របរ​ដាំ​ផ្កាចន្ធូ​អាច​ជួយ​ដោះស្រាយ​បញ្ហា​ជីវភាព​បាន​យ៉ាង​ស្រួល


រាជធានី​ភ្នំពេញ ៖ រដ្ឋមន្ត្រី​ក្រសួងកសិកម្ម​រុក្ខ​ប្រ​ម៉ា​ញ និង​នេសាទ​លោក វេ​ង សា​ខុន​បាន​បញ្ជាក់​ថា របរ​ដាំ​ផ្កាចន្ធូ​លក់​អាច​ជួយ​ដោះស្រាយ​ជីវភាព​របស់​គ្រួសារ​មួយ​បាន​ងាយស្រួល ។

ការ​លើក​ឡើង​របស់​លោក​រដ្ឋមន្ត្រី ខណៈ​លោក​ចុះ​ជួប​ផ្ទាល់​ជាមួយ​ប្រជា​កសិករ​ប្រកប​រប​ដាំ​ផ្កាចន្ធូ​នៅ​ខេត្ត​ត្បូងឃ្មុំ ។ លោក​រដ្ឋមន្ត្រី​វេ​ង សា​ខុន បាន​សរសេរ​លើ​បណ្តាញ​សង្គម នៅ​ថ្ងៃ​ទី​២០ ខែកក្កដា ឆ្នាំ​២០២០​ថា «​ខ្ញុំ​ចង់​អញ្ជើញ​បងប្អូន​កសិករ​បាន​ចុះ​ពិនិត្យ​មើល​ការ​ដាំ​ដុះ​ដំណាំ ផ្កាចន្ធូ​របស់ កសិករ​ឈ្មោះ ហ៊ឹង ប៊ុ​ន​ហេង នៅ​ភូមិ អូរ​រំចេក ឃុំ​ត្រពាំង​ជង ស្រុក​បាកាន ខេត្ត​ត្បូងឃ្មុំ ដែល​បាន​ដាំ​ផ្កាចន្ធូ លើ​ផ្ទៃដី​តូច​ដែល​មាន​ទំហំ​តែ​កន្លះ​ហិ​កតា តែ​ប៉ុណ្ណោះ​ដែល​ការ​ដាំ​ដុះ​របស់​គាត់​កំពុង​ប្រមូល​ផល ។

លោក​រដ្ឋមន្ត្រី​លើក​ឡើង​ថា លោក ហ៊ឹង ប៊ុ​ន​ហេង ជា​ម្ចាស់​ចំការ​ដំណាំ​ផ្កាចន្ធូ​បាន​រៀបរាប់​ឲ្យ​ដឹង​ថា ដំណាំ​ផ្កាចន្ធូ បាន​ដាំ​រយៈពេល​មួយ​ឆ្នាំ មក​ហើយ ចំណាយ​ថវិកា​ទិញ​ពូជ ជី អង្កាម និង​ប្រេង​បូមទឹក​អស់​ថវិកា​សរុប ៨៦៨០ ០០០ រៀល ហើយ​ចំពោះ​ការ​ប្រមូល​ផល​វិញ គឺ​បាន​ធ្វើ​ឡើង ០១ ស​ប្តា​ហ៍ម្ត​ង ដែល​ទទួល​បាន​ប្រាក់​ចំណូល ៤០០ ០០០ រៀល ទៅ ៥០០ ០០០ រៀល ។

រៀងរាល់ថ្ងៃ​សីល ដែល​ក្នុង​រយៈពេល​០១ ខែ កាត់​ផ្កា​ប្រមូល​ផល​បាន​ចំនួន​០៤ លើក (០៤​ថ្ងៃសីល៍​ក្នុង​មួយ​ខែ​) ដោយ​ដឹក​យក​ទៅ​លក់​នៅ​ក្រៅ​ខេត្ត​ដូច​ជា ខេត្តបាត់ដំបង បន្ទាយ​មាន​ជ័យ សៀមរាប និង​ទីក្រុង​ភ្នំពេញ និង​ពេល​ខ្លះ​ឈ្មួញ​មក​ទទួល​ទិញ​ដល់​ផ្ទះ ដោយ​០១​ឆ្នាំ​ចំណូល​ពី​ការ​លក់​បាន​ចំនួន ១៧ ២០០ ០០០ រៀល ចំណេញ​សរុប​បាន​ចំនួន ៨៥២០ ០០០​រៀល​៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




    សូម​អរគុណ