Berbatov ហៅឥរិយាបថ Bale ថាជាការមិនគោរពបំផុតចំពោះក្លិប Real Madrid
អន្តរជាតិ ៖ អតីតខ្សែប្រយុទ្ធជម្រើសជាតិប៊ុលហ្គារី Dimitar Berbatov ផ្តល់ដំបូន្មានដល់ Gareth Bale ថាគួរតែដល់ពេលវេលាដើរចេញពីក្រុម Real…
អន្តរជាតិ ៖ អតីតខ្សែប្រយុទ្ធជម្រើសជាតិប៊ុលហ្គារី Dimitar Berbatov ផ្តល់ដំបូន្មានដល់ Gareth Bale ថាគួរតែដល់ពេលវេលាដើរចេញពីក្រុម Real…
អន្តរជាតិ ៖ អតីតខ្សែប្រយុទ្ធជម្រើសជាតិប៊ុលហ្គារី Dimitar Berbatov ផ្តល់ដំបូន្មានដល់ Gareth Bale ថាគួរតែដល់ពេលវេលាដើរចេញពីក្រុម Real Madrid ហើយ បន្ទាប់ពីខ្សែបម្រើស្លាបរូបនេះ បានបញ្ចេញឥរិយាបថខ្វះការគោរពចំពោះក្រុម អំឡុងពេល Real Madrid ឈ្នះក្រុម Alaves ២-០ កាលពីថ្ងៃសៅរ៍កន្លងទៅ ។
ខ្សែបម្រើស្លាបសញ្ជាតិវែលរូបនេះ បានធ្វើឱ្យអ្នកគាំទ្រ Real Madrid ខឹងសម្បារយ៉ាងខ្លាំង នៅពេលដែលគេបានបង្ហាញអាកប្បករិយាមិនត្រឹមត្រូវនៅកៅអីបម្រុង អំឡុងការប្រកួតកន្លងទៅ ដោយមានទាំងការធ្វើពុតដេកលក់ និងយកក្រដាសធ្វើជាកែវឆ្លុះថែមទៀតផង។
ក្រោយឃើញឥរិយាបថបែបនេះ Berbatov បានថ្លែងប្រាប់សារព័ត៌មាន Betfair ថា«ខ្ញុំសឹងតែមិនជឿ នៅពេលបានឃើញ។ ខ្ញុំមិនអាចគាំទ្រឥរិយាបថនេះទេ។ ព្រោះវាមិនមានជំនាញវិជ្ជាជីវៈ និងខ្វះការគោរពយ៉ាងខ្លាំងដល់ Real Madrid ។
អតីតសមាជិកក្រុម Spurs និង Man United វ័យ៣៩ឆ្នាំរូបនេះបានបន្ថែមទៀតថា « Madrid ចាំបាច់ត្រូវតែរកដំណោះស្រាយ ។ វាមិនល្អសម្រាប់ទាំង Bale និងទាំងក្រុម។ ហើយដំណោះស្រាយតែមួយគត់គឺ Bale ត្រូវតែចាកចេញពី Real Madrid។ ប្រសិនបើខ្ញុំជាអ្នកគាំទ្រ Real Madrid ហើយបានឃើញកីឡាករខ្លួនមិនគោរពក្រុមដូចនេះ ខ្ញុំច្បាស់ជាខឹងសម្បារយ៉ាងខ្លាំង»។
សូមរំលឹកថា Bale បានផ្លាស់ពីក្រុម Spurs មកចូលរួមជាមួយ Real Madrid កាលពីឆ្នាំ២០១៣ ដោយបានបង្ហាញខ្លួនចំនួន ២៥១ប្រកួតស៊ុតបញ្ចូលទី ១០៥គ្រាប់ និងឈ្នះពានរង្វាន់ជាច្រើនមានទាំង La Liga និង Champions League ផងដែរ។ ប៉ុន្តែកីឡាកររូបនេះ លែងក្លាយជាជម្រើស១១នាក់ដំបូងក្នុងក្រុម ចាប់តាំងពីការមកដល់របស់លោក Zinedine Zidane នៅខែមីនា ឆ្នាំ២០១៩កន្លងទៅ៕
ចែករំលែកព័តមាននេះ