រាជធានីភ្នំពេញ ៖ ក្រសួងសុខាភិបាលបានអោយដឹងនៅថ្ងៃសៅរ៍នេះថា បានរកឃើញអ្នកមានផ្ទុកមេរោគកូវីដ១៩ចំនួន២៣នាក់ទៀត ដោយក្នុងនោះមានជនជាតិខ្មែរចំនួន១៩នាក់ និងឥណ្ឌូនេស៊ីចំនួន៤នាក់ ។
តាមរយៈសេចក្តីប្រកាសព័ត៌មាន ចុះថ្ងៃទី២៥ ខែកក្កដា ក្រសួងសុខាភិបាលនិយាយថា ក្នុង ចំណោម២៣នាក់នោះ គឺមាន៨នាក់បានមក ធ្វើដំណើរតាមយន្តហោះមកពីឥណ្ឌូនេស៊ី ដោយឆ្លងកាត់ម៉ាលឡេស៊ី និងមកដល់កម្ពុជានៅថ្ងៃទី២៣ ខែកក្កដានេះ ។
ចំណែក១៥នាក់ទៀត គឺធ្វើដំណើរមកពីរុស្ សីនិងអារ៉ាប់ប៊ីសាអូឌីតហើយមកដល់កម្ពុជាកាលពីថ្ងៃទី១៩ ខែកក្កដា ។
ការរកឃើញថ្មីនេះ បានធ្វើអោយចំនួនអ្នកជំងឺកូវីដ១៩ ដែលបានរកឃើញសរុបមានចំនួន២២៥នាក់ ក្នុងនោះជាសះស្បើយចំនួន១៤៣នាក់ ៕
ចែករំលែកព័តមាននេះ