ផ្សាយមិនពិតថាចាប់ជំរិត ស្ត្រីឈ្មោះ សូ ណារ៉ា ចូលសារភាពនៅព្រឹកនេះ(វីដេអូ)
រាជធានីភ្នំពេញ ៖ នៅព្រឹកថ្ងៃទី១៧ កក្កដា ២០២០នេះ ស្ត្រីឈ្មោះ សូ ណារ៉ា បានចូលខ្លួនមកសារភាព និងចេញវីដេអូសុំទោសជាសាធារណៈ…
រាជធានីភ្នំពេញ ៖ នៅព្រឹកថ្ងៃទី១៧ កក្កដា ២០២០នេះ ស្ត្រីឈ្មោះ សូ ណារ៉ា បានចូលខ្លួនមកសារភាព និងចេញវីដេអូសុំទោសជាសាធារណៈ…
រាជធានីភ្នំពេញ ៖ នៅព្រឹកថ្ងៃទី១៧ កក្កដា ២០២០នេះ ស្ត្រីឈ្មោះ សូ ណារ៉ា បានចូលខ្លួនមកសារភាព និងចេញវីដេអូសុំទោសជាសាធារណៈ ក្រោយពេលដែលខ្លួន ផ្សាយព័ត៌មានមិនពិត ដោយអះអាងថា មានករណីចាប់ជំរិតមួយ ប៉ុន្តែតាមការពិត គឺជាការចាប់ខ្លួនមនុស្សតាមដីការបស់តុលាការ ។
បើយោងតាមក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានចេញមកបកស្រាយ និងធ្វើការបដិសេធទាំងស្រុងចំពោះគណនីហ្វេសបុកមួយឈ្មោះថា Sovan Borith និង Khmer Shear ដែលបានចុះផ្សាយថា «ម្ចាស់ឡាន RX300 ត្រូវគេចាប់ជំរិត ផ្លាកលេខ 2AL-4977» ។
ក្រុមការងារព័ត៌មាន និងប្រតិកម្មរហ័ស បានធ្វើការសហការណ៍ជាមួយការរិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ បានធ្វើការស្វែងរក និងកោះហៅបុគ្គល ដែលបានប្រើប្រាស់គណនីហ្វេសបុកឈ្មោះ Sovan Borith ឡាយ និងផុសព័ត៌មានមិនពិតថា មានករណីចាប់ជំរិតមនុស្ស ។
បើតាមសមត្ថកិច្ច តាមពិតមិនមែនជាករណីចាប់ជំរិតឡើយ ជាការចាប់ខ្លួនមនុស្សតាមដីកាតុលាការ ហើយបុគ្គលដែលឡាយ និងផុសព័ត៌មានមិនពិតនោះ ក៏ស្ថិតនៅកន្លែងនោះផងដែរ តែបែរជាធ្វើជាមិនដឹង ហើយព្យាយាមឡាយឲ្យប្រជាពលរដ្ឋ និងមជ្ឈដ្ឋានទូទៅមានការយល់ប្រឡំ ជាពិសេសក្នុងគោលបំណង បង្កឲ្យមានការចលាចល និងអសន្តិសុខនៅក្នុងសង្គម ។
ដោយដឹងថា ព័ត៌មានដែលខ្លួនបានឡាយ និងផុស ជាព័ត៌មានមិនពិត បុគ្គលរូបនេះបានយល់ព្រមទទួលកំហុស ហើយចូលខ្លួនមកសារភាពកំហុសតាមការកោះហៅរបស់សមត្ថកិច្ច ដោយបានធ្វើកិច្ចសន្យា និងថតវីដេអូសុំទោសជាសាធារណៈ ដើម្បីសុំទោសសមត្ថកិច្ច ក៏ដូចជាប្រជាពលរដ្ឋផងដែរចំពោះទង្វើដែលសង្គមស្អប់ខ្ពើមនេះផងដែរ ។
សូមជម្រាបថា កាលពីថ្ងៃទី១៦ កក្កដា បន្ទាប់ពីទទួលបានព័ត៌មានថា មានករណីចាប់ជំរិតម្ចាស់រថយន្ត ម៉ាក LEXUS RX300 ពណ៌ស ពាក់ផ្លាកលេខភ្នំពេញ 2AL-4977 ម្ចាស់កម្មសិទ្ធឈ្មោះ ហួន ពុធធារី មានទីលំនៅផ្ទះលេខ 284 AE2Z ផ្លូវ 93 សង្កាត់បឹងរាំង ខណ្ឌដូនពេញ ត្រូវបានគេចាប់ជំរិតនោះ សមត្ថកិច្ចបានចុះទៅជួបសាម៉ីខ្លួន ដល់លំនៅដ្ឋាន និងរថយន្ត ហើយសាម៉ីខ្លួន បានបំភ្លឺថា គាត់ជាម្ចាស់រថយន្ត ហើយពុំត្រូវបានគេចាប់ជំរិត ដោយហ្វេសបុកខាងលើ ចុះផ្សាយឡើយ ហើយសាម៉ីខ្លួនដែលជាម្ចាស់រថយន្តបានបញ្ជាក់យ៉ាងច្បាស់ថា «ការចុះផ្សាយនេះជាព័ត៌មានមិនពិត» ៕
ចែករំលែកព័តមាននេះ