សម័យមួយព្រះមានព្រះភាគទ្រង់គង់នៅវត្តជេតពនរបស់អនាថបិណ្ឌិកសេដ្ឋី ជិតក្រុងសាវត្ថី គ្រានោះឯង ព្រះមានព្រះភាគត្រាស់ទៅកាន់ព្រះមហាកស្សបដ៏មានអាយុយ៉ាងនេះថា ម្នាលកស្សប ធម៌៥ប្រការថយចុះ តែងប្រព្រឹត្តទៅដើម្បីសេចក្តីវិនាស ដើម្បីសាបសូន្យនៃព្រះសទ្ធម្ម ។
ធម៌៥ប្រការនោះ តើដូចម្តេចខ្លះ ។ ម្នាលកស្សប ពួកភិក្ខុ សាមណេរ ឧបាសក ឧបាសិកា ក្នុងសាសនានេះ ជាអ្នកមិនគោរព មិនកោតក្រែងចំពោះព្រះសាស្តា ១ ជាអ្នកមិនគោរព មិនកោតក្រែងចំពោះព្រះធម៌ ១ ជាអ្នកមិនគោរព មិនកោតក្រែងចំពោះព្រះសង្ឃ ១ ជាអ្នកមិនគោរព មិនកោតក្រែងចំពោះសិក្ខា ១ ជាអ្នកមិនគោរព មិនកោតក្រែងចំពោះសមាធិ ១ ។
ម្នាលកស្សប កាលបើបរិស័ទទាំងឡាយអស់ការគោរពធម៌ទាំង៥ប្រការនេះឯងដរាបណា តែងប្រព្រឹត្តទៅដើម្បីសាបសូន្យនៃព្រះសទ្ធម្មដរាបនោះជាប្រាកដ ។ សាន សារិន
ចែករំលែកព័តមាននេះ