នី មុនីនាថ នៅគ្រងតំណែងតារាសម្តែងលេចធ្លោដូចមុនទេ ក្រោយបាត់មុខមួយរយៈ
- ភ្នំពេញ
រាជធានីភ្នំពេញ ៖ ទស្សនិកជនទាំងក្នុង និងក្រៅប្រទេស ព្រមទាំងបណ្តាផលិតករជាច្រើន បានទទួលស្គាល់ថា តារាសម្តែង នី មុនីនាថ គឹជាតួឯកស្រីមួយដួង…
រាជធានីភ្នំពេញ ៖ ទស្សនិកជនទាំងក្នុង និងក្រៅប្រទេស ព្រមទាំងបណ្តាផលិតករជាច្រើន បានទទួលស្គាល់ថា តារាសម្តែង នី មុនីនាថ គឹជាតួឯកស្រីមួយដួង…
រាជធានីភ្នំពេញ ៖ ទស្សនិកជនទាំងក្នុង និងក្រៅប្រទេស ព្រមទាំងបណ្តាផលិតករជាច្រើន បានទទួលស្គាល់ថា តារាសម្តែង នី មុនីនាថ គឹជាតួឯកស្រីមួយដួង ដែលមានទេពកោសល្យពេញដៃ ។ នាងស្រូបចិត្តអ្នកទស្សនាបានច្រើនណាស់កាលពីប៉ុន្នានឆ្នាំមុន ជាពិសេស ឈុតរបៀបមនោសញ្ចេតនា គឺសមជាមួយទឹកមុខ។ ប៉ុន្តែនាងស្រាប់តែបាត់មុខខ្លះៗពីតួនាទី ទោះជានាងមិនទាន់ប្រកាសលាឈប់នៅឡើយ។
ច្រើនខែមកហើយ ដែលតារាសម្តែងពូកែចូលតួយំយែក នី មុនីនាថ ហាក់នៅឆ្ងាយពីឱកាសសម្តែង និងថតចម្រៀង។ នាងហាក់ស្ងប់ស្ងាត់ជាងមុន ដែលពីមុននាងរវល់រើខ្លួនលែងចង់រួចតែម្តង។
មានការលើកឡើងថា ប្រសិនបើតារាទឹកភ្នែករូបនេះជះពេលវេលាអោយរំលងទៅឈឹង តែ១ឆ្នាំទៀតនោះ នាងច្បាស់ជាចុះខ្សោយស្រឺតៗពិបាកវ៉ាគេវិញណាស់។ បើយោងតាមការមើលឃើញតារាដែលធ្លាប់ល្បី តែទម្លាក់ការងារចោលរត់ទៅធ្វើអ្វីផ្សេងវិញនោះច្បាស់ជាត្រឡប់មកវិញពិបាកស្តារឈ្មោះណាស់ ។
បើដូចនេះ មុនីនាថ ដែលខំលះបង់ពេលវេលាតស៊ូជាមួយសិល្បៈជាច្រើនឆ្នាំកាលពីពេលមុនអាចពិចារណាឡើងវិញពីចំណុចនេះ។ បើក្រឡេកមើលតារាមួយចំនួន ដែលធ្លាប់ទុំលើភាពល្បីល្បាញ ហើយស្រាប់តែងាកទៅធ្វើការងារអ្វីផ្សេងឆ្ងាយៗពីសិល្បៈ លុះពេលដែលវិលវិញ ពិបាកស្តារ។ ម្ល៉ោះហើយតារាខ្លះដែលរវល់បែបណា ក៏មិនហ៊ានចោលអាជីពសិល្បៈឡើយ គឺអើតឡើយៗ។ បើមិនដូចនេះទេ ដូចបោះដុំលុយចោលមិនខាន ក្នុងពេលបច្ចុប្បន្នតារារលកក្រោយកំពុងហក់មកប្រជែង មានទេពកោសល្យ និងភាពក្លាហ៊ានខ្លាំងណាស់។
ចំពោះ នី មុនីនាថ តាំងពីប៉ះទង្គិចរឿងស្នេហាមិនសមប្រកបមកឃើញថា បាត់មុខ៨០% ពីសិល្បៈ គឺសេសសល់តិចតួចប៉ុណ្ណោះ។ នាងចេញមុខតែកម្មវិធីនិយាយពីសម្រស់ស្ត្រីនា ទូរទស្សន៍ប៉ុស្តិ៍លេខ៥។ ចំណែកមូលហេតុ គឺដោយសារតែនាងមានផលិតផលសម្រស់ លក់តាមអនឡាញ។ ប៉ុន្តែការស្ងាត់ពីសិល្បៈ ក៏ឃើញនាងទិញផ្ទះវីឡាតម្លៃ៣០ម៉ឺនដុល្លារ នៅបុរីជីបម៉ុង ។ ក្រោយមកមួយរយៈនេះ ឃើញនាងវិលមកថតកុន និងចម្រៀងខារ៉ាអូខេឡើងវិញ អាចមកពីគិតថា បាត់យូរពេក ទីផ្សាររត់អស់ក៏ថាបាន។
គួររំលឹកថា អតីតនាថការិនី ផ្នែករបាំ មុខស្រទន់ ហើយធ្វើអោយមហាជនស្គាល់តាមរយៈរឿង «ផ្កាក្នុងផ្កា» នី មុនីនាថ ធ្លាប់ផ្តាច់ពាក្យជាមួយបុរសគូដណ្តឹងរស់នៅអាមេរិកកាលពីច្រើនឆ្នាំមុន។ ចំណងស្នេហ៍ដាច់ដោចនោះផ្ទុះទៅដោយជម្លោះប្តឹងផ្តល់គ្នា ហើយម្ខាងៗមានហេតុផលរៀងខ្លួន។
តាំងពីមានរឿងនោះមក នាងក៏ហាក់រំកិលខ្លួនចេញពីសិល្បៈ ហើយមិនអើពើលើជីវិតស្នេហាជាមួយអ្នកណានាំរំខានចិត្តដូចពីមុន ទុកអោយអាយុកាន់តែច្រើន។ ទើបតែមួយរយៈនេះឭថា តារាតូចច្រឡឹងម្នាក់នេះ ចំណាយពេលវេលាមកថតភាពយន្ត និងចម្រៀងខារ៉ាអូខេឡើងវិញ មិនចង់ទុកចោលខ្លាចបាត់តំណែងល្បីឈ្មោះ។ ការសម្រេចចិត្តថតសម្តែងឡើងវិញគេ ក៏រំពឹងថា មានការគាំទ្រម្តងទៀត យោងលើទេពកោសល្យសម្តែង ដែលនាងមានពេញខ្លួន។ (កែសម្រួលដោយ ៖ បុប្ផា)
ចែករំលែកព័តមាននេះ