កុមាររលាកទឹកក្តៅបានទទួលអំណោយតាមរយៈកោះសន្តិភាព
ខេត្តកំពង់ស្ពឺ ៖ បន្ទាប់ពីមានការចេញផ្សាយរបស់កោះសន្តិភាព រៀបរាប់ពីកុមាររលាកទឹកក្តៅរហូតធ្លាក់ខ្លួនពិការ ពេលនេះមានសប្បុរសជនជាច្រើនបានចូលរួមចំណែកផ្តល់អំណោយជាប្រាក់
ខេត្តកំពង់ស្ពឺ ៖ បន្ទាប់ពីមានការចេញផ្សាយរបស់កោះសន្តិភាព រៀបរាប់ពីកុមាររលាកទឹកក្តៅរហូតធ្លាក់ខ្លួនពិការ ពេលនេះមានសប្បុរសជនជាច្រើនបានចូលរួមចំណែកផ្តល់អំណោយជាប្រាក់
ខេត្តកំពង់ស្ពឺ ៖ បន្ទាប់ពីមានការចេញផ្សាយរបស់កោះសន្តិភាព រៀបរាប់ពីកុមាររលាកទឹកក្តៅរហូតធ្លាក់ខ្លួនពិការ ពេលនេះមានសប្បុរសជនជាច្រើនបានចូលរួមចំណែកផ្តល់អំណោយជាប្រាក់ និងសម្ភារមួយចំនួន តាមរយៈកោះសន្តិភាព ។
ពិធីផ្តល់អំណោយបានធ្វើឡើងកាលពីព្រឹកថ្ងៃទី៧ មករា នៅផ្ទះកុមាររងគ្រោះ រុន ចំរើន ស្ថិតនៅភូមិព្រៃកាមួច ឃុំស្នំក្រពើ ស្រុកគងពិសី ដែលអំណោយតាមរយៈកោះសន្តិភាពនេះ រួមមាន ៖
១-លោក ប៊ុន សម្បត្តិ នាយផ្នែករដ្ឋបាលព្រៃឈើស្តីទីស្រុកបរសេដ្ឋ ១០ម៉ឺនរៀល
២-លោក ញ៉ែម សៅ ស្នងការរងនគរបាលខេត្ត ១០ម៉ឺនរៀល
៣-លោក ស៊ីម រតនៈ ប្រធានមន្ទីរការងារខេត្ត ១០ម៉ឺនរៀល
៤-លោកអនុសេនីយ៍ឯក ពីង ពៅ អធិការរងនគរបាលស្រុកឧដុង្គ ៥ម៉ឺនរៀល
៥-លោក ចឹក បូរិន្ទ អនុប្រធានមន្ទីរការងារខេត្ត ៤ម៉ឺនរៀល
៦-លោកអនុសេនីយ៍ឯក វិន ឡេងហួង មេបញ្ជាការកងរាជអាវុធហត្ថស្រុកសំរោងទង ៥ម៉ឺនរៀល
៧-លោក ទ្រី វណ្ឌី ប្រធានរតនាគារខេត្ត ៥ម៉ឺននរៀល
៨-លោក ហ៊ុន ប៊ុនរ៉ា ជំនួយការលោកអភិបាលខេត្ត ៦ម៉ឺនរៀល
៩-លោក ស្មៀន សារ៉េត នាយសង្កាត់រដ្ឋបាលព្រៃឈើត្រពាំងជោរ ៥ម៉ឺនរៀល
១០-លោក អុល កូស៊ីណា នាយសង្កាត់រដ្ឋបាលព្រៃឈើសំរោងទង ៥ម៉ឺនរៀល
១១-លោក ឈុន ពូន នគរបាលសេដ្ឋកិច្ចក្រសួង ២ម៉ឺនរៀល
១២-លោក វង្ស សន និងភរិយា ឧបត្ថម្ភទឹកដោះគោឆៅ៤យួរ ទឹកក្រូច៤យួរ នំហាណាមីចំនួន២ថង់ធំ នំបុ័ង១០ដើម និងប្រាក់៦ម៉ឺនរៀល
១៣-កញ្ញា គឹម សុភក្តិ រួមទាំងក្រុមគ្រួសារ និងមិត្តភក្តិ ឧបត្ថម្ភមី៣កេស ទឹកផ្លែឈើ១កេស ត្រីខ២យួរ ទឹកដោះគោឆៅ១យួរ សម្លៀកបំពាក់៣ថង់ ប្រាក់៣៥ដុល្លារ និង១១ម៉ឺនរៀល
១៤-អ្នករស់នៅអូស្ត្រាលី ១២ម៉ឺនរៀល
១៥-អ្នកនាង សិទ្ធិ សុរិយា ៤ម៉ឺនរៀល
១៦-កញ្ញា ស្រី ពៅ ៤ម៉ឺនរៀល ។
អ្នកស្រី សែម សុខគង់ ម្តាយកុមារ រុន ចំរើន បានថ្លែងអំណរគុណសប្បុរសជនទាំងអស់ដែលបានឧបត្ថម្ភទឹកប្រាក់ផ្ទាល់ខ្លួនដល់ក្រុមគ្រួសាររបស់គាត់ និងកូនប្រុស ។ គាត់ចង់ឱ្យកូនប្រុសម្នាក់នេះមានកាយសម្បទា ដូចក្មេងដទៃដែរ តែធ្វើម៉េចបើជួបរឿងអកុសលបែបនេះទៅហើយ ។ អ្នកស្រីសូមសំណូមពរដល់គ្រូពេទ្យ អង្គការ សមាគមនានា សូមមេត្តាជួយធ្វើយ៉ាងណា ឱ្យកូនប្រុសរបស់គាត់បានវះកាត់ផង ។
លោក ឆឹង ផាន់ មេភូមិព្រៃកាមួច បានឱ្យដឹងដែរថា ក្រុមគ្រួសារនេះមានជីវភាពលំបាកខ្លាំងណាស់ ណាមួយម្តាយជាស្ត្រីមេម៉ាយ មានកូនរហូតដល់៦នាក់ ។ ក្នុងនាមលោកជាមេភូមិ សូមថ្លែងអំណរគុណយ៉ាងជ្រាលជ្រៅចំពោះសប្បុរសជនទាំងអស់ដែលបានជួយដល់គ្រួសារអភ័ព្វមួយនេះ ៕
ចែករំលែកព័តមាននេះ