ប្រទេសកូរ៉េខាងជើង ៖ ទីភ្នាក់ងារព័ត៌មានផ្លូវការកូរ៉េខាងជើង KCNA រាយការណ៍នាថ្ងៃទី១៩ កក្កដាថា មេដឹកនាំប្រទេសនោះលោកគីមជុងអ៊ុន បានដឹកនាំកិច្ចប្រជុំមួយរបស់គណៈកម្មាធិការយោធាកណ្ដាលរបស់បក្សពលករកូរ៉េ និងពិភាក្សាពីបណ្ដាបញ្ហា ដែលសំដៅពង្រឹងកម្លាំងទ័ពរបស់ប្រទេស ។
តាម KCNA ថាកិច្ចប្រជុំនាថ្ងៃទី១៨ កក្កដានោះ ក៏ផ្ដោតផងដែរលើបេសកកម្មយុទ្ធសាស្ត្រ របស់បណ្ដាកងឯកភាពយោធាសំខាន់ៗ ដើម្បីប្រឈមមុខនឹងសភាពការណ៍យោធា នៅជុំវិញឧបទ្វីបកូរ៉េ និងអនុម័តផែនការផលិតកម្មគ្រាប់ពិសេសនានា ។ កិច្ចប្រជុំបើកទូលាយនោះពិភាក្សាពីបញ្ហាបង្កើនការអប់រំរបស់បក្ស និងទិសដៅរបស់បណ្ដាមេបញ្ជាការ ព្រមទាំងបណ្ដាអ្នកទទួល
ខុសត្រូវនយោបាយរបស់កងទ័ព ព្រមទាំងគូសបញ្ជាក់លើភាពចាំបាច់ដែលកងទ័ពត្រូវបំពេញ
បន្ថែមបណ្ដាមេបញ្ជាការមានវ័យក្មេងៗ ។
បន្ទាប់មកមានកិច្ចប្រជុំជាសម្ងាត់មួយ ដើម្បីពិនិត្យបេសកកម្មយុទ្ធសាស្ត្រនៃបណ្ដាកងឯកភាពពិសេស ដើម្បីប្រឈមមុខនឹងសភាពការណ៍យោធានៅជុំវិញឧបទ្វីបកូរ៉េ ការគំរាមកំហែងយោធាជាសក្ដានុពល ព្រមទាំងពិភាក្សាពីបញ្ហាគន្លឹះនានានៃការពង្រឹងថែមទៀតកងឯកភាពទាំងនេះជាមធ្យោបាយពង្រីកភាពជឿជាក់នៃសង្គ្រាមរបស់ប្រទេស ។
ភាពជឿជាក់នៃសង្គ្រាមជាពាក្យដែលជាទូទៅសំដៅលើអាវុធនុយក្លេអ៊ែ៊រ និងបណ្ដាមីស៊ីលបាលីស្ទិក ។ ពុំមានវិធានការណាមួយទាក់ទិននឹងកូរ៉េខាងត្បូងត្រូវបានលើកមកនិយាយឡើយ ៕ ដកស្រង់ចេញពីវេបសាយ ៖ yna
ចែករំលែកព័តមាននេះ