ខេត្តពោធិ៍សាត់ ៖ ដើម្បីចូលរួមធ្វើការមនុស្សធ៌មក្នុងសង្គមដែលគេតែងនិយាយថាពុទ្ធចក្រ និងអាណាចក្រដើរទន្ទឹមគ្នានោះ កាលពីព្រឹកថ្ងៃទី១៥ខែមករា
ខេត្តពោធិ៍សាត់ ៖ ដើម្បីចូលរួមធ្វើការមនុស្សធ៌មក្នុងសង្គមដែលគេតែងនិយាយថាពុទ្ធចក្រ និងអាណាចក្រដើរទន្ទឹមគ្នានោះ កាលពីព្រឹកថ្ងៃទី១៥ខែមករា ឆ្នាំ២០១៥ ព្រះតេជគុណនៅ សុគន្ធថៃហៅលោកតាហ៊ួរព្រះចៅអធិការវត្តហង្សាបីតិ ហៅព្រែកស្ដី នៅសង្កាត់លលកស ក្រុងពោធិ៍សាត់ បានបរិច្ចាកអង្ករ និងថវិការមួយចំនួនដល់សាខាកាកបាទក្រហមកម្ពុជាខេត្ត មន្ទីរពេទ្យបង្អែក ក្រុមការងារយេនឌ័រសាលាខេត្ត និងសមាគមអតីតសិស្សវិទ្យាល័យពោធិ៍សាត់ សម្រាប់ទុកចែកជូនជនរងគ្រោះ ឧបត្ថម្ភសិស្សក្រីក្រ និងជួយអ្នកជំងឺគ្មានទីពឹងដែលសម្រាកព្យាបាលនៅក្នុងមន្ទីរពេទ្យ ។
លោកបណ្ឌិតម៉ៅ ធនិន ប្រធានកិត្តិយសនៃគណៈកម្មាធិការសាខាកាកបាទក្រហមកម្ពុជាខេត្តពោធិ៍សាត់ និងលោកជំទាវហ៊ុន ចាន់ធី បានអញ្ជើញទទួលសម្ភារទាំងអស់នេះដោយមានការចូលរួមពីសំណាក់លោកស្រីជុក សុផានី អភិបាលរងខេត្ត,លោកខូយ រីដា ប្រធានគណៈកម្មាធិការសាខាកាកបាទក្រហមកម្ពុជាខេត្ត,លោកវ៉ាន់ ហ៊ាង នាយកប្រតិបត្តិសាខាកាបាទក្រហមកម្ពុជាខេត្ត,លោកច័ន្ទ សុខា ប្រធានមន្ទីរពេទ្យបង្អែកខត្ត,តំណាងសមាគមអតីតសិស្សវិទ្យាល័យ ពោធិ៍សាត់ ព្រមទាំងសមាជិកសមាជិការគណៈកម្មាធិការសាខាកាកបាទក្រហមកម្ពុជាខេត្ត មួយចំនួនទៀត ។
សម្ភារបានផ្ដល់ជូនសាខាកាកបាទក្រហមកម្ពុជាខេត្ត នូវអង្ករ១៦ការ៉ុង ទម្ងន់៨០០គីឡូក្រាម និងថវិការចំនួន៥០០ដុល្លាសហរដ្ឋអាមេរិក ក្រុមការងារយេនឌ័រសាលាខេត្តអង្ករ៤ការ៉ុងទម្ងន់២០០គីឡូក្រាម,មន្ទីរពេទ្យបង្អែកខេត្តថវិការ៥០០ដុល្លាសហរដ្ឋអាមេរិក និងសមាគមអតីតសិស្សវិទ្យាល័យពោធិ៍សាត់ ថវិការចំនួន៥០ម៉ឺនរៀល ។
ព្រះតេជគុណនៅសុគន្ធថៃហៅលោកតាហ៊ួរមានថេរដីការថាអង្ករ និងថវិការទាំងនេះជារបស់វត្តដែលបានមកពីពុទ្ធបរិស័ទ នៅទីជិតឆ្ងាយយកមកប្រគេនព្រះសង្ឃក្នុងពេលបុណ្យទានផ្សេងៗ ។ ដោយយល់ឃើញថា ព្រះសង្ឃមានចង្ហាន់ក៍ដោយសារពុទ្ធបរិស័ទយកមកប្រគេនហើយពុទ្ធចក្រ និងអាណាចក្រដើរទន្ទឹមគ្នានោះ តេជគុណក៍បានចែករំលែកទៅអាណាចក្រវិញទៅតាមលទ្ធភាពដែលអាចជួយបាន ។ កន្លងមកវត្តហង្សាបីតិ ហៅព្រែកស្ដីធ្លាប់បានបរិច្ចាកនូវសម្ភារប្រើប្រាស់ ស្បៀងអាហារ និងថវិការជូនសាខាកាកបាទក្រហមកម្ពុជាខេត្តពោធិ៍សាត់ ជាច្រើនលើកច្រើនសារមកហើយ ។មិនតែប៉ុណ្ណោះបានចែកអំណោយ និងធ្វើម្ហូបនំចំណីចែកជូនអ្នកជំងឺក្នុងមន្ទីរពេទ្យ កុមារកំព្រា ផ្ដល់អំណោយដល់កងទ័ពសមរភូមិមុខ ជួយកសាងសាលារៀន មណ្ឌលសុខភាព ផ្លូវថ្នល់ ស្ពាន ស្រះទឹក ធ្វើផ្ទះជូនចាស់ជរាគ្មានទីពឹង និងជួយកសាងព្រះវិហារ សាលាឆាន់ជូនវត្តជួបការលំបាកជាដើម។
លោកបណ្ឌិតម៉ៅ ធនិន បានសម្ដែងការកោតសរសើរ និងដោយគោរពចំពោះព្រះតេជគុណនៅ សុគន្ធថៃហៅលោកតាហ៊ួរដែលព្រះអង្គមានព្រះហរទ័យមនុស្សធ៌មបានបរិច្ចាកនូវ សម្ភារស្បៀងអាហារ ថវិការដល់កាកបាទក្រហម អ្នកក្រីក្រ អ្នកជំងឺ កងទ័ព និងជួយកសាងហេដ្ឋារចនាសម្ព័ន្ធនានា ។កាយវិការទាំងកនេះពិតជាបានរួមចំណែកយ៉ាងធំធេងជួយអភិវឌ្ព្យន៍សង្គមជាតិ និងកាត់បន្ថយភាពក្រីក្ររបស់ប្រជាពលរដ្ឋយើង ។ សម្ភារទាំងអស់នេះនឹងទុកជួយដល់ជនរងគ្រោះគ្រប់ប្រភេទដែលត្រូវការជំនួយជាចាំបាច់ ៕
ចែករំលែកព័តមាននេះ