោះលោកគ្មានកំហុសអ្វីទាំងអស់ជាមួយបងប្អូនប្រជាពលរដ្ឋ។
លោកមេភូមិបន្តថា ចំពោះបងប្អូនប្រជាពលរដ្ឋចង់ ឬថ្នាក់លើឱ្យលោកធ្វើមេភូមិតទៅទៀតលុះត្រាតែដកលោក អៀ ហៃ សមាជិកក្រុមប្រឹក្សាឃុំទឹកជោរ ចេញ។ ពីព្រោះលោក អៀ ហៃ មានរឿងផ្ទាល់ខ្លួនជាមួយលោក គឺ រឿងទិញដីដល់ទិញបានហើយឱ្យខាងសមាជិកក្រុមប្រឹក្សាឃុំ យកឯកសារមកឱ្យលោក ស៊ីញ៉េ ដល់លោកពិនិត្យមិនត្រឹមត្រូវក៏ប្រាប់អ្នកយកឯកសារមកថា លោកមិនព្រមស៊ីញ៉េឱ្យទេ ព្រោះឯកសារមិនត្រូវ ខណៈពេលនោះអ្នកកាន់ឯកសារមកក៏យកទៅជូនលោក អៀ ហៃ វិញ ស្រាប់តែគាត់ខឹងនឹងខ្ញុំក៏ញីឯកសារនោះទក់អស់ ដូចក្រដាសបោះចោល ហើយកែមកម្តងទៀត ដើម្បីឱ្យលោកស៊ីញ៉េ។
គ្រាន់តែរឿងប៉ុណ្ណឹង ស្រាប់តែលោក អៀ ហៃ សមាជិកក្រុមប្រឹក្សាឃុំនោះ ចាប់ផ្តើមរាយការណ៍ជូនលោកមេឃុំ ប៉ុន្តែមិនបានប៉ុន្មានខែផង ស្រាប់តែខលមកប្រាប់លោកថា ឱ្យទៅសាលាឃុំ ដើម្បីប្រជុំបោះឆ្នោតជ្រើសរើសមេភូមិ ដែលមានសមាភាពចូលរួមតែ ៥ទៅ៦នាក់ប៉ុណ្ណោះនៅក្នុងឃុំ និយាយពីបញ្ហាថា ប្រជាពលរដ្ឋនៅក្នុងភូមិទឹកជោរ មិនពេញចិត្ត និងលោកមេភូមិ ដោយសារមានធុរៈចាំបាច់ មេភូមិរវល់នៅតែខេត្តសៀមរាប។ តែរូបបដិសេដដាច់ខាត មិនព្រមបោះឆ្នោតដ៏រាបណា មានបងប្អូនប្រជាពលរដ្ឋបោះឆ្នោត ទើបរូបលោកមិនព្រម។
លោកបានបញ្ជាក់ថា នៅព្រឹកថ្ងៃទី២៥ ខែកក្កដា ឆ្នាំ២០២០នេះ លោកបានអញ្ជើញ មេឃុំ ឬ តំណាង សមាជិកឃុំ មកចូលរួម ពិភាក្សា និងសំណេះសំណាល ជាមួយបងប្អូនប្រជាពលរដ្ឋ ប៉ុន្តែ លោកមេឃុំថា ជាប់រវល់ធ្វើបុណ្យនៅខេត្តសៀមរាប។ រីឯ លោក អៀ ហៃ សមាជិកក្រុមប្រឹក្សាឃុំទឹកជោរ បានប្រាប់តាមទូរស័ព្ទនៅវេលាម៉ោងជាង១១ ថ្ងៃត្រង់ថា រូបលោក នៅឆ្ងាយកំពុងជាប់រវល់ ប៉ុន្តែរឿងនេះលោកឱ្យសួរទៅមេឃុំតែម្តងទៅ ព្រោះលោកមេឃុំជាអ្នកដោះស្រាយ។
ជុំវិញករណីនេះដែរ លោក លុច ផ មេឃុំទឹកជោរ និង ជាប្រធានក្រុមប្រឹក្សាឃុំទឹកជោរបានប្រាប់ភ្នាក់ងារកោះសន្តិភាព តាមទូរស័ព្ទនៅវេលាម៉ោង៤ និង៤៥នាទីរសៀល ថ្ងៃទី២៥ ខែកក្កដា ឆ្នាំ២០២០នេះថា លោកកំពុងជាប់រវល់បើកឡាន មិនអាចនិយាយគ្នាស្តាប់បានទេ៕ ដោយ ៖ ដោយ ច័ន្ទ រស្មី
ចែករំលែកព័តមាននេះ