Aubameyang ជួយ Arsenal ផ្តួល Man City ឆ្លងទៅវគ្គផ្តាច់ព្រ័ត្រ FA Cup
ប្រទេសអង់គ្លេស ៖ ខ្សែប្រយុទ្ធ Aubameyang ក្លាយជាតួអង្គដ៏សំខាន់ ដោយជួយក្រុមកាំភ្លើងធំ Arsenal ផ្តួលក្រុមមេឃខៀវ Manchester City…
ប្រទេសអង់គ្លេស ៖ ខ្សែប្រយុទ្ធ Aubameyang ក្លាយជាតួអង្គដ៏សំខាន់ ដោយជួយក្រុមកាំភ្លើងធំ Arsenal ផ្តួលក្រុមមេឃខៀវ Manchester City ក្នុងលទ្ធផល ២-០ កក់កៅអីវគ្គផ្តាច់ព្រ័ត្រពានរង្វាន់ FA Cup។
ការប្រកួតដែលធ្វើឡើងក្នុងស្តាតជាតិ Wembley ដោយគ្មានវត្តមានអ្នកទស្សនា ខណៈ២គ្រាប់របស់ខ្សែប្រយុទ្ធក្រុមជម្រើសជាតិហ្គាបុង Aubameyang ធ្វើបានសម្រេចនៅនាទី១៩ និង៧១។ ជ័យជម្នះនេះ បានជួយឱ្យក្រុមលោក Mikel Arteta ដែលបានលាឈប់ពីតួនាទីជាជំនួយការអ្នកចាត់ការទូទៅក្រុម Manchester City ដើម្បីបន្តតំណែងលោក Unai Emery នៅ Arsenal កាលពីខែធ្នូកន្លងទៅ មានឱកាសឆ្លងទៅវគ្គផ្តាច់ព្រ័ត្រមុន សម្រាប់រដូវកាលដំបូងរបស់ខ្លួន។ ដើម្បីរកចាំក្រុមឈ្នះក្នុងជំនួបរវាង Chelsea និង Manchester United ដែលនឹងត្រូវលេងក្នុងរាត្រីនេះ។
សូមបញ្ជាក់ថា ការប្រកួតវគ្គផ្តាច់ព្រ័ត្រនឹងត្រូវធ្វើឡើងនៅថ្ងៃទី១ ខែសីហាខាងមុខ នៅក្នុងស្តាតជាតិ Wembley ក្នុងទីក្រុងឡុងដ៍៕
ចែករំលែកព័តមាននេះ