សហរដ្ឋអាមេរិក ៖ អភិបាលក្រុងព័រឡែនលោក TED WHEELER កាលពីថ្ងៃទី១៩ កក្កដា បានស្នើជាថ្មីឲ្យដកកងទ័ពសហព័ន្ធ ដែលដាក់ពង្រាយក្នុងទីក្រុងនាភាគពាយ័ព្យអាមេរិកនោះចេញ ដោយអះអាងថាកងកម្លាំងនោះគ្រាន់តែមកជួយបង្កាត់ថែមអំពើហិង្សា…
សហរដ្ឋអាមេរិក ៖ អភិបាលក្រុងព័រឡែនលោក TED WHEELER កាលពីថ្ងៃទី១៩ កក្កដា បានស្នើជាថ្មីឲ្យដកកងទ័ពសហព័ន្ធ ដែលដាក់ពង្រាយក្នុងទីក្រុងនាភាគពាយ័ព្យអាមេរិកនោះចេញ ដោយអះអាងថាកងកម្លាំងនោះគ្រាន់តែមកជួយបង្កាត់ថែមអំពើហិង្សា ដែលនាំឲ្យកក្រើកក្រុងនះចាប់តាំងពីជិត២ខែមកហើយតែប៉ុណ្ណោះ ។
តាមទូរទស្សន៍ CNN លោក TED WHEELER និយាយថា កងទ័ពសហព័ន្ធដែលដាក់ពង្រាយក្នុងទីក្រុងរបស់យើង មានច្រើនសិបនាក់និងអាចដល់ច្រើនរយនាក់ ហើយពួកគេបានរួមចំណែកធ្វើឲ្យសភាពការណ៍កាន់តែធ្ងន់ធ្ងរ ។ វត្តមានរបស់ពួកគេ បង្កថែមទៀតអំពើហិង្សាដែលបែបនោះមិនបានជួយធ្វើឲ្យសភាពការណ៍មានភាពស្ងប់ស្ងាត់ឡើយ ។ ពួកគេមិនត្រូវបានស្វាគមន៍ ហើយយើងចង់ឲ្យពួកគេចាកចេញ ។
បណ្ដាភ្នាក់ងារសហព័ន្ធត្រូវបានបញ្ជូនមកដើម្បីបញ្ចប់បាតុកម្ម ដែលកើតមាននៅមុខតុលាការនៃទីក្រុងនោះ ដើម្បីតវ៉ាប្រឆាំងអំពើសាហាវយង់ឃ្នងរបស់ប៉ូលិស និងការប្រកាន់ពូជសាសន៍ ។ បាតុកម្មបណ្ដាលឲ្យមានការប៉ះទង្គិចគ្នានានាជាមួយប៉ូលិស ដែលតែងបំបែកដោយការបាញ់ឧស្ម័នបង្ហូរទឹកភ្នែក ។ ពួកបាតុករក៏ប៉ុនប៉ងដែរដុតទីស្នាក់ការរបស់សមាគមប៉ូលិសនៃទីក្រុងនោះ កាលពីយប់ថ្ងៃទី១៨មក១៩ កក្កដា ។
ប្រធានាធិបតីអាមេរិកលោកដូណាល់ ត្រាំ តាម TWITTER បានការពារការដាក់ពង្រាយកងទ័ពនោះ ។ លោកសរសេរនាថ្ងៃទី១៩ កក្កដាថា យើងត្រូវការពារបណ្ដាអគារសហព័ន្ធនិងប្រជា
ជនយើងដែលនឿយណាយចំពោះបណ្ដាមេដឹកនាំមូលដ្ឋាន ដែលបាត់បង់ការត្រួតត្រាលើពួកអានាធិបតេយ្យនិងពួកអ្នកដើរក្រឡុកចាប់តាំងពីច្រើនខែមកហើយ ។
បាតុកម្មនៅក្រុងព័រឡែនចាប់ផ្ដើម ក្រោយការស្លាប់របស់ជនស្បែកខ្មៅ លោក GEORGE FLOYD ពីដំណាច់ខែឧសភាមក ដោយសារប៉ូលិសស្បែកសម្នាក់យកជង្កង់សង្កត់កគេដល់ដាច់ខ្យល់ ។ កំហឹងបានផ្ទុះកាន់តែខ្លាំងឡើងបន្ទាប់ពីការចាប់ខ្លួនពួកអ្នកតវ៉ានៅតាមដងវិថីនានានៃទីក្រុងនោះ ដោយពុំផ្ដល់ពីមូលហេតុ ។
ពួកសកម្មជនសិទ្ធិមនុស្សនិងបណ្ដាសមាជិកសភាអាមេរិក បានបរិហារយ៉ាងខ្លាំងកាលពីថ្ងៃទី១៧ កក្កដា ចំពោះការចាប់ខ្លួនទាំងនេះ ហើយ រដ្ឋអាជ្ញាមួយរូបលោកស្រី ELLEN ROSENBLUM គូសបញ្ជាក់ថា លោកស្រីនឹងដាក់ពាក្យប្ដឹងប្រឆាំងយុទ្ធវីធីនៃការបំភិតបំភ័យរបស់កងកម្លាំងសហព័ន្ធ ៕ ដកស្រង់ចេញពីវេបសាយ ៖ rfi (កែសម្រួលដោយ ៖ បុប្ផា)
ចែករំលែកព័តមាននេះ