នៅក្នុងសៀវភៅបុញ្ញបទីប ព្រះមានព្រះភាគត្រាស់ថា ម្នាលភិក្ខុទាំងឡាយ អ្នកទាំងឡាយ កុំខ្លាចបុណ្យឡើយ ម្នាលភិក្ខុទាំងឡាយ ពាក្យថាបុណ្យនេះ ជាឈ្មោះនៃសេចក្តីសុខទេតើ ។
ម្នាលភិក្ខុទាំងឡាយ តថាគតដឹងច្បាស់ថា កាលពីជាតិកន្លងទៅ តថាគតបានចម្រើនមេត្តាចិត្ត ដែលជាទីប្រាថ្នា ជាទីត្រេកអរ ជាទីគាប់ចិត្តដែលជាផលនៃសេចក្តីល្អជារឿយៗអស់កាលជាយូរអង្វែង ។ លុះតថាគតចម្រើនមេត្តាចិត្តប្រាកដហើយក៏បានទៅកើតនៅក្នុងឋានព្រហ្មលោក ។
ម្នាលភិក្ខុទាំងឡាយនៅក្នុងព្រហ្មវិមាននោះ តថាគតជាមហាព្រហ្មគ្របសង្កត់លើព្រហ្មឯទៀតៗ ។ ម្នាលភិក្ខុទាំងឡាយរតនៈ៧ប្រការកើតមានឡើងប្រាកដគឺ យានរតនៈ ១ ហត្ថិរតនៈ ១ អស្សរតនៈ ១ មណិរតនៈ ១ ឥត្ថីរតនៈ ១ គហបតិរតនៈ ១ និងបរិវាររតនៈ ១ ជាគម្រប់ ។
ម្នាលភិក្ខុទាំងឡាយ តថាគតបានឃើញនូវផលនៃបុណ្យជាកុសលនេះហើយ ក៏បានប្រាប់ដល់ពួកសត្វអ្នកស្វែងរកសេចក្តីសុខ ហើយចម្រើននូវមេត្តាចិត្តដែលប្រកបដោយធម៌ លុះធ្វើមរណកាលទៅនឹងបានទៅកើតក្នុងត្រកូលស្តុកស្តម្ភ មានទ្រព្យច្រើន មានភោគៈច្រើន ជាត្រកូលប្រកបដោយរតនៈទាំង៧ប្រការផង ហេតុនេះចូលអ្នកទាំងឡាយគប្បីចម្រើននូវបុណ្យនុ៎ះឲ្យបានរឿយៗចុះ ។ សាន សារិន
ចែករំលែកព័តមាននេះ