Santi Cazorla នឹងចូលរួមជាមួយក្លិបកាតា Al Sadd ក្រោមការដឹកនាំរបស់ Xavi
ប្រទេសអេស្ប៉ាញ ៖ កីឡាករ Santi Cazorla អតីតខ្សែបម្រើក្រុមកាំភ្លើងធំ Arsenal នឹងទៅចូលរួមជាមួយក្លិបនៅលីគកំពូលប្រទេសកាតា Al Sadd…
ប្រទេសអេស្ប៉ាញ ៖ កីឡាករ Santi Cazorla អតីតខ្សែបម្រើក្រុមកាំភ្លើងធំ Arsenal នឹងទៅចូលរួមជាមួយក្លិបនៅលីគកំពូលប្រទេសកាតា Al Sadd…
ប្រទេសអេស្ប៉ាញ ៖ កីឡាករ Santi Cazorla អតីតខ្សែបម្រើក្រុមកាំភ្លើងធំ Arsenal នឹងទៅចូលរួមជាមួយក្លិបនៅលីគកំពូលប្រទេសកាតា Al Sadd បន្ទាប់ពីបានប្រកាសចាកចេញពីក្លិប Villarreal។
ខ្សែបម្រើសញ្ជាតិអេស្ប៉ាញវ័យ ៣៥ឆ្នាំរូបនេះ បានលេងការប្រកួតចុងក្រោយរបស់ខ្លួន សម្រាប់ក្លិបអេស្ប៉ាញ Villarreal កាលពីថ្ងៃអាទិត្យកន្លងទៅ ស្របពេលដែលកិច្ចសន្យារបស់គេជាមួយក្លិប បានផុតកំណត់ហើយ។ ចំណែកក្នុងការចូលរួមជាមួយក្លិប Al Sadd កីឡាករ Cazorla នឹងត្រូវលេងក្រោមការដឹកនាំដោយអតីតមិត្តរួមក្រុមជម្រើសជាតិអេស្ប៉ាញគឺលោក Xavi ដែលបានបន្តកុងត្រាដឹកនាំក្លិបនេះ រហូតដល់បំណាច់ឆ្នាំ២០២១ ។
ក្លិប Al Sadd បានសរសេរលើបណ្តាញសង្គមរបស់ខ្លួនថា «យើងបានឈានដល់កិច្ចព្រមព្រៀងជាមួយកីឡាករ Santi Cazorla ហើយ ។ គេនឹងមកដល់ទីក្រុងដូហាក្នុងពេលឆាប់ៗនេះ ដើម្បីបំពេញបែបបទ ដើម្បីចូលរួមជាមួយយើង»។
សូមរំលឹកថា Cazorla លេងបាន ១៨០ប្រកួតក្នុងរយៈពេល ៦រដូវកាលជាមួយក្រុម Arsenal នៅចន្លោះឆ្នាំ ២០១២ ដល់ ២០១៨ ហើយបានបន្តចំណាយពេល ២រដូវកាលចុងក្រោយលេងឱ្យក្រុម Villarreal ជាលើកទី ២ ក្នុងអាជីពរបស់គេ៕ (ដកស្រង់ចេញពី BBC)
ចែករំលែកព័តមាននេះ