ក្រុមវេជ្ជបណ្ឌិត១០០នាក់ វះកាត់បំបែកកូនភ្លោះជាប់គ្នា ដោយជោគជ័យ នៅវៀតណាម
ហូជីមិញ ៖ ក្មេងស្រីភ្លោះ អាយុ១៣ខែ មានឈ្មោះ Truc Nhi (ឬស្សីតូច) និងម្នាក់ទៀត Dieu…
ហូជីមិញ ៖ ក្មេងស្រីភ្លោះ អាយុ១៣ខែ មានឈ្មោះ Truc Nhi (ឬស្សីតូច) និងម្នាក់ទៀត Dieu…
ហូជីមិញ ៖ ក្មេងស្រីភ្លោះ អាយុ១៣ខែ មានឈ្មោះ Truc Nhi (ឬស្សីតូច) និងម្នាក់ទៀត Dieu Nhi (វេទមន្តតូច) ដែលជាប់គ្នានៅត្រង់ត្រគាក ត្រូវបានក្រុមវេជ្ជបណ្ឌិតនៅប្រទេសវៀតណាម១០០នាក់ វះកាត់បំបែកពីគ្នា អស់រយៈពេល១២ម៉ោង ដោយជោគជ័យ នៅមន្ទីរពេទ្យកុមារ ក្នុងទីក្រុងហូជីមិញ ។
ក្នុងរយៈពេលបីខែទៀត ក្រុមគ្រូពេទ្យនឹងព្យាបាលទារក បំពង់រំលាយអាហារ និងបំពង់ទឹកនោម ក៏ដូចជាបិទអាងត្រគាកនីមួយៗ ។
ក្មេងស្រីទាំង២នាក់ ម្តាយសម្រាលដោយការវះកាត់ នៅអាយុ៣៣សប្តាហ៍ បន្ទាប់ពីគ្រូពេទ្យ ពិនិត្យឃើញថា ពួកគេបានជាប់គ្នានៅអាងឆ្អឹងត្រគាក ។ ពួកគេកង្វះអាហារូបត្ថម្ភ ហើយត្រូវការមើលថែរ យ៉ាងដិតដល់បន្ទាប់ពីកើតមក ។
នាយកមន្ទីរពេទ្យលោក Truong Quang Dinh បានមានប្រសាសន៍ថា នេះអាចចាត់ទុកថា ជាការវះកាត់ប្រកបដោយជោគជ័យ ហើយនេះគឺជាជំហានជោគជ័យដំបូង ។ យើងនឹងផ្តោតលើអ្វីគ្រប់យ៉ាង ដើម្បីធានាថា នេះគឺជាជោគជ័យដ៏អស្ចារ្យមួយ ។
បុគ្គលិកមន្ទីរពេទ្យ បាននិយាយថា កូនភ្លោះ ទម្ងន់ ៣៣ផោន មានសុខភាពល្អទេ បន្ទាប់ពីមិនទាន់វះកាត់ ។
ក្នុងចំណោមក្រុមវេជ្ជបណ្ឌិត១០០នាក់ មានវេជ្ជបណ្ឌិតចំនួន៩នាក់ គ្រោងធ្វើការវះកាត់បំបែកខ្លួន ចាប់តាំងពីកូនភ្លោះបានកើតនៅខែមិថុនា ឆ្នាំ២០១៩ មកម្ល៉េះ ។
សាស្ត្រាចារ្យ Tran Dong A អាយុ៧៩ឆ្នាំ បានមានប្រសាសន៍ថា “ឱកាសរបស់កុមារី គឺជាសះស្បើយពេញលេញ គឺពិតជាអរគុណចំពោះបច្ចេកទេស និងឧបករណ៍វះកាត់ទំនើបៗ” ។
ទោះជាយ៉ាងនេះក្តី ក្រុមវេជ្ជបណ្ឌិតបាននិយាយថា ក្មេងស្រីទាំង២ នឹងត្រូវការវះកាត់បន្ថែមទៀត ដើម្បីបញ្ចប់ការបំបែកខ្លួន រួមទាំងការវះកាត់កែសម្ផស្ស ផងដែរ ៕
ចែករំលែកព័តមាននេះ