ថៃ រក្សាទុកសាកសពឃាតករ ស៊ីសាច់ក្មេង៧នាក់ កាល៦០ឆ្នាំមុន ទើបបូជាម្សិលមិញ
ក្រុងបាងកក ៖ សាកសពរបស់ឃាតករមានឈ្មោះ ស៊ី គ្វី (Si Quey) ត្រូវបានគេបូជា នៅទីក្រុង Nonthaburi…
ក្រុងបាងកក ៖ សាកសពរបស់ឃាតករមានឈ្មោះ ស៊ី គ្វី (Si Quey) ត្រូវបានគេបូជា នៅទីក្រុង Nonthaburi…
ក្រុងបាងកក ៖ សាកសពរបស់ឃាតករមានឈ្មោះ ស៊ី គ្វី (Si Quey) ត្រូវបានគេបូជា នៅទីក្រុង Nonthaburi កាលពីថ្ងៃព្រហស្បតិ៍ ទី២៣ កក្កដា ២០២០នេះ បន្ទាប់ពីបានដាក់បង្ហាញជាសាធារណៈ ក្នុងទូកញ្ចក់នៅសារមន្ទីរវេជ្ជសាស្ត្រ អស់រយៈពេលជាង៦ទសវត្សមកហើយ ប៉ុន្តែសម្រាប់ផេះនៃធាតុរបស់ឃាតករ មិនទាន់ដឹងថា គេសម្រេចយកទៅទីណានៅឡើយទេ ។
ការបូជាសព គឺធ្វើនៅវត្ត បាងប្រាំងតៃ ជិតពន្ធនាគារបាងកាង ក្នុងសង្កាត់មឿង ក្រុងបាងកក ។
លោក Naras Savestanan អគ្គនាយកមណ្ឌលកែប្រែ បាននិយាយថា នាយកដ្ឋានរបស់លោក ទទួលខុសត្រូវចំពោះការបូជាសពនៃពិរុទ្ធជននេះ ព្រោះគ្មានសាច់ញាតិណាមួយចេញមុខ ឆ្លើយតបនឹងការអំពាវនាវរបស់មន្ទីរពេទ្យ Siriraj កាលពីមួយខែមុន នោះទេ ។
លោក Naras បានមានប្រសាសន៍ថា “Si Quey គឺជាអ្នកទោសប្រហារជីវិត ដែលបានប្រព្រឹត្តបទឧក្រិដ្ឋជាច្រើន ។ យើងធ្វើនេះចាត់ទុក Si Quey ដូចអ្នកទោសដទៃទៀត ដែលគ្មានសាច់ញាតិ” ។
មន្ទីរពេទ្យ Siriraj បានថែរក្សាសាកសពបានល្អ និងបានឧទ្ទិសកុសលឲ្យ Si Quey ជារៀងរាល់ឆ្នាំ ។ សាកសពដែលគេរក្សាទុក ត្រូវបានប្រើ ដើម្បីបង្រៀននិស្សិតពេទ្យ ។
នៅក្នុងពិធីបូជាសព មានបុរសម្នាក់ឈ្មោះ Jeerarote Jeerapornsawat អាយុ៧៨ឆ្នាំ លោកបាននិយាយថា រូបគាត់ស្គាល់ឃាតករ ស៊ីគ្វី ច្បាស់ណាស់ នៅពេលរូបគាត់មានអាយុ១០ឆ្នាំជាង។ ស៊ីគ្វី ធ្លាប់ធ្វើការនៅចម្ការម្រេច និងម្ទេស របស់ជីតារបស់លោក នៅស្រុកថាបសាកា។
លោក Jeerarote បន្តថា “ស៊ីគ្វី រកបាន ៣០បាតក្នុងមួយថ្ងៃ ។ គាត់មានធ្មេញដុះវែង ហើយមិនអាចនិយាយភាសាថៃ បានទាល់តែសោះ ដូច្នេះគាត់ធ្វើការជាកម្មករ ដោយធ្វើការ ដូចជាដឹកទឹក និងថែសួន ជាដើម ។
លោក Jeerarote ដែលសព្វថ្ងៃរស់នៅទីក្រុងបាងកក បាននិយាយទៀតថា “ខ្ញុំបានហៅ ស៊ីគ្វី ថា ពូៗ ទៅតាមទំនៀមទម្លាប់អ្នកស្រុក ។ ស៊ីគ្វី ចូលចិត្តសាច់ជ្រូកចៀន មានរសជាតិប្រៃណាស់ ហើយតែងតែរកម្ហូបដដែលៗ ពីចុងភៅ បន្ទាប់ពីបញ្ចប់ការងារ នៅម៉ោង៥ល្ងាច ។
ស៊ីគ្វី ត្រូវបានផ្តន្ទាទោស ពីបទសម្លាប់កុមារ៧នាក់ ដោយយកគ្រឿងខាងក្នុងចេញ ហើយស្ងោរស៊ីសាច់ ។ ស៊ីគ្វី ត្រូវបានចាប់ខ្លួននៅខេត្តរ៉ាក់យ៉ង ក្នុងឆ្នាំ១៩៥៨ និងបានសារភាពចំពោះឃាតកម្មនេះ ។
ស៊ីគ្វី ត្រូវប្រហារជីវិត ដោយគ្រាប់កាំភ្លើង នៅពន្ធនាគារបាងកាង កាលពីថ្ងៃទី១៦ ខែកញ្ញា ឆ្នាំ១៩៥៩ ។ កាលនោះគាត់មានអាយុ ៣២ឆ្នាំ ។ មន្ទីរពេទ្យ Siriraj បានយកសាកសព ទៅសិក្សាផ្នែកវេជ្ជសាស្ត្រ នៅខែឆ្នាំដដែល ។
សាកសពកុមារ៤នាក់ ដែលឃាតករបានសម្លាប់យកសាច់មកស្ងោរស៊ី ប៉ុន្តែសរីរាង្គខាងក្នុង ត្រូវបានគេរកឃើញ នៅស្រុកថាបសាកា ។ ឃាតកម្មប្រព្រឹត្តឡើងនៅកន្លែងផ្សេងៗគ្នា ដូចជានៅទីក្រុងបាងកក, ណាខុនផាធុម និងរ៉ាយ៉ង ។
ឈ្មោះរបស់ ស៊ីគ្វី ត្រូវបានឪពុកម្តាយ ឫចាស់ៗជំនាន់នោះ ប្រើជាញឹកញាប់នៅក្នុងការព្រមានក្មេងៗ ដូចជាថា “ប្រសិនបើកូនប្រព្រឹត្ដខុស ស៊ីគ្វី នឹងមកចាប់យកទៅស្ងោរស៊ីហើយ” ។
សូមជម្រាបថា វត្តបាងប្រាំងតៃ ជាកន្លែងបូជា និងកន្លែងធ្វើពិធីសាសនា សម្រាប់អ្នកទោសដែលត្រូវបានប្រហារជីវិតដោយបាញ់សម្លាប់ នៅពន្ធនាគារ ។ វត្តស្ថិតនៅជាប់ នឹងតំបន់ទី១១ នៃពន្ធនាគារបាងកាង ៕
ចែករំលែកព័តមាននេះ