សហរដ្ឋអាមេរិក-ចិន ៖ សេតវិមានអះអាងនាថៃ្ងទី១៦កក្កដាថា ប្រធានាធិបតីអាមេរិកលោកដូណាល់ត្រាំ ពុំបដិសេធឡើយការហាមឃាត់ សមាជិកបក្សកុំមុយនីស្តចិនចូលក្នុងដែនដីអាមេរិក។ តែទោះបីយ៉ាងណាសេតវិមាន បានបដិសេធមិនបញ្ជាក់ ថាតើ ការហាមឃាត់ជាយថាហេតុនោះកំពុងតែសិក្សាឬយ៉ាងណាឡើយ។…
សហរដ្ឋអាមេរិក-ចិន ៖ សេតវិមានអះអាងនាថៃ្ងទី១៦កក្កដាថា ប្រធានាធិបតីអាមេរិកលោកដូណាល់ត្រាំ ពុំបដិសេធឡើយការហាមឃាត់ សមាជិកបក្សកុំមុយនីស្តចិនចូលក្នុងដែនដីអាមេរិក។ តែទោះបីយ៉ាងណាសេតវិមាន បានបដិសេធមិនបញ្ជាក់ ថាតើ ការហាមឃាត់ជាយថាហេតុនោះកំពុងតែសិក្សាឬយ៉ាងណាឡើយ។
ក្នុងបរិយាកាសដែលកំពុងមានភាពតានតឹងខ្លាំងបំផុត រវាងចិននិងសហរដ្ឋអាមេរិកទាក់ទិន ជាពិសេសអនាគតក្រុងហុងកុង អ្នកនាំពាក្យសេតវិមានលោកKAYLEIGH MCENANYនិយាយថា លោកត្រាំមិនបដិសេធឡើយទាក់ទិននឹងប្រទេសចិន។
យោងតាមកាសែតញូវយ៉កថែមថា ចំណុចមួយក្នុងចំណោមចំណុច ដែលកំពុងសិក្សានៅសេតវិមាន គឹការហាមឃាត់ការចូលដែនដីអាមេរិក របស់បណ្ដាសមាជិកបក្សកុំមុយនីស្តចិន និងគ្រួសារពួកគេ។ តែកាសែតនោះបញ្ជាក់ថា វិធានការនោះដែលនៅមិនទាន់បង្ហើយនៅឡើយ ហើយអាចផាត់ចោលវិញដោយលោកត្រាំ នឹងជួបប្រទះនូវឧបសគ្គជាច្រើន។ កាសែតញូវយ៉កថែមបានលើកជាពិសេស ពីបញ្ហានៃការអនុវត្តដោយគូសបញ្ជាក់ថា បក្សកុំមុយនីស្តចិន មានសមាជិកដល់ទៅ ៩២លាននាក់ឯណោះ។
ចំណែករដ្ឋមន្ត្រីការបរទេសអាមេរិក លោកMIKE POMPEOគូសបញ្ជាក់ថា មានគំនិតជាច្រើនកំពុងតែសិក្សា។
ពេលសួរពីយថាភាពនោះអ្នកនាំពាក្យក្រសួងការបរទេសចិន លោកស្រីHUA CHUNYING ចាត់ទុកគំនិតនោះថា គ្រាន់តែធ្វើឲ្យមានការរំភើបចិត្តប៉ុណ្ណោះ។ លោកស្រីបន្តថា សហរដ្ឋអាមេរិកនឹងមិនធ្វើអ្វី ដែលនាំឲ្យប៉ះពាល់ដល់បណ្ដាបែបបទនៃទំនាក់ទំនងអន្តរជាតិឡើយ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ