សំណុំរឿងលាងលុយកខ្វក់4លានដុល្លារ
- ភ្នំពេញ
រាជធានីភ្នំពេញ ៖ ចៅក្រមជំនុំជម្រះសាលាដំបូងរាជធានីភ្នំពេញ លោកស្រី ស៊ លីនណា នារសៀលថ្ងៃទី១៣ ខែកក្កដា ឆ្នាំ២០២០ បានប្រកាសសាលក្រមសម្រេចផ្តន្ទា…
រាជធានីភ្នំពេញ ៖ ចៅក្រមជំនុំជម្រះសាលាដំបូងរាជធានីភ្នំពេញ លោកស្រី ស៊ លីនណា នារសៀលថ្ងៃទី១៣ ខែកក្កដា ឆ្នាំ២០២០ បានប្រកាសសាលក្រមសម្រេចផ្តន្ទា…
រាជធានីភ្នំពេញ ៖ ចៅក្រមជំនុំជម្រះសាលាដំបូងរាជធានីភ្នំពេញ លោកស្រី ស៊ លីនណា នារសៀលថ្ងៃទី១៣ ខែកក្កដា ឆ្នាំ២០២០ បានប្រកាសសាលក្រមសម្រេចផ្តន្ទា ទោសជនជាប់ចោទជាជនជាតិចិន២ក្រុម មានប្រុស និងស្រីចំនួន៧នាក់ ដោយជាប់ពាក់ព័ន្ធពីបទសម្អាតប្រាក់ ករណីនាំលុយសុទ្ធប្រមាណជាង៤លានដុល្លារអាមេរិក ចូលមកប្រទេសកម្ពុជា ។
ក្រុមទី១ មានជនជាប់ចោទ៣នាក់៖
១-ឈ្មោះ ZHANG JIAN ភេទប្រុស អាយុ៣៦ឆ្នាំ ។
២-ឈ្មោះ WANG SHIe PINA ភេទប្រុស អាយុ៣២ឆ្នាំ ។
៣-ឈ្មោះ WANG LI CHAO ភេទប្រុស អាយុ២៨ឆ្នាំ ដោយសាលក្រមបានផ្តន្ទាទោសជនជាប់ចោទទាំង៣នាក់ ដាក់ពន្ធនាគារក្នុងម្នាក់ៗចំនួន២ឆ្នាំ នឹងពិន័យជាប្រាក់បង់ចូលថវិការដ្ឋម្នាក់៦០លានរៀល ។ សាលក្រមតម្រូវរឹបអូសលុយចំនួន៣.៥២០.០០០ (បីលានប្រាំសែនពីរម៉ឺនដុល្លារអាមេរិក) ទុកជាសម្បត្តិរដ្ឋ ក្រោមការចោទប្រកាន់ពីបទសម្អាតប្រាក់ ប្រព្រឹត្តនៅចំណុចអាកាសយានដ្ឋានអន្តរជាតិភ្នំពេញ កាលពីថ្ងៃទី២៣ ខែមេសា ឆ្នាំ២០១៩ ។
ក្រុមទី២ លោកស្រី ស៊ លីនណា ចៅក្រមជំនុំជម្រះដដែល បានប្រកាសសាលក្រមលើសំណុំរឿងជនជាតិចិនមួយក្រុមទៀត ពាក់ព័ន្ធពីបទសម្អាតប្រាក់ដូចគ្នា មានជនជាប់ចោទប្រុសស្រីចំនួន៤នាក់ សម្រេចផ្តន្ទាទោសរួមមាន៖
១-ឈ្មោះ Yang Yong Wei ភេទប្រុសអាយុ២៦ឆ្នាំ ។
២-ឈ្មោះ Huang Can Ming ភេទប្រុស អាយុ២៦ឆ្នាំ ។
៣-ឈ្មោះ Li Zheng Zheng ភេទប្រុស អាយុ២៦ឆ្នាំ ។
៤-ឈ្មោះ អ៊ូ លីង ភេទស្រី (ម្នាក់នេះនៅក្រៅឃុំ តែមានដីការចាប់ខ្លួន) ដាក់ពន្ធនាគារក្នុងម្នាក់ៗ ចំនួន២ឆ្នាំ ពិន័យជាប្រាក់ចូលថវិការដ្ឋម្នាក់ៗចំនួន៤០លានរៀល និងរឹបអូសលុយចំនួន៩០០.០០០ (ប្រាំបួនសែន)ដុល្លារអាមេរិកដាក់ចូលជាសម្បត្តិរដ្ឋ ក្រោមការចោទប្រកាន់ពីបទសម្អាតប្រាក់ ប្រព្រឹត្តនៅចំណុចអាកាសយានដ្ឋានអន្តរជាតិភ្នំពេញ កាលពីថ្ងៃទី៩ ខែមករា ឆ្នាំ២០១៩ ។សាលក្រមបានបើកផ្លូវទុកសិទ្ធិឲ្យប្តឹងឧទ្ធរណ៍តាមកំណត់ច្បាប់ ៕
ចែករំលែកព័តមាននេះ