ប្រទេសចិន ៖ ការិយាល័យទីក្រុងប៉េកាំងសម្រាប់គម្រោងព្រឹត្តិការណ៍ធំៗ (MPC) បានបញ្ជាក់កាលពីថ្ងៃសុក្រថា តំបន់ប្រកួតប្រជែងនៅទីក្រុងប៉េកាំង សម្រាប់ព្រឹត្តិការណ៍កីឡាអូឡាំពិករដូវរងារឆ្នាំ២០២២ នឹងត្រូវបានរៀបចំរួចរាល់នៅចុងឆ្នាំ២០២០ ។ MPC…
ប្រទេសចិន ៖ ការិយាល័យទីក្រុងប៉េកាំងសម្រាប់គម្រោងព្រឹត្តិការណ៍ធំៗ (MPC) បានបញ្ជាក់កាលពីថ្ងៃសុក្រថា តំបន់ប្រកួតប្រជែងនៅទីក្រុងប៉េកាំង សម្រាប់ព្រឹត្តិការណ៍កីឡាអូឡាំពិករដូវរងារឆ្នាំ២០២២ នឹងត្រូវបានរៀបចំរួចរាល់នៅចុងឆ្នាំ២០២០ ។
MPC បានបញ្ជាក់ថាគម្រោងសាងសង់សរុបចំនួន ២២តំបន់សម្រាប់ការប្រកួតប្រជែងក្នុងទីក្រុងប៉េកាំង នឹងរៀបចំសម្រាប់ការប្រកួតលើទឹកកកទាំងអស់ អំឡុងព្រឹត្តិការណ៍អូឡាំពិក និងប៉ារ៉ាឡាំពិករដូវរងារឆ្នាំ២០២២ ដែលចិនទទួលបានសិទ្ធិធ្វើជាម្ចាស់ផ្ទះ។
ដោយឡែកគម្រោងចំនួន ១៦តំបន់ផ្សេងទៀត កំពុងតែស្ថិតនៅក្នុងការស្ថាបនា។ ក្នុងនោះសាលជិះស្គីល្បឿនលឿនថ្នាក់ជាតិ ដែលទើបសាងសង់ថ្មី រួមនិងអគារ Wukesong Gymnasium ដែលត្រូវបានជួសជុលកែលម្អបន្ថែម ត្រូវបានរំពឹងថានឹងបញ្ចប់នៅខែតុលាឆ្នាំនេះ។
ចំណែកឯកីឡដ្ឋានជាតិដែលមានរហស្សនាមថា «សំបុកចាប» ដែលនឹងត្រៀមរៀបចំពិធីបើក និងបិទព្រឹត្តិការណ៍កីឡាអូឡាំពិករដូវរងាទីក្រុងប៉េកាំងឆ្នាំ២០២២ នឹងត្រូវជួសជុលឡើងវិញនៅដើមឆ្នាំក្រោយ។ហើយគម្រោងលើការជួសជុល ឬកែលម្អសម្រាប់មជ្ឈមណ្ឌលធំៗផ្សេងទៀតរបស់ចិន ដែលមានការពាក់ព័ន្ធ នឹងត្រូវកំណត់ឱ្យបញ្ចប់ទាំងអស់នៅឆ្នាំក្រោយ។
សូមបញ្ជាក់ថាព្រឹត្តិការណ៍កីឡាអូឡាំពិករដូវរងារឆ្នាំ២០២២ នឹងធ្វើពិធីបើកនៅថ្ងៃទី៤ ខែកុម្ភះ នឹងពិធីបិទនៅថ្ងៃទី២០ ខែកុម្ភះ ឆ្នាំ២០២២ ដោយមានការប្រកួត ១៥វិញ្ញាសាក្នុងប្រភេទកីឡាចំនួន៧ ៕ (ដកស្រង់ចេញពី Chinadaily)
ចែករំលែកព័តមាននេះ