រាជធានីភ្នំពេញ ៖ សម្ដេចអគ្គមហា សេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា នាព្រឹកថ្ងៃទី១៧ ឧសភា នៅសាលសន្និសីទចតុមុខ ក្នុងឱកាស អញ្ជើញជាអធិបតីដ៏ខ្ពង់ខ្ពស់ក្នុងទិវារំលឹកខួប អនុស្សាវរីយ៍លើកទី៦៥ ថ្ងៃកំណើតនគរបាល ជាតិកម្ពុជា (១៦ ឧសភា ១៩៤៥-១៦ ឧសភា ២០១០) បានផ្ដល់អនុសាសន៍ សំខាន់ៗមួយចំនួនដល់កងកម្លាំងនគរបាល ជាតិសំរាប់អនុវត្ដដែលរួមមាន ៖
រាជធានីភ្នំពេញ ៖ សម្ដេចអគ្គមហា សេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា នាព្រឹកថ្ងៃទី១៧ ឧសភា នៅសាលសន្និសីទចតុមុខ ក្នុងឱកាស អញ្ជើញជាអធិបតីដ៏ខ្ពង់ខ្ពស់ក្នុងទិវារំលឹកខួប អនុស្សាវរីយ៍លើកទី៦៥ ថ្ងៃកំណើតនគរបាល ជាតិកម្ពុជា (១៦ ឧសភា ១៩៤៥-១៦ ឧសភា ២០១០) បានផ្ដល់អនុសាសន៍ សំខាន់ៗមួយចំនួនដល់កងកម្លាំងនគរបាល ជាតិសំរាប់អនុវត្ដដែលរួមមាន ៖
ទី១-ត្រូវបន្ដជ្រោងខ្ពស់ទង់ស្នេហាជាតិ និងផ្សះផ្សាបង្រួបបង្រួមជាតិ សំដៅលើក កំពស់បន្ថែមនូវមនសិការស្រឡាញ់សន្ដិភាព និងការឯកភាពដ៏រឹងមាំ ។ ត្រូវខិតខំបន្ដ ថែរក្សាបរិយាកាសសន្ដិភាពដែលគ្របដណ្ដប់លើផ្ទៃប្រទេសឱ្យបានស្ថិតស្ថេរគង់វង្ស ដើម្បី ឱ្យប្រជាជាតិយើងមានឱកាសក្នុងការជំរុញ ល្បឿនអភិវឌ្ឍន៍ទឹកដីលើគ្រប់វិស័យកាន់តែ ទទួលលទ្ធផលល្អ ជំរុញកំណើនកាត់បន្ថយ ភាពក្រីក្រឱ្យបានច្រើន ព្រមជាមួយនឹងការ កែប្រែជីវភាពរស់នៅរបស់ប្រជាជនឱ្យកាន់ តែប្រសើរជាលំដាប់ ស្របតាមកម្មវិធីនយោ បាយដែលរាជរដ្ឋាភិបាលបានកំណត់នៅក្នុង យុទ្ធសាស្ដ្រចតុកោណដំណាក់កាលទី២ ។
បន្ដអនុវត្ដតួនាទីដ៏ថ្លៃថ្លាជាប្រវត្ដិសាស្ដ្រ ដោយផ្សារភ្ជាប់នឹងសភាពការណ៍ប្រទេស ជាតិ ក្នុងយុគសម័យថ្មី ។ កងកម្លាំងនគរ បាលជានិច្ចកាលត្រូវបង្កើនសមត្ថភាពក្នុង ការតាមដានស្វែងយល់ និងច្បាមជាប់រាល់ សភាពការណ៍ ឬបាតុភាពទាំងឡាយដែល ពាក់ព័ន្ធរួមទាំងបញ្ហានានាដែលកើតមាននៅលើពិភពលោក នៅក្នុងតំបន់ ក៏ដូចជានៅ ក្នុងប្រទេស ដើម្បីជួយរាជរដ្ឋាភិបាលក្នុងការ ដាក់ចេញនូវវិធានការប្រកបដោយប្រសិទ្ធ ភាព ព្រមជាមួយនឹងការបង្ការមិនឱ្យមាន អំពើភេរវកម្មណាមួយកើតឡើងបានដែលនាំដល់ការបង្កមហន្ដរាយ និងបន្ទច់បង្អាក់ ដំណើរការអភិវឌ្ឍន៍សេដ្ឋកិច្ចជាតិ ។
ទី២-ត្រូវបើកទូលាយបន្ថែមទៀតកិច្ច សហប្រតិបត្ដិការជាមួយនឹងក្រសួង ស្ថាប័ន ពាក់ព័ន្ធ និងស្ថាប័ននគរបាលពិភពលោក បង្កើនលទ្ធភាពប្រមែប្រមូលដំណឹង ក៏ដូចជា វិធានការទប់ស្កាត់ និងបង្ក្រាបបទល្មើសឆ្លង ដែនគ្រប់ប្រភេទ ជាពិសេសការជួញដូរ គ្រឿងញៀន ការជួញដូរមនុស្ស ការលាង សំអាតលុយ ការជួញដូរអាវុធ…។ ព្រមជា មួយនោះត្រូវជំរុញការងារគ្រប់គ្រងជន បរទេសឱ្យបានល្អ ដោយចូលរួមយ៉ាងសកម្ម ក្នុងការអនុវត្ដន៍នយោបាយទេសចរណ៍ជាតិ ទន្ទឹមនឹងការប្រុងប្រយ័ត្នមិនទុកឱ្យមុខសញាគ្រប់ប្រភេទអាចប្រើប្រាស់ទឹកដីកម្ពុជាដើម្បីលាក់ខ្លួនគេចខ្លួន ឬធ្វើសកម្មភាពខុសច្បាប់ ផ្សេងៗទៀតបានឡើយ ។
ត្រូវជំរុញដោះស្រាយបញ្ហាអន្ដោ ប្រវេសន៍ឱ្យបានចប់សព្វគ្រប់ ដោយមិនត្រូវ អូសបន្លាយពេល និងត្រូវពង្រឹងការអនុវត្ដន៍ ច្បាប់ការងារឱ្យបានម៉ឺងម៉ាត់ ច្បាស់លាស់ ទាក់ទងនឹងការគ្រប់គ្រងពលករបរទេស ។
ទី៣-សន្ដិភាព សន្ដិសុខ គឺជាមូលដ្ឋានគ្រឹះ និងជាផ្នែកមួយដ៏សំខាន់នៃបរិស្ថានគ្រប ដណ្ដប់ ដើម្បីធ្វើឱ្យសំរេចជោគជ័យក្នុងកម្មវិធី នយោបាយ និងយុទ្ធសាស្ដ្រនានារបស់រាជរដ្ឋា ភិបាល ។ ប៉ុន្ដែសភាពការណ៍ជាក់ស្ដែងបាន បង្ហាញថា សកម្មភាពបទល្មើសព្រហ្មទណ្ឌ គ្រប់ប្រភេទនៅតែកើតមានឡើង បង្កឱ្យ សហគមន៍មួយចំនួនមានការព្រួយបារម្ភ ឬក៏ បានជួបប្រទះនូវបញ្ហាខ្វល់ខ្វាយជាអន្លើៗ ដូច អំពើប្លន់ ឃាតកម្ម ការវាយតប់ កាប់ចាក់ ក្រុមពាល…។ ដើម្បីឱ្យសង្គមកម្ពុជា បាន វិវត្ដន៍ទៅដោយអរិយធម៌ជឿនលឿន លក្ខ ខណ្ឌនៃសេចក្ដីសុខទាំងផ្លូវកាយ និងផ្លូវចិត្ដ របស់ប្រជាពលរដ្ឋ គឺជាតំរូវការ និងជា វិញាសាដ៏ចាំបាច់ដែលត្រូវកំណត់ទុកជាអាទិភាពសំរាប់កិច្ចការរបស់កងកម្លាំងនគរបាល ជាតិ ។
-ខ្ញុំសូមឯកភាព និងគាំទ្រខ្ពស់ណាស់ ដែលលោកឧបនាយករដ្ឋមន្ដ្រី ស ខេង បាន កំណត់យកប្រធានបទ “ភូមិ-ឃុំមានសុវត្ថិ ភាព” ដើម្បីចលនាប្រឡងប្រណាំងក្នុងជួរ នគរបាល ។ អ្វីៗទាំងអស់តែងតែកើតមាន នៅទីនោះ នគរបាលគ្រប់ថ្នាក់ឆ្ពោះទៅរក ភូមិ-ឃុំ ត្រូវចាត់ទុកភូមិ-ឃុំជាសមរភូមិមុខ របស់នគរបាល និងត្រូវពង្រឹងនគរបាលមូល ដ្ឋាន ដើម្បីសុវត្ថិភាពភូមិ-ឃុំ ។
ទី៤-ផ្សារភ្ជាប់នឹងប្រធានបទខាងលើនេះ អាស្រ័យដោយប្រវត្ដិសាស្ដ្រដ៏ឧតុង្គឧត្ដម របស់នគរបាលជាតិ និងសកម្មភាពជា ប្រពៃណីរបស់នគរបាល គឺដើម្បីប្រជាជន ហើយសន្ដិសុខរបស់ប្រជាជនគ្រប់ពេលត្រូវ ការនគរបាល ។ ហេតុនេះ ការលើកកំពស់ គុណធម៌ សីលធម៌ និងទស្សនៈរបស់នគរបាល ដើម្បីផ្ដល់សេវាដោយរួសរាន់ ស្មោះស្ម័គ្រការ ពារ និងបំរើប្រជាជន គឺវិញាសាយ៉ាងសំខាន់ ដែលអង្គភាពនគរបាលទាំងអស់ត្រូវយកចិត្ដទុកដាក់ ក៏ដូចជាមន្ដ្រីនគរបាលគ្រប់រូបត្រូវ ខិតខំពុះពារសំរេចឱ្យបាន ហើយត្រូវកត់ បញ្ចូលទៅក្នុងលក្ខខណ្ឌនៃការប្រឡង ប្រណាំងដើម្បីដណ្ដើមស្នាដៃឆ្នើមនាឆ្នាំខាង មុខ។
ទី៥-ខ្ញុំសូមឱ្យបញ្ជាការដឹកនាំបញ្ជាត្រួត ពិនិត្យការអនុវត្ដន៍ច្បាប់ចរាចរណ៍ផ្លូវគោក ឱ្យបានម៉ឺងម៉ាត់ ដោយរឹតបន្ដឹងបណ្ដាវិធាន ការទាំងឡាយឱ្យបានច្បាស់លាស់ គ្មានការ យោគយល់ និងប្រកបដោយស្មារតីទទួល ខុសត្រូវក្នុងវិជ្ជាជីវៈ សំដៅធ្វើយ៉ាងណាកាត់ បន្ថយគ្រោះថ្នាក់ចរាចរណ៍ផង និងអភិវឌ្ឍន៍ សណ្ដាប់ធ្នាប់ចរាចរណ៍ឱ្យបានស័ក្ដិសមនឹង ស្ថានភាពរីកចំរើនរបស់ប្រទេសជាតិផង ។
ទី៦-ទន្ទឹមនឹងនេះការងារបង្ការ និងពន្លត់ អគ្គីភ័យសំដៅបង្ការបញ្ហានេះ ក្រសួងមហា ផ្ទៃ រដ្ឋបាលដែនដីគ្រប់ថ្នាក់ និងអគ្គស្នងការ ដ្ឋាននគរបាលជាតិ ត្រូវជំរុញបំផុសស្មារតី ប្រុងប្រយ័ត្នរបស់ប្រជាជនឱ្យបានជាប់ជា ប្រចាំ ។ ការចាត់តាំងហ្វឹកហ្វឺនរបៀបពន្លត់ អគ្គីភ័យដល់មហាជននៅនឹងកន្លែងត្រូវមាន ផែនការត្រៀមបំពាក់ឧបករណ៍មធ្យោបាយ ពន្លត់អគ្គីភ័យឱ្យបានគ្រប់គ្រាន់ មានលក្ខណៈ ទំនើបជាងមុនពិសេសឧបករណ៍សំភារ សង្គ្រោះសំរាប់អគារខ្ពស់ដែលមានកំពស់ខ្ពស់១០-២០ជាន់ឡើងលើ ។ ខ្ញុំចាត់ទុកថា កង កម្លាំងនគរបាលជាតិ បាននិងកំពុងពង្រឹង ខ្លួននៅលើមាគ៌ាមួយដែលមានការបញ្ជាដឹក នាំប្រកបដោយចរិតម្ចាស់ការវិទ្យាសាស្ដ្រ ឈានទៅកាន់និយាមអន្ដរជាតិ ។ សូមឱ្យ ថ្នាក់ដឹកនាំគ្រប់រូប ជំរុញប្រតិបត្ដិការរក្សា សន្ដិសុខ សណ្ដាប់ធ្នាប់កាន់តែទទួលលទ្ធផល ល្អ ។
ទី៧-ក្រសួងមហាផ្ទៃ និងអគ្គស្នងការ ដ្ឋាននគរបាលជាតិ ត្រូវបន្ដប្រពៃណីដ៏ឧតុង្គ ឧត្ដម ណែនាំបងប្អូនឱ្យអនុវត្ដម៉ឺងម៉ាត់នូវ អនុសាសន៍របស់ខ្ញុំ កាលពីថ្ងៃទី៦ កុម្ភៈ ឆ្នាំ ២០១០ ក្នុងឱកាសសម្ពោធទីបញ្ជាការកង ពលធំលេខ៣ រៀបចំប៉ុស្ដិ៍យាមកាមការពារ ឱ្យបានគត់មត់ កន្លែងធ្វើការ ផ្ទះជំរក និងទី បញ្ជាការឱ្យសមរម្យជាកងកម្លាំងដែលមាន លទ្ធភាពរ៉ាប់រងតួនាទី និងភារកិច្ចរបស់ខ្លួន ។
ទី៨-ត្រូវលើកកំពស់កំណែទំរង់នគរបាល បន្ថែមទៀត ធ្វើយ៉ាងណាឱ្យស្ថាប័ននេះទទួល បាននូវកេរ្ដិ៍ឈ្មោះកាន់តែប្រពៃក្នុងសង្គម កម្ពុជា។ ត្រូវជំរុញឱ្យគ្រប់រចនាសម្ព័ន្ធនគរ បាលទាំងអស់ដំណើរការប្រកបដោយ ប្រសិទ្ធភាព និងការទទួលខុសត្រូវចំពោះ ភារកិច្ចដែលបានប្រគល់ជូន ។ បណ្ឌិត្យសភា នគរបាលដែលបានសំរេចស្នាដៃក្នុងការ បណ្ដុះបណ្ដាល និងបំពាក់បំប៉នជំនាញឯក ទេសដល់មន្ដ្រីនគរបាល គប្បីបង្កើនកិច្ចការ របស់ខ្លួនឱ្យបានប្រសើរឡើង អ្នកដែលបាន ឆ្លងកាត់វគ្គរៀនសូត្រកន្លងមក ពិចារណា សភាពការណ៍ជាក់ស្ដែងនាបច្ចុប្បន្ន និងតំរូវ ការចាំបាច់សំរាប់កាលៈទេសៈថ្មីក្នុងសមរភូមិសន្ដិសុខ ដើម្បីលើកកំពស់ការបណ្ដុះបណ្ដាល បំពាក់បំប៉នឱ្យទាន់សភាពការណ៍ និងសំណូម ពរនៃភារកិច្ចដ៏ធ្ងន់ធ្ងររបស់នគរបាលជាតិ ។
ទី៩-កម្លាំងនគរបាលគ្រប់ថ្នាក់ត្រូវយក ចិត្ដទុកដាក់ ចំពោះគ្រោះមហន្ដរាយទាំង ឡាយដែលអាចកើតឡើងដោយគ្រោះធម្ម ជាតិទៅលើប្រជាជន។ ត្រូវត្រៀមខ្លួនជាស្រេច គ្រប់ពេល ដើម្បីចូលរួម និងចេញសង្គ្រោះ បន្ទាន់ ដោយគ្មានបង្អែបង្អង់ ប្រសិនបើមាន ករណីគ្រោះធម្មជាតិណាមួយកើតឡើង ដោយចៃដន្យនៅក្នុងតំបន់របស់ខ្លួន ឬចេញ ចល័តទៅជួយតាមគ្រប់លទ្ធភាពដែលអាច ធ្វើទៅបាន ។ ដាច់ខាតមិនត្រូវធ្វេសប្រហែស ឬទុកឱ្យជនណាម្នាក់រងគ្រោះដោយគ្មានការជួយអន្ដរាគមន៍នោះទេ ។
ក្នុងសុន្ទរកថា លោកឧបនាយករដ្ឋមន្ដ្រី ស ខេង រដ្ឋមន្ដ្រីក្រសួងមហាផ្ទៃមាន ប្រសាសន៍ថា ថ្ងៃទី១៦ ឧសភា ឆ្នាំ១៩៤៥ ជា ថ្ងៃបង្កើតកងកម្លាំងនគរបាលជាតិកម្ពុជាជា ផ្លូវការនៅលើទឹកដីអង្គរដ៏បវរនៃយើង។ ការ រៀបចំទិវារំលឹកខួបអនុស្សាវរីយ៍ថ្ងៃកំណើត កងកម្លាំងនគរបាលជាតិនេះ គឺជាការលើក តំកើងនូវព្រឹត្ដិការណ៍ប្រវត្ដិសាស្ដ្រប្រកប ដោយមោទនភាព ក្នុងគោលបំណងដើម្បី ផ្សព្វផ្សាយឱ្យមតិជាតិ-អន្ដរជាតិ និងកង កម្លាំងនគរបាលជាតិកម្ពុជាទាំងមូលបាន ជ្រួតជ្រាបអំពីប្រវត្ដិសកម្មភាព និងសមិទ្ធ ផលនានា ដែលកងកម្លាំងនគរបាលជាតិ កម្ពុជាដណ្ដើមបានក្នុងដំណាក់កាលនីមួយៗ។
លោកឧបនាយករដ្ឋមន្ដ្រី ស ខេង បន្ដថា នៅក្នុងការបំពេញបេសកកម្មជាប្រវត្ដិសាស្ដ្រ របស់ខ្លួនអស់រយៈពេល៦៥ឆ្នាំកន្លងមកនេះ មានវិញាសាស្មុគស្មាញជាច្រើនបានលេច ឡើងនៅតាមដំណាក់កាលនៃការវិវត្ដន៍របស់ សង្គមជាតិ ។ ប៉ុន្ដែនគរបាលជាតិកម្ពុជា បាន ពុះពារជំនះរាល់ឧបសគ្គ និងការលំបាកគ្រប់ បែបយ៉ាង ហើយបានអនុវត្ដតួនាទីភារកិច្ច របស់ខ្លួនយ៉ាងពេញលេញ ។ ផ្ដើមចេញពីមូល ដ្ឋានសន្ដិភាពដែលបានបន្ដគ្របដណ្ដប់លើផ្ទៃ ប្រទេស និងស្ថេរភាពនយោបាយល្អប្រសើរ កិច្ចដំណើរការ រក្សាសន្ដិសុខ សណ្ដាប់ធ្នាប់ សាធារណៈបានប្រព្រឹត្ដទៅប្រកបដោយ ប្រសិទ្ធភាព និងទទួលបានលទ្ធផលជាវិជ្ជមាន បង្កលក្ខណៈឱ្យដំណើរការអភិវឌ្ឍន៍សេដ្ឋកិច្ច សង្គមកិច្ច និងវិស័យផ្សេងៗទៀត មាន ការរីកចំរើនគួរជាទីមោទនៈធានាសំរេចជោគជ័យ តាមកម្មវិធីនយោបាយ និងយុទ្ធសាស្ដ្រ ចតុកោណដំណាក់កាលទី២ របស់រាជរដ្ឋា ភិបាល ។
លោកឧបនាយករដ្ឋមន្ដ្រី ស ខេង បញ្ជាក់ ថា ក្រោមការដឹកនាំរបស់សម្ដេចអគ្គមហា សេនាបតីតេជោ ហ៊ុន សែន ទិដ្ឋភាពផ្នែក សន្ដិសុខ និងសុវត្ថិភាព សណ្ដាប់ធ្នាប់សង្គម របស់ព្រះរាជាណាចក្រកម្ពុជា កាន់តែមាន ការប្រែប្រួលឈានឡើងឥតឈប់ឈរ បាន ក្លាយទៅជាបុព្វបទមួយយ៉ាងសំខាន់បំរើដល់ ការអភិវឌ្ឍន៍ប្រទេសជាតិ កាត់បន្ថយបាននូវ ភាពក្រីក្ររបស់ប្រជាពលរដ្ឋ និងធ្វើឱ្យប្រជា ពលរដ្ឋកាន់តែមានសេចក្ដីសុខទាំងផ្លូវកាយ និងផ្លូវចិត្ដថែមទៀត ។
លោកនាយឧត្ដមសេនីយ៍ នេត សាវឿន អគ្គស្នងការនគរបាលជាតិបានថ្លែងថា ដើម្បី បន្ដប្រពៃណីដ៏រុងរឿង និងវីរភាពនៃកង កម្លាំងនគរបាលជាតិដែលបានឆ្លុះបញ្ចាំងក្នុងសង្គម និងអបអរសាទរខួបទី៦៥ ជំនួសមុខ ឱ្យថ្នាក់ដឹកនាំ នាយ-នាយរង និងពលនគរ បាលទាំងអស់សូមធ្វើការប្ដេជ្ញាចិត្ដដូចតទៅ ៖
-យើងខ្ញុំប្ដេជ្ញាពុះពារជំនះរាល់ការលំបាក អនុវត្ដនូវតួនាទីភារកិច្ចរបស់ខ្លួនប្រឆាំងទប់ ស្កាត់រាល់ឧបាយកលប៉ុនប៉ងឈ្លានពានបូរណ ភាពដែនដី ។ ត្រៀមលក្ខណៈម្ចាស់ការជានិច្ច ដើម្បីដោះស្រាយទាន់ពេលវេលា បាតុភាព បង្កអសន្ដិសុខសង្គម វិទ្ធង្សនា ឬចលនា ផ្សេងៗ មិនទុកឱ្យមានមហន្ដរាយយាយីដល់ ភាពសុខដុមរមនារបស់ប្រជាជាតិ ក៏ដូចជា ត្រៀមខ្លួនជានិច្ច ដើម្បីសង្គ្រោះប្រជាជន ពេលមានគ្រោះអាសន្នកើតឡើងដោយ ប្រការណាមួយ ។
-កងកម្លាំងនគរបាលជាតិទាំងមូល នឹង ខិតខំអនុវត្ដឱ្យបានជោគជ័យនូវអនុសាសន៍ ដ៏ ថ្លៃថ្លារបស់សម្ដេចអគ្គមហាសេនាតបីតេជោ ហ៊ុន សែន ដើម្បីធ្វើយ៉ាងណាថែរក្សាឱ្យបាន នូវបរិយាកាសសន្ដិសុខ សុវត្ថិភាព សណ្ដាប់ ធ្នាប់សង្គម មិនឱ្យមានបទល្មើសគ្រប់ប្រភេទ មិនឱ្យមានអំពើខុសច្បាប់ និងការប៉ះពាល់ ដល់ផលប្រយោជន៍ប្រជាពលរដ្ឋដែលប្រកប របររកស៊ីប្រចាំថ្ងៃឡើយ ។
-ខិតខំបន្ដកិច្ចសហប្រតិបត្ដិការឱ្យបាន ជិតស្និទ្ធជាមួយកងយោធពលខេមរភូមិន្ទ ក្នុងការការពារខឿនឯករាជ្យ អធិបតេយ្យ បូរណភាពដែនដី រក្សាសន្ដិសុខតាមបណ្ដោយ ព្រំដែន កសាងតំបន់ព្រំដែនមិត្ដភាព សហ ប្រតិបត្ដិការ និងការអភិវឌ្ឍន៍ ។
-យើងខ្ញុំប្ដេជ្ញាខិតខំតស៊ូធ្វើពលិកម្មគ្រប់ បែបយ៉ាង ដើម្បីប្រយុទ្ធប្រឆាំងបទល្មើស គ្រប់ប្រភេទ និងលុបបំបាត់គ្រោះថ្នាក់ទាំង ឡាយ ដោយពង្រឹងតួនាទីស្នូលជាសេនាធិការ ជូនគណៈបញ្ជាការឯកភាពគ្រប់លំដាប់ថ្នាក់ ពង្រឹងបន្ថែមបណ្ដាវិធានការរដ្ឋបាលឱ្យកាន់ តែមានប្រសិទ្ធភាព ការងារគ្រប់គ្រងសណ្ដាប់ ធ្នាប់សាធារណៈ សណ្ដាប់ធ្នាប់ចរាចរណ៍រួម គ្នាដើម្បីសុវត្ថិភាពសហគមន៍ ។
-បន្ដខិតខំលើកកំពស់ចាត់ចែងការងារ ផ្ដល់សេវាសន្ដិសុខជូនប្រជាពលរដ្ឋឱ្យកាន់តែ ទូលំទូលាយ រួសរាន់ គ្រប់ទីកន្លែង និងគ្រប់ ពេលវេលា ។ បង្កើនការទទួលដោះស្រាយ សំណូមពរ ដោយបង្ហាញពីស្មារតី និងឆន្ទៈ ជួយការពារ សង្គ្រោះ រកយុត្ដិធម៌ជូនប្រជា ពលរដ្ឋ កាត់បន្ថយបាតុភាពអសកម្មនានាក្នុង កងកម្លាំងនគរបាលជាតិ ។
-ប្ដេជ្ញាពង្រឹងកងកម្លាំងនគរបាលជាតិ ឱ្យ មានថាមពល និងយល់ដឹងអំពីច្បាប់ ស្ទាត់ អំពីការងារជំនាញដែលឈរលើគោលការណ៍ប្រជាធិបតេយ្យ និងការគោរពសិទ្ធិមនុស្ស ។ ពង្រឹងវិន័យ សីលធម៌ ដើម្បីស័ក្ដិសមជាអ្នក ការពារ និងបំរើដោយស្មោះត្រង់ចំពោះ ប្រទេសជាតិ ត្រូវបានប្រជាពលរដ្ឋជឿទុកចិត្ដ និងគោរពស្រឡាញ់ ។
ចែករំលែកព័តមាននេះ