ខេត្តកំពត៖ នៅច្រកទ្វារអន្តរជាតិព្រែកចាក មន្ត្រីគយខ្លះដែលមានសំណាងបាននៅទីនោះ ដូចបានកេរម៉ែចែកឱ្យ គឺគិតតែប្រមូលលុយចូលហោប៉ៅយ៉ាងថោកទាបលើញើសឈាមអ្នកក្រីក្ររកស៊ីដឹកទំនិញ ។ បានជាពោលដូច្នោះ ព្រោះមានគយម្នាក់ឈ្មោះស៊ុម សុផល បានជាន់កដកស្លាបគ្មានប្រណីទេ…
ខេត្តកំពត៖ នៅច្រកទ្វារអន្តរជាតិព្រែកចាក មន្ត្រីគយខ្លះដែលមានសំណាងបាននៅទីនោះ ដូចបានកេរម៉ែចែកឱ្យ គឺគិតតែប្រមូលលុយចូលហោប៉ៅយ៉ាងថោកទាបលើញើសឈាមអ្នកក្រីក្ររកស៊ីដឹកទំនិញ ។ បានជាពោលដូច្នោះ ព្រោះមានគយម្នាក់ឈ្មោះស៊ុម សុផល បានជាន់កដកស្លាបគ្មានប្រណីទេ ចំពោះអ្នកណាដែលដឹកទំនិញពីព្រំដែនវៀតណាម ត្រឹមតែមួយរ៉ឺម៉កម៉ូតូមានទំនិញជាផលិតផលពីជ័រដូចជាកៅអី ធុង តុ ។ល។ គឺទារលុយត្រង់ៗ ។
បុរសម្នាក់សុំមិនបញ្ចេញឈ្មោះប្រាប់កោះសន្តិភាពថា ពេលលោកសុផលចាប់ម្តងៗ គាត់ប្រមូលយកទុកម្តុំ បន្ទាប់មកឱ្យដៃជើងគាត់ជាអ្នកកាង ។ បើចង់ជួបលោកសុផល ដើម្បីដោះស្រាយត្រូវដាក់ស្រោមសំបុត្រ៥០០ដុល្លារ ប្រគល់ឱ្យលោកសុផលជាមុន ទើបម្សៀនេះឱ្យចូលជួបដោះស្រាយ ។
មានគយច្រើននាក់និយាយថា បើប៉ះចំវេនលោកស៊ុម សុផល ប្រចាំការអ្នករកស៊ីដឹកទំនិញស៊យធំហើយ… កៀបស៊ីខ្ទេច ចូលដើមហើយ។ ក្រុមគយដដែលនិយាយថា បើចង់ដឹកទំនិញត្រូវមកពិនិត្យសិន បើចំម៉ាសៀសុផលប្រចាំការកុំមក ចាំដល់វេនគយដទៃ ក្រែងបានធូរខ្លួនជាង ។
ប៉ូលិសសេដ្ឋកិច្ចម្នាក់ប្រចាំការច្រកទ្វារនិយាយថា គយ សុផល ស៊ីធ្មេចភ្នែក អត់គិតថា គ្នាដឹកទំនិញតាមម៉ូតូ រកត្រឹមម៉ារស់ទេ ឱ្យតែឃើញដឹកអីវ៉ាន់សំពីងសំពោងចាប់គ្នា កៀបយកលុយទាល់តែចូលដើមមានអ្នកដាក់ បណ្តាសា ក៏មិនតិចដែរ ។
ដោយសារតែគាត់ធ្វើគយកាក់កបយូរហើយ គ្មានអ្នកណាប្រដៅបានជាថ្ងៃនេះ អាត្មាសុំប្រដៅម្តងទៅចុះ… តើមានអ្នករងគ្រោះណាចង់សហការទេ … កោះសន្តិភាពរង់ចាំផ្សាយជូនគ្រប់ពេលវេលា ដើម្បីជួយអ្នកក្រ ។
ចែករំលែកព័តមាននេះ