រាជធានីភ្នំពេញ ៖ ជូនកាដូគូស្នេហ៍ជារថយន្តប្រណីតថ្លៃកប់ពពកនៅក្តៅៗហុយសោះ ស្រាប់តែតារាចម្រៀងរ៉េប ដែលមានឈ្មោះបោះសំឡេងជាខ្លាំង នៅក្នុងស្រទាប់យុវវ័យ លោក ជី ដេវីត បានធ្វើអោយមហាជនភ្ញាក់ផ្អើលយ៉ាងខ្លាំង…
រាជធានីភ្នំពេញ ៖ ជូនកាដូគូស្នេហ៍ជារថយន្តប្រណីតថ្លៃកប់ពពកនៅក្តៅៗហុយសោះ ស្រាប់តែតារាចម្រៀងរ៉េប ដែលមានឈ្មោះបោះសំឡេងជាខ្លាំង នៅក្នុងស្រទាប់យុវវ័យ លោក ជី ដេវីត បានធ្វើអោយមហាជនភ្ញាក់ផ្អើលយ៉ាងខ្លាំង បន្ទាប់ពីរូបលោកបានសម្រេចចិត្តទៅបួសកោរសក់ កាលពីទី២២ កក្កដា ឆ្នាំ២០២០ ហើយថែមទាំងបានបោះពាក្យសម្តីយ៉ាងចាក់ដោតទៅដល់គូស្នេហ៍នាង ទេព បូព្រឹក្ស ថែមទៀត ។
ដើម្បីស្រាយចម្ងល់ទៅដល់មហាជន និងអ្នកគាំទ្រ ជាមុនអំពីការចាកចេញឆ្ងាយរបស់លោក ជី ដេវីត កុំអោយមានការសង្ស័យច្រើនអំពីការបាត់មុខពីសិល្បៈមួយរយៈនោះ គឺ រូបលោកបានសម្រេចចិត្តបួសកោរសក់នៅឯវត្តអារ៉ាមមួយកន្លែង ដែលនៅសែនឆ្ងាយ និងជាតំបន់ដាច់ស្រយោល ។ នេះបើយាងតាមការឡាយជាវីដេអូររបស់រូបលោក ជី ដេវីត ។
យ៉ាងណាមិញ មុននឹងសម្រេចចិត្តសាងផ្នួសលោកជី ដេវីត បានបង្កការភ្ញាក់ផ្អើលយ៉ាងខ្លាំងទៅគូស្នេហ៍ កញ្ញា ទេព បូព្រឹក ដោយបានចំណាយលុយជាច្រើនទៅលើការទិញការដូដ៏ធំជូនដល់រូបនាងនោះ គឺរថយន្ត Rolls Royce និងបានពោលពាក្យយ៉ាងចាក់ដោតថា « នេះជាការដូសម្រាប់ការចាកចេញឆ្ងាយរបស់ពួកយើងទាំង២» ។
ជាការពិតណាស់ ពាក្យសម្តីដែលតារាចម្រៀងរ៉េបមានកម្ពស់ ១.៨៥ម៉េត្ររូបនេះបានពោលទៅកាន់កញ្ញា ទេព បូព្រឹក ពីការចាកចេញយ៉ាងអាឡោះអាល័យយ៉ាងនោះ គឺការចាកចេញទៅបួសជាព្រះសង្ឃរបស់លោក ។
យ៉ាងណាមិញនៅមិនទាន់មានការបញ្ជាក់ជាផ្លូវការណាមួយថា តារាចម្រៀងខ្ពស់ស្រឡះរូបនេះនឹងស្ថិតនៅក្នុងភាពជាព្រះសង្ឃប៉ុន្មានព្រះវស្សានោះទេ ។ លើសពីនេះ អ្នកគាំទ្ររូបលោក និងអ្នកលេងបណ្តាញសង្គមបានធ្វើការចែកចាយរូបភាពរបស់ព្រះ សង្ឃ ជី ដេវីត គ្រងស្បង់ និងមានរូបនាងទេព បូព្រឹក្សអង្គុយបត់ជើងសំពះយ៉ាងផុសផុល ។
ដោយឡែក កញ្ញា ទេព បូព្រឹក បានសរសេរលើបណ្តាញសង្គមថា «ថ្ងៃនេះជាថ្ងៃដែរបងបានធ្វើឲ្យមនុស្សជុំវិញខ្លួននឹងលោកពុកអ្នកម៉ែ និងបងប្អូនជីដូនជីតា រំភើបយំគ្រប់គ្នា ទោះមាសប្រាក់បុិនភ្នំក៏មិនស្មើរការសម្រេចចិត្តដ៏មានតម្លៃនេះដែរបង» ៕
ចែករំលែកព័តមាននេះ