ប៉េកាំង ៖ ដើម្បីទប់ស្កាត់ករណីនាំចូលនៃជំងឺកូវីដ១៩ អាជ្ញាធរអាកាសចរណ៍ចិនបាននិយាយនៅថ្ងៃអង្គារ ទី២១ ខែកក្កដានេះថា អ្នកដំណើរនៃជើងហោះហើរទៅចិន ត្រូវតែផ្តល់លទ្ធផលតេស្តអវិជ្ជមាន Covid-19 មុនពេលឡើងជិះយន្តហោះ…
ប៉េកាំង ៖ ដើម្បីទប់ស្កាត់ករណីនាំចូលនៃជំងឺកូវីដ១៩ អាជ្ញាធរអាកាសចរណ៍ចិនបាននិយាយនៅថ្ងៃអង្គារ ទី២១ ខែកក្កដានេះថា អ្នកដំណើរនៃជើងហោះហើរទៅចិន ត្រូវតែផ្តល់លទ្ធផលតេស្តអវិជ្ជមាន Covid-19 មុនពេលឡើងជិះយន្តហោះ ខណៈដែលរដ្ឋាភិបាលកំពុងព្យាយាមកាត់បន្ថយហានិភ័យនៃករណីឆ្លងវីរុសកូវីដ ១៩ ដែលបាននាំចូលចំពេលមានការកើនឡើងជាលក្ខណៈអន្តរជាតិនៃជំងឺរាតត្បាតមួយនេះ ។
រដ្ឋបាលអាកាសចរណ៍ស៊ីវិលចិន (CAAC) បាននិយាយនៅលើគេហទំព័ររបស់ខ្លួនថា ការធ្វើតេស្តិ៍អាស៊ីដ Nucleic ត្រូវតែបំពេញក្នុងរយៈពេលប្រាំថ្ងៃនៃការចាប់ផ្តើម ។ ការធ្វើតេស្តនេះគួរតែត្រូវបានធ្វើឡើងនៅតាមកន្លែងនានាដែលបានកំណត់ ឬទទួលស្គាល់ដោយស្ថានទូតចិននៅក្នុងប្រទេសម្ចាស់ផ្ទះ ។
CAAC បាននិយាយថា ស្ថានទូតចិនប្រចាំប្រទេសនីមួយៗ រួមទាំងប្រទេសកម្ពុជានឹងវាយតម្លៃដោយប្រុងប្រយ័ត្ននូវសមត្ថភាពនៃការធ្វើតេស្តរបស់ប្រទេសម្ចាស់ផ្ទះ និងរៀបចំបែបបទធ្វើដំណើរនៅពេលដែលលក្ខខណ្ឌត្រូវបានបំពេញ ។ ការប្រកាសនេះធ្វើឡើងនៅពេលដែលប្រទេសនានាកំពុងតស៊ូជាមួយនឹងសមត្ថភាពសាកល្បងនៃការធ្វើតេស្តិ៍និងល្បឿននៃលទ្ធផលតេស្តិ៍ ។ នៅផ្នែកខ្លះនៃសហរដ្ឋអាមេរិកការទទួលបានលទ្ធផលតេស្តិ៍អាចចំណាយពេលរហូតដល់ ២ សប្តាហ៍ខណៈពេលដែលនៅប្រទេសមួយចំនួនទៀតការធ្វើតេស្តិ៍អាស៊ីដ nucleic ត្រូវបានបម្រុងទុកសម្រាប់អ្នកដែលបានទំនាក់ទំនងជិតស្និទ្ធជាមួយអ្នកជំងឺ Covid-19 ឬអ្នកដែលមានរោគសញ្ញានៃគ្រោះថ្នាក់ដល់អាយុជីវិតដោយសារជំងឺឆ្លងនេះ ។
កាលពីខែមុន CAAC បានអនុញ្ញាតឱ្យក្រុមហ៊ុនអាកាសចរណ៍បរទេសជាច្រើនបន្តសេវាកម្មនៅក្នុងប្រទេសចិន និងបន្ថែមជើងហោះហើរមកកាន់ប្រទេសនេះនៅពេលសេដ្ឋកិច្ចងើបឡើងវិញ។ Lufthansa កាលពីថ្ងៃសុក្រសប្តាហ៍មុនបាននិយាយថាខ្លួននឹងបង្កើនចំនួនជើងហោះហើរទ្វេដងទៅ-មក ពីចិនដីគោកក្នុងប៉ុន្មានសប្តាហ៍ខាងមុខនេះ ហើយក្រុមហ៊ុន Air France KLM បាននិយាយថាខ្លួនបានទទួលការយល់ព្រមបន្ថែមជើងហោះហើរចិនបន្ថែមទៀត ។
ក្រុមហ៊ុនអាកាសចរណ៍មួយចំនួនត្រូវបានផ្អាកពីប្រតិបត្តិការនៅប្រទេសចិនបន្ទាប់ពីអ្នកដំណើរច្រើនជាង ៥ នាក់បានធ្វើតេស្តិ៍រកមេរោគវីរុសនេះនៅពេលមកដល់ ៕
ចែករំលែកព័តមាននេះ