អ្នកជំនាញជឿថា កំឡុងពេល៣ខែនេះនឹងមានការព្យាបាលកូវីដមានប្រសិទ្ធភាពជាងនេះ
អាមេរិក ៖ តាមប្រភពព័ត៌មាន CNN បានឱ្យដឹងថា នាយកវិទ្យាស្ថានសុខភាពជាតិអាមេរិក លោកវេជ្ជបណ្ឌិត ហ្វ្រេនស៊ីសខូលីន (Dr. Francis…
អាមេរិក ៖ តាមប្រភពព័ត៌មាន CNN បានឱ្យដឹងថា នាយកវិទ្យាស្ថានសុខភាពជាតិអាមេរិក លោកវេជ្ជបណ្ឌិត ហ្វ្រេនស៊ីសខូលីន (Dr. Francis Collins) មានប្រសាសន៍ថា លោកមានសុទិដ្ឋិនិយម ទៅលើការព្យាបាលដ៏មានប្រសិទ្ធភាពសម្រាប់កូវីដ១៩ ថា នឹងមានក្នុងរយៈពេល២ទៅ៣ខែ។
លោកខូលីន បានប្រាប់សារព័ត៌មាន CNN នៅថ្ងៃសុក្រថា៖ «មានការរីកចម្រើនជាច្រើនក្នុងការព្យាបាល។ យើងមានថ្នាំដែលអាចបញ្ជាក់បានចំនួនពីរមុខ គឺថ្នាំ Remdesivir និង ថ្នាំ Dexamethasone ដែលត្រូវបានបង្ហាញនៅក្នុងការសាកល្បងត្រួតពិនិត្យ ដោយចៃដន្យដែលជាមធ្យោបាយតែមួយដើម្បីដឹងថា អាចមានប្រសិទ្ធភាពឬអត់?»។
ថ្នាំ Remdesivir គឺជាថ្នាំប្រឆាំងវីរុស ដែលត្រូវបានបង្ហាញថា អាចកាត់បន្ថយពេលវេលារបស់ជំងឺកូវីដ១៩ កើតលើមនុស្ស។ ថ្នាំ Dexamethasone គឺជាថ្នាំស្តេរ៉ូអ៊ីដ ដែលអាចកាត់បន្ថយអត្រានៃការបាត់បង់ជីវិតក្នុងចំណោមអ្នកជំងឺដែលមានស្ថានភាពធ្ងន់ធ្ងរ។
លោក ខូលីន បានមានប្រសាសន៍បន្តថា៖ «យើងកំពុងចាប់ផ្តើមដំណើរការនាពេលអនាគតដ៏ខ្លីខាងមុខនេះ នូវការសាកល្បងព្យាបាលលើសមាសធាតុផ្សំដទៃទៀត ដែលជាឧទាហរណ៍ គឺថ្នាំប្រឆាំងនឹងការកកឈាម»។
លោកបានបន្តថា៖ «យើងដឹងថា អ្នកដែលឈឺធ្ងន់មានអ្វីកើតឡើង។ ឈាមកកចាប់ផ្តើមបង្កើតឡើង ហើយយើងប្រហែលជាអាចជួយពួកគេបានច្រើន ប្រសិនបើយើងព្យាយាមទប់ស្កាត់។ ហើយប្រហែលជាគួរឱ្យរំភើបបំផុតសម្រាប់ការព្យាបាលតាមទស្សនៈរបស់ខ្ញុំ ការប្រើប្រាស់អង្គបដិប្រាណ monoclonal ដែលបានមកពីមនុស្ស ដែលជាពីជំងឺកូវីដ១៩ ចាក់ទៅលើអ្នកកំពុងឈឺ»៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ