ប្រធានាធិបតីប្រេស៊ីល ទៅសួរសុខទុក្ខអ្នកគាំទ្រ ទាំងខ្លួនកំពុងកើតកូវីដ១៩
ប្រេស៊ីល ៖ តាមប្រភពព័ត៌មាន CNN បានឱ្យដឹងថា លោក Jair Bolsonaro ប្រធានាធិបតីនៃប្រទេសប្រេស៊ីល ដែលកំពុងតែឈឺជំងឺកូវីដ១៩…
ប្រេស៊ីល ៖ តាមប្រភពព័ត៌មាន CNN បានឱ្យដឹងថា លោក Jair Bolsonaro ប្រធានាធិបតីនៃប្រទេសប្រេស៊ីល ដែលកំពុងតែឈឺជំងឺកូវីដ១៩…
ប្រេស៊ីល ៖ តាមប្រភពព័ត៌មាន CNN បានឱ្យដឹងថា លោក Jair Bolsonaro ប្រធានាធិបតីនៃប្រទេសប្រេស៊ីល ដែលកំពុងតែឈឺជំងឺកូវីដ១៩ បានដើរនៅលើទីធ្លាវិមានប្រធានាធិបតីរបស់លោក កាលពីរសៀលថ្ងៃអាទិត្យ និងបានស្វាគមន៍អ្នកគាំទ្រជាច្រើន។
ខណៈពេលដែល លោកប្រធានាធិបតី Bolsonaro ពាក់ម៉ាស លោកត្រូវបានគេឃើញថា មិនបានរក្សាគម្លាតរវាងលោក និងអ្នកដើរហែហមនោះទេ។ ម្យ៉ាងទៀត លោកបានទម្លាក់ម៉ាសមកក្រោមច្រមុះ នៅពេលនិយាយជាមួយអ្នកដែលនៅជិតនោះ។
អ្នកគាំទ្រត្រូវឈរនៅម្ខាងទៀតពីកន្លែងរបស់លោកប្រធានាធិបតី ដោយប្រឡាយទឹកតូចមួយ ប៉ុន្តែមានមនុស្សពីរនាក់ បានឆ្លងទៅឈរនៅខាងរបស់លោកប្រធានាធិបតី។ បុរសម្នាក់បានជួយបុរសម្នាក់ទៀត ដែលពិការរាងកាយ ដើម្បីសួរសុខទុក្ខលោកប្រធានាធិបតី ដែលកំពុងកើតជំងឺកូវីដ១៩។
លោក Bolsonaro បានប្រាប់អ្នកទាំងពីរថា៖ «អរគុណសម្រាប់ការជឿទុកចិត្ត។ ខ្ញុំចង់បង្កើតរដ្ឋាភិបាលសម្រាប់អ្នកទាំងអស់គ្នា»។
ជាមួយគ្នានេះដែរ លោក Bolsonaro ក៏បានលើកឡើងនូវអ្វីដែលមើលទៅដូចជាប្រអប់ថ្នាំតូចមួយ។ ក្នុងកំឡុងពេលមានរោគរាតត្បាតនេះ លោក Bolsonaro បានយល់ព្រមម្តងហើយម្តងទៀតក្នុងការប្រើប្រាស់ថ្នាំ Hydroxychloroquine ទោះបីជាសមាគមជំងឺឆ្លងរបស់ប្រេស៊ីលបានចេញរបាយការណ៍កាលពីថ្ងៃសុក្រអំពាវនាវឱ្យអ្នកជំនាញវេជ្ជសាស្ត្របញ្ឈប់ការប្រើប្រាស់ថ្នាំសម្រាប់អ្នកជម្ងឺកូវីដក៏ដោយ។ លោក Bolsonaro បាននិយាយថា គាត់បានប្រើថ្នាំនេះចាប់តាំងពីការធ្វើតេស្តឃើញថាវិជ្ជមានមកម្ល៉េះ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ