ប្រជាជនថៃ៩៥% មិនចង់ឱ្យជនបរទេសចូលក្នុងប្រទេសខ្លួនឡើយ
ថៃ ៖ តាមប្រភពព័ត៌មាន Bangkok Post បានឱ្យដឹងថា ប្រជាជនថៃភាគច្រើន រហូតដល់ទៅ ៩៤.៥១% និយាយថា…
ថៃ ៖ តាមប្រភពព័ត៌មាន Bangkok Post បានឱ្យដឹងថា ប្រជាជនថៃភាគច្រើន រហូតដល់ទៅ ៩៤.៥១% និយាយថា…
ថៃ ៖ តាមប្រភពព័ត៌មាន Bangkok Post បានឱ្យដឹងថា ប្រជាជនថៃភាគច្រើន រហូតដល់ទៅ ៩៤.៥១% និយាយថា ជនបរទេសគួរតែត្រូវបានហាមឃាត់មិនឱ្យចូលក្នុងប្រទេស ដើម្បីការពាររលកទី២ នៃការរីករាលដាលជំងឺកូវីដ១៩។ នេះបើយោងតាមការស្ទង់មតិគំនិតរបស់សាកលវិទ្យាល័យ Suan Dusit Rajabhat ឬ ក៏ហៅបានថា ការស្ទង់មតិ Suan Dusit។
ការស្ទង់មតិនេះ ត្រូវបានធ្វើឡើងតាមអ៊ីនធើរណេត នៅថ្ងៃទី១៤ដល់ទី១៨ ខែកក្កដា លើមនុស្ស ១,៤៥៩នាក់ នៅទូទាំងប្រទេស ដើម្បីវាស់ស្ទង់ប្រតិកម្មរបស់ពួកគេចំពោះករណីទាហានអេហ្ស៊ីប និងក្មេងស្រីជនជាតិស៊ូដង់ម្នាក់ ដែលត្រូវបានគេរកឃើញថា បានឆ្លងមេរោគកូវីដ១៩ បន្ទាប់ពីពួកគេត្រូវបានអនុញ្ញាតឱ្យចូលក្នុងប្រទេស។
នៅពេលសួរថា តើពួកគេមានអារម្មណ៍យ៉ាងណា? បន្ទាប់ពីបានដឹងអំពីករណីទាំងពីរនោះ អ្នកឆ្លើយសំណួរ ៥២.២៣% បាននិយាយថា ពួកគេមានការព្រួយបារម្ភខ្លាំង។ ៣៩.៦៨% មានការព្រួយបារម្ភល្មមៗ ខណៈដែល ៦.៥៨% មានការព្រួយបារម្ភតិចតួច។ ១.៥១% មិនមានការព្រួយបារម្ភអ្វីទាំងអស់។
នៅពេលស្នើឱ្យ ណែនាំវិធីនៃការទប់ស្កាត់រលករាតត្បាតថ្មី ៩៤.៥១% បាននិយាយថា ជនបរទេសពិតជាមិនគួរត្រូវបានអនុញ្ញាតឱ្យចូលក្នុងប្រទេសថៃទេ។ ៨៦.៤១% បាននិយាយថា ដំណើរការនៃការត្រួតពិនិត្យ និងការដាក់ឱ្យនៅដាច់ឆ្ងាយពីប្រជាជន ដែលត្រឡប់មកពីបរទេសត្រូវតែតឹងរ៉ឹង។ ៨៣.៨០% និយាយថា មនុស្សត្រូវពាក់ម៉ាសពេលនៅខាងក្រៅ និងលាងដៃញឹកញាប់។ ៨១.៤០% បាននិយាយថា មនុស្សត្រូវតែផ្តល់ព័ត៌មានត្រឹមត្រូវ និងច្បាស់អំពីវីរុស។ ៧៦.៧៣% បាននិយាយថា មនុស្សគួរតែត្រូវបានផ្តល់ការធ្វើតេស្ត ដោយឥតគិតថ្លៃសម្រាប់ជំងឹកូវីដ១៩៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ