ភាពស្រពេចស្រពិលជុំវិញវត្តមាន Mbappe ក្នុងពានរង្វាន់ Champions League
ប្រទេសបារាំង ៖ ខ្សែប្រយុទ្ធ Kylian Mbappe របស់ក្រុម PSG អាចនឹងអវត្តមានជួយក្រុមក្នុងពានរង្វាន់ Champions League…
ប្រទេសបារាំង ៖ ខ្សែប្រយុទ្ធ Kylian Mbappe របស់ក្រុម PSG អាចនឹងអវត្តមានជួយក្រុមក្នុងពានរង្វាន់ Champions League…
ប្រទេសបារាំង ៖ ខ្សែប្រយុទ្ធ Kylian Mbappe របស់ក្រុម PSG អាចនឹងអវត្តមានជួយក្រុមក្នុងពានរង្វាន់ Champions League បន្ទាប់ពីរងរបួសកជើងធ្ងន់ធ្ងរនៅការប្រកួតវគ្គផ្តាច់ព្រ័ត្រ French Cup កាលពីថ្ងៃសុក្រកន្លងទៅ។
ការប្រជែងពីសំណាក់ខ្សែការពារ Loic Perrin របស់ក្រុម St.Etienne បានធ្វើឱ្យ Mbappe ទទួលរងរបួសកជើងខាងស្តាំយ៉ាងធ្ងន់ធ្ងរ ហើយត្រូវប្តូរចេញនៅនាទី៣៣ ខណៈការប្រកួតបញ្ចប់ទៅដោយក្រុម PSG កា្លយជាម្ចាស់ជើងឯក ក្រោយឈ្នះដោយលទ្ធផល ១-០ ។
ក្លិប PSG បានចេញសេចក្តីថ្លែងការណ៍មួយកាលពីថ្ងៃសៅរ៍ ដោយបញ្ជាក់ថា ក្លិបមិនទាន់អាចធ្វើការសន្និដ្ឋានណាមួយ ជុំវិញបញ្ហារបួសកជើងខាងស្តាំរបស់ Mbappe បាននៅឡើយទេ។ រួមទាំងវត្តមានរបស់គេ ក្នុងការជួយក្រុមសម្រាប់ការប្រកួតក្នុងក្របខណ្ឌ Champions League ដោយអ្វីៗទាំងអស់នឹងត្រូវដឹងជាផ្លូវការនៅ ៣ថ្ងៃក្រោយ។
សូមបញ្ជាក់ថា PSG នឹងត្រូវជួបក្រុម Atalanta របស់អ៊ីតាលីក្នុងពានរង្វាន់ Champions League វគ្គ៨ក្រុមចុងក្រោយ ដែលត្រូវធ្វើឡើងនៅថ្ងៃទី១២ ខែសីហា នៅទឹកដីកណ្តាលក្នុងកីឡដ្ឋាន Estádio da Luz ទីក្រុងលីសបោន ប្រទេសព័រទុយហ្គាល់៕ (ដកស្រង់ចេញពី Reuters)
ចែករំលែកព័តមាននេះ