ខេត្តតាកែវ ៖ ក្មេងប្រុសម្នាក់បានបាត់បង់ជីវិតពេលនាំមកដល់ផ្ទះ ចំណែកជីដូនរងរបួសធ្ងន់ដោយងងឹតភ្នែក ដោយសារការវាយប្រហារពីសំណាក់សត្វឪម៉ាល់ ក្រោយពីជីដូននិងចៅនាំគ្នាទៅកាប់កំពូលត្នោតនៅក្បែរផ្ទះ ប៉ះចំសម្បុកឪម៉ាល់ ហើយគ្មានអ្នកភូមិណាម្នាក់ជួយបាន ។ ហេតុការណ៍នេះ…
ខេត្តតាកែវ ៖ ក្មេងប្រុសម្នាក់បានបាត់បង់ជីវិតពេលនាំមកដល់ផ្ទះ ចំណែកជីដូនរងរបួសធ្ងន់ដោយងងឹតភ្នែក ដោយសារការវាយប្រហារពីសំណាក់សត្វឪម៉ាល់ ក្រោយពីជីដូននិងចៅនាំគ្នាទៅកាប់កំពូលត្នោតនៅក្បែរផ្ទះ ប៉ះចំសម្បុកឪម៉ាល់ ហើយគ្មានអ្នកភូមិណាម្នាក់ជួយបាន ។
ហេតុការណ៍នេះ កើតឡើងកាលពីថ្ងៃទី២១ ខែកក្កដា ឆ្នាំ២០២០ វេលាម៉ោងប្រមាណ៩ព្រឹក នៅភូមិពោន ឃុំពេជសារ ស្រុកកោះអណ្តែត ។នគរបាលប៉ុស្តិ៍ឃុំពេជសារ បានឲ្យដឹងថា នាព្រឹកថ្ងៃនោះ ស្ត្រីជាជីដូនឈ្មោះ ជេន អឿន អាយុ៦២ឆ្នាំ បាននាំចៅប្រុសឈ្មោះ មន កក្កដា អាយុ៥ឆ្នាំ ទៅកាប់កំពូលត្នោតនៅខាងក្រោយផ្ទះ។
ជាចៃដន្យ ពេលកាប់នោះក៏បានប៉ះចំសម្បុកឪម៉ាល់ ធ្វើឲ្យផ្អើលហើយត្រូវសត្វឪម៉ាល់ទិចជាច្រើនមេ បណ្តាលឲ្យចៅប្រុសស្លាប់ពេលនាំយកមកដល់ផ្ទះ ។ចំណែកជីដូនបានរងរបួសធ្ងន់ដោយងងឹតភ្នែក ហើយពេលនេះកំពុងសម្រាកព្យាបាលនៅមន្ទីរពេទ្យបង្អែកស្រុកគិរីវង់ ៕
ចែករំលែកព័តមាននេះ