ឡើងមកលីគកំពូលភ្លាម Leeds United បង្ហាញមហិច្ឆតាចង់បាន Zlatan និង Cavani
ប្រទេសអង់គ្លេស ៖ ម្ចាស់ក្លិប Leeds United លោក Andrea Radrizzani បានបង្ហាញពីជំហរចាប់អារម្មណ៍ក្នុងការនាំយកកីឡាករជើងចាស់លំដាប់ពិភពលោក Zlatan…
ប្រទេសអង់គ្លេស ៖ ម្ចាស់ក្លិប Leeds United លោក Andrea Radrizzani បានបង្ហាញពីជំហរចាប់អារម្មណ៍ក្នុងការនាំយកកីឡាករជើងចាស់លំដាប់ពិភពលោក Zlatan…
ប្រទេសអង់គ្លេស ៖ ម្ចាស់ក្លិប Leeds United លោក Andrea Radrizzani បានបង្ហាញពីជំហរចាប់អារម្មណ៍ក្នុងការនាំយកកីឡាករជើងចាស់លំដាប់ពិភពលោក Zlatan Ibrahimovic និង Edinson Cavani។
បន្ទាប់ពីក្លាយជាម្ចាស់ជើងឯកក្របខណ្ឌលំដាប់ទី២ Championship រដូវកាល ២០១៩/២០ និងត្រូវឡើងមកលេងនៅក្របខណ្ឌកំពូល Premier League រដូវកាលក្រោយ បន្ទាប់ពីខកខានអស់រយៈពេល១៦ឆ្នាំ Leeds United ទើបតែប្រកាសពីជោគជ័យទី២របស់ខ្លួនគឺ ការចុះកិច្ចព្រមព្រៀងរយៈពេល៥ឆ្នាំជាផ្លូវការជាមួយក្រុមហ៊ុន Adidas ដើម្បីក្លាយជាដៃផ្គត់ផ្គង់ឯកសណ្ឋានរដូវកាលក្រោយ។
ដោយឡែកកាលពីពេលថ្មីៗនេះ យោងតាមគេហទំព័រ Dailymail បានចុះផ្សាយថា Leeds United ចាប់អារម្មណ៍ចង់បាន Ibrahimovic របស់ AC Milan និង Cavani របស់ PSG មកជួយក្រុមរដូវកាលក្រោយ។ ក្នុងនោះលោក Radrizzani បានសារភាពថាកុងត្រាសម្រាប់ Ibrahimovic អាចជារឿងដ៏លំបាក ប៉ុន្តែលោកមានសុទិដ្ឋិនិយមថា ពួកគេមានភាគរយច្រើនអាចធ្វើការចរចាដើម្បីនាំយក Cavani មកកាន់ទឹកដីអង់គ្លេស ។
សូមបញ្ជាក់ថាទាំង Ibrahimovic និង Cavani សុទ្ធតែត្រៀមដើរចេញពីក្លិបបច្ចុប្បន្នរបស់ពួកគេ នៅទីផ្សារដោះដូរកីឡាកររដូវកាលនេះ ដោយគ្មានតម្លៃខ្លួន (Free Transfer) ខណៈដែលមានក្លិបជាច្រើនក៏សុទ្ធតែចាប់អារម្មណ៍ចង់បានពួកគេផងដែរ។
លោក Andrea Radrizzani បានប្រាប់ទូរទស្សន៍ Sky Sport Italia ថា«សម្រាប់ Ibrahimovic ពិតជារឿងពិបាកណាស់។ យើងបានព្យាយាមចុះហត្ថលេខាជាមួយគេកាលពីខែមករា ប៉ុន្តែគេបានជ្រើសរើស AC Milan។ ប៉ុន្តែសម្រាប់ Cavani គេអាចចូលរួមជាមួយយើងបាន ដោយសារតែកាយសម្បទា និងការសម្របខ្លួននៅទីនេះ។ ប៉ុន្តែខ្ញុំមិនដែលនិយាយអំពីគេជាមួយគ្រូបង្វឹកយើងនៅឡើយទេ»៕
ចែករំលែកព័តមាននេះ