ចិន-សហរដ្ឋអាមេរិក ៖ ភាពតានតឹងខាងការទូតនៅបន្តទៀតរវាងចិននិងសហរដ្ឋអាមេរិក។ ក្រុងប៉េកាំងកាលពីថ្ងៃទី២៤កក្កដា បានបញ្ជាឲ្យបិទស្ថានកុងស៊ុលអាមេរិក ប្រចាំទីក្រុងចិនធំមួយ គឹក្រុងឆេងឌូនាភាគកណ្ដាលប្រទេស ៣ថ្ងៃក្រោយពីការសម្រេចរបស់ក្រុងវ៉ាស៊ិនតោន បិទស្ថានកុងស៊ុលចិនប្រចាំទីក្រុងហ៊ូស្តុនរដ្ឋតិចសាស់។ ក្នុងសេចក្ដីប្រកាសមួយក្រសួងការបរទេសចិនគូសបញ្ជាក់ថា…
ចិន-សហរដ្ឋអាមេរិក ៖ ភាពតានតឹងខាងការទូតនៅបន្តទៀតរវាងចិននិងសហរដ្ឋអាមេរិក។ ក្រុងប៉េកាំងកាលពីថ្ងៃទី២៤កក្កដា បានបញ្ជាឲ្យបិទស្ថានកុងស៊ុលអាមេរិក ប្រចាំទីក្រុងចិនធំមួយ គឹក្រុងឆេងឌូនាភាគកណ្ដាលប្រទេស ៣ថ្ងៃក្រោយពីការសម្រេចរបស់ក្រុងវ៉ាស៊ិនតោន បិទស្ថានកុងស៊ុលចិនប្រចាំទីក្រុងហ៊ូស្តុនរដ្ឋតិចសាស់។
ក្នុងសេចក្ដីប្រកាសមួយក្រសួងការបរទេសចិនគូសបញ្ជាក់ថា ការសម្រេចនេះគឺជាចម្លើយតបដោយត្រឹមត្រូវនិងចាំបាច់ ចពោះបណ្ដាវិធានការមិនសមហេតុផលនានា របស់សហរដ្ឋអាមេរិក។ ក្រសួងនោះមិនបានបញ្ជាក់ពីកាលកំណត់សម្រាប់ការបិទស្ថានកុងស៊ុលអាមេរិកនោះឡើយ។ ក្នុងករណីនៅក្រុងហ៊ូស្តុន រដ្ឋការលោកដូណាល់ត្រាំបានផ្ដល់ពេលតែ៧២ម៉ោង ចំពោះបណ្ដាអ្នកការទូតចិនឲ្យជញ្ជូនឥវ៉ាន់ចេញ។
ក្រោយពីស្ថានទូតប្រចាំក្រុងប៉េកាំង សហរដ្ឋអាមេរិក មានស្ថានកុងស៊ុល៥នៅចិនដីគោកគឹនៅក្រុងកង់តុង ក្រុងសៀងហៃ ក្រុង សេនយ៉ាង ក្រុងឆេងឌូូនិងក្រុងវូហាន ព្រមទាំងស្ថានកុងស៊ុល១នៅក្រុងហុងកុង។ ស្ថានកុងស៊ុលនៅក្រុងឆេងឌូបានបើកតាំងពីឆ្នាំ១៩៨៥មក ដោយស្ថានកុងស៊ុលនោះមាននិយោជិត២០០នាក់ ក្នុងនោះ១៥០នាក់ជានិយោជិតក្នុងស្រុក។
ក្រោយការបិទស្ថានកុងស៊ុលចិនប្រចាំក្រុងហ៊ូស្តុន រដ្ឋមន្ត្រីការបរទេសអាមេរិកលោកMIKE POMPEO កាលពីថ្ងៃទី២៣កក្កដាបានវាយប្រហារចិនកាន់តែខ្លាំងដៃ ដោយអំពាវនាវដល់ពិភពសេរី ឲ្យយកឈ្នះបិសាចថ្មីជាពាក្យចង់និយាយសំដៅលើចិន។
នៅកាលីហ្វ័រនីញ៉ាក្នុងសុន្ទរកថាមួយដែលប្រើវោហាសាសន៍ដូចសម័យសង្គ្រាមត្រជាក់ជាមួយសហភាពសូវៀត លោកPOMPEOថា ចិនពេលនេះកាន់តែផ្ដាច់ការខាងក្នុងប្រទេស និងកាន់តែខ្លាំងក្លាក្នុងការប្រទូស្តរ៉ាយរបស់គេចំពោះសេរីភាពនៅគ្រប់ទីកន្លែង ។
សុន្ទរកថានោះរបស់លោកជាការបង្ហាញពីភាពលម្អិត នៃយុទ្ធសាស្ត្រម៉ឺងម៉ាត់របស់ប្រធានាធិបតីលោកដូណាល់ត្រាំ ប្រឈមមុខនឹងមហាយក្សអាស៊ីនេះ ដែលជាច្រើនលើកលោកចាត់ទុកជាការគំរាមកំហែងមួយឬគ្រោះថ្នាក់មួយ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ