អ្នកជំនាញថា វ៉ាក់សាំងដំបូងសម្រាប់កូវីដអាចនឹងមិនល្អប្រសើរដូចការគិតទេ
អាមេរិក ៖ តាមប្រភពព័ត៌មាន CNN បានឱ្យដឹងថា លោកវេជ្ជបណ្ឌិត Peter Hotez សាស្ត្រាចារ្យ និងជាព្រឹទ្ធបុរសផ្នែកវេជ្ជសាស្ត្រត្រូពិក…
អាមេរិក ៖ តាមប្រភពព័ត៌មាន CNN បានឱ្យដឹងថា លោកវេជ្ជបណ្ឌិត Peter Hotez សាស្ត្រាចារ្យ និងជាព្រឹទ្ធបុរសផ្នែកវេជ្ជសាស្ត្រត្រូពិក…
អាមេរិក ៖ តាមប្រភពព័ត៌មាន CNN បានឱ្យដឹងថា លោកវេជ្ជបណ្ឌិត Peter Hotez សាស្ត្រាចារ្យ និងជាព្រឹទ្ធបុរសផ្នែកវេជ្ជសាស្ត្រត្រូពិក នៅមហាវិទ្យាល័យវេជ្ជសាស្ត្រ Baylor នៅសហរដ្ឋអាមេរិក បាននិយាយថា វាពិបាកក្នុងការទាញការសន្និដ្ឋាន ពីទិន្នន័យវ៉ាក់សាំងដែលចេញផ្សាយនៅថ្ងៃច័ន្ទដោយសាកលវិទ្យាល័យ Oxford ។
លោកវេជ្ជបណ្ឌិត Hotez បានព្យាករណ៍ថា វានឹងចំណាយពេលដល់ពាក់កណ្តាលឆ្នាំក្រោយ ដើម្បីដឹងថា តើវ៉ាក់សាំងពិតជាមានប្រសិទ្ធភាពមែនឬក៏អត់?
លោកបានមានប្រសាសន៍ថា៖ «ក្រឡេកមើលទិន្នន័យចេញពីវ៉ាក់សាំង AstraZeneca-Oxford ដែលបានចាក់មួយដូស មិនសូវជាជួយបានទេ។ កម្រិតនៃការកើតអង់ទីករបន្សាបវីរុស ដែលមនុស្សជាច្រើនគិតថា អ្វីដែលសម្គាល់ថាវ៉ាក់សាំងមានប្រសិទ្ធភាពឬអត់? គឺនៅមិនខ្ពស់យកជាការបានទេ។ សម្រាប់ការចាក់២ដូសវិញ វាហាក់ដូចជាល្អប្រសើរជាងមុន ប៉ុន្តែមានតែអ្នកជំងឺ១០នាក់ប៉ុណ្ណោះ ដែលបានទទួលដូសទាំង ២នេះ»។
លោកបានមានប្រសាសន៍ថា៖ «ដូច្នេះវាពិបាកនឹងសន្និដ្ឋានណាស់ពីចំណុចនេះ»។
វ៉ាក់សាំងទាំងអស់នេះ នឹងចាប់ផ្តើមចូលក្នុងការសាកល្បងគ្លីនិកដំណាក់កាលទី៣ នៅតាមពេលវេលាផ្សេងៗគ្នា នៅឆ្នាំក្រោយ ហើយវានឹងចំណាយពេលមួយឆ្នាំ ដើម្បីប្រមូលទិន្នន័យទាំងអស់ ដែលបង្ហាញថា វ៉ាក់សាំងពិតជាដំណើរការល្អ ក៏ដូចជាមានសុវត្ថិភាពដែរឬអត់។ លោក Hotez បន្ថែមថា វ៉ាក់សាំងដំបូងប្រហែលជាមិនមែនជាវ៉ាក់សាំងល្អបំផុតរបស់យើងទេ។
យោងតាមអង្គការសុខភាពពិភពលោក មានវ៉ាក់សាំងកូវីដចំនួន ២៣ ដែលបច្ចុប្បន្នកំពុងធ្វើការពិសោធន៍ទូទាំងពិភពលោក៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ