រាជធានីភ្នំពេញ ៖ អ្នកនាំពាក្យក្រសួងសុខខាភិបាលបានព្រមានពីលទ្ធភាពនៃការចម្លងជំងឺកូវីដ១៩អាចឆ្លងចូលដល់សហគមន៍ បើយើងម្នាក់ៗមិនប្រុងប្រយ័ត្ន។ លោកជំទាវ ឱ វណ្ណឌីនរដ្ឋលេខាធិការនិង ជាអ្នកនាំពាក្យក្រសួងសុខាភិបាលបានឲ្យដឹងនៅថ្ងៃទី២៥កក្តដាឆ្នាំ២០២០ថា លទ្ធភាពនៃការចម្លងវីរុសកូវីដ-១៩ ចូលសហគមន៌…
រាជធានីភ្នំពេញ ៖ អ្នកនាំពាក្យក្រសួងសុខខាភិបាលបានព្រមានពីលទ្ធភាពនៃការចម្លងជំងឺកូវីដ១៩អាចឆ្លងចូលដល់សហគមន៍ បើយើងម្នាក់ៗមិនប្រុងប្រយ័ត្ន។
លោកជំទាវ ឱ វណ្ណឌីនរដ្ឋលេខាធិការនិង ជាអ្នកនាំពាក្យក្រសួងសុខាភិបាលបានឲ្យដឹងនៅថ្ងៃទី២៥កក្តដាឆ្នាំ២០២០ថា លទ្ធភាពនៃការចម្លងវីរុសកូវីដ-១៩ ចូលសហគមន៌ យើងមិនអាចមើលរំលងបានឡើយ។ ដូច្នេះហើយបានជាក្រសួងសុខាភិបាល តែងតែអំពាវនាវហើយអំពាវនាវទៀតឲ្យបងប្អូនប្រជាពលរដ្ឋត្រូវតែបន្តការការពារខ្លួនជាប់ជានិច្ច។
លោកជំទាវបានបញ្ជាក់ថា ថ្ងៃនេះ ថ្វីត្បិតតែការរកឃើញអ្នកវិជ្ជមានវីរុសកូវីដ-១៩ ចំនួន ២៣នាក់ទៀត ជាករណីនាំចូលក៏ពិតមែន តែវាជាចំនួនច្រើនណាស់ ដែលយើងមិនអាចដឹងបានថា តើបន្តទៅមុខទៀតយ៉ាងណានោះទេ ដូច្នេះសូមអ្នកដើរកំសាន្តទាំងអស់ ត្រូវតែប្រុងប្រយ័ត្នគ្រប់ពេលវេលា ដោយសារហានិភ័យនៃការចម្លងវីរុសកូវីដ-១៩ ដែលអាចកេីតមានគ្រប់ពេលវេលា គ្រប់កាល:ទេស: និងគ្រប់ទីកន្លែងទាំងអស់។ សុំកុំភ្លេចខ្លួន និងសុំកុំសន្តិភាពនិយមជាមួយវីរុសកូវីដ-១៩នេះឲ្យសោះ។
ជាមួយគ្នានោះដែរ លោកជំទាវសូមជូនពរបងប្អូនប្រជាពលរដ្ឋទាំងអស់មានសុខភាពល្អ ចៀសផុតការឆ្លងវីរុសដ៏កាចសាហាវមកបុគ្គល មកក្រុមគ្រួសារ និងចៀសផុតពីការចម្លងចូលសហគមន៌ជាបន្តទៀត៕ (កែសម្រួលដោយ ៖ ធីតា)
ចែករំលែកព័តមាននេះ