ម៉ាឡេស៊ី គិតគូរចង់តម្រូវឱ្យប្រជាជនពាក់ម៉ាសជាកំហិត
ម៉ាឡេស៊ី ៖ តាមប្រភពព័ត៌មាន Bangkok Post បានឱ្យដឹងថា នាយករដ្ឋមន្ត្រីប្រទេសម៉ាឡេស៊ី លោក Muhyiddin Yassin…
ម៉ាឡេស៊ី ៖ តាមប្រភពព័ត៌មាន Bangkok Post បានឱ្យដឹងថា នាយករដ្ឋមន្ត្រីប្រទេសម៉ាឡេស៊ី លោក Muhyiddin Yassin…
ម៉ាឡេស៊ី ៖ តាមប្រភពព័ត៌មាន Bangkok Post បានឱ្យដឹងថា នាយករដ្ឋមន្ត្រីប្រទេសម៉ាឡេស៊ី លោក Muhyiddin Yassin បាននិយាយកាលពីថ្ងៃច័ន្ទថា ប្រទេសម៉ាឡេស៊ីកំពុងពិចារណាឱ្យមានការពាក់ម៉ាសនៅទីសាធារណៈ បន្ទាប់ពីមានការលេចចេញនូវក្រុមមនុស្សឆ្លងវីរុសថ្មីចំនួន ១៣នាក់ ចាប់តាំងពីរដ្ឋាភិបាលបានបន្ធូរបន្ថយយ៉ាងទូលំទូលាយលើការធ្វើដំណើរ និង អាជីវកម្មកាលពីខែមុន។
អាជ្ញាធរសុខាភិបាលម៉ាឡេស៊ី បានកត់ត្រាករណីឆ្លងវីរុសថ្មីចំនួន ២១ករណី កាលពីថ្ងៃច័ន្ទ ដោយសរុបចំនួនចាប់តាំងពីការផ្ទុះឡើងដល់ ៨៨០០ករណី និង ១២៣នាក់បានបាត់បង់ជីវិត។
កាលពីថ្ងៃច័ន្ទ គឺជាការកើនឡើងទ្វេដង នៃការឆ្លងមេរោគប្រចាំថ្ងៃក្នុងមួយថ្ងៃ បន្ទាប់ពីប្រទេសម៉ាឡេស៊ី បានគ្រប់គ្រងកំណើនប្រចាំថ្ងៃទៅជាតួលេខខ្ទង់រាយ ចាប់តាំងពីការចាក់សោ ត្រូវបានបន្ធូរបន្ថយនៅថ្ងៃទី១០ ខែមិថុនា។ ចំនួនករណីវិជ្ជមាន បានកើនឡើងចំនួន ១៥ករណី នៅថ្ងៃអាទិត្យ ហើយចំនួន ១៨ករណីនៅថ្ងៃសុក្រ។
លោកនាយករដ្ឋមន្ត្រី Muhyiddin បាននិយាយថា ការកើនឡើងប្រចាំថ្ងៃខ្ទង់ដប់ រួមជាមួយនឹងចង្កោមថ្មីដែលត្រូវបានរកឃើញនៅក្នុងរដ្ឋជាច្រើន នៅទូទាំងប្រទេស បានធ្វើឱ្យរដ្ឋាភិបាលគិតថា វាចាំបាច់ក្នុងការពាក់ម៉ាសជាកាតព្វកិច្ចសាធារណៈ។
លោកនាយករដ្ឋមន្ត្រីបាននិយាយនៅក្នុងសុន្ទរកថាមួយ ដែលចាក់ផ្សាយតាមទូរទស្សន៍ជាតិថា៖ «ព័ត៌មានលម្អិតនឹងត្រូវបានប្រកាសនៅពេលដែលបទបញ្ញត្តិពាក់ព័ន្ធ ត្រូវបានសម្រេចចុងក្រោយដោយរដ្ឋាភិបាល»។
គួរបញ្ជាក់ផងដែរថា ប្រទេសម៉ាឡេស៊ី ស្ថិតក្នុងចំណោមបណ្តាប្រទេសនានាក្នុងតំបន់ ដែលបានចាត់វិធានការតឹងរឹងលើសកម្មភាពសាធារណៈ បិទព្រំដែន រារាំងការធ្វើដំណើរទ្រង់ទ្រាយធំ និងបានបញ្ជាឱ្យគ្រប់ផ្នែកសំខាន់ៗទាំងអស់ ត្រូវបិទប្រតិបត្តិការ នៅក្នុងខែមីនា ដោយសារប្រទេសនេះបានប្រយុទ្ធដើម្បីទប់ស្កាត់ការរីករាលដាលនៃជំងឺកូវីដ១៩៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ