កូវីដ-១៩ ៖ ចំនួនអ្នកឆ្លងមេរោគកូវីដ-១៩ ចំនួន១៦៥បានឆ្ងងកូវីដ-១៩ ដោយក្នុងនោះមានបុរសចំនួន១២៥នាក់ ខណៈស្ត្រីមានចំនួនតែ៤០នាក់ប៉ុណ្ណោះ។ តើហេតុអ្វីបានជាកម្ពុជាមានបុរសចំនួនច្រើនជាងស្ត្រី ដល់ទៅជាងបីដង ដែលឆ្លងកូវីដ-១៩ដូច្នេះ? ខណៈដែលកម្ពុជាមិនមានការស្រាវជ្រាវជាផ្លូវការទៅលើរឿងនេះនោះ…
កូវីដ-១៩ ៖ ចំនួនអ្នកឆ្លងមេរោគកូវីដ-១៩ ចំនួន១៦៥បានឆ្ងងកូវីដ-១៩ ដោយក្នុងនោះមានបុរសចំនួន១២៥នាក់ ខណៈស្ត្រីមានចំនួនតែ៤០នាក់ប៉ុណ្ណោះ។ តើហេតុអ្វីបានជាកម្ពុជាមានបុរសចំនួនច្រើនជាងស្ត្រី ដល់ទៅជាងបីដង ដែលឆ្លងកូវីដ-១៩ដូច្នេះ? ខណៈដែលកម្ពុជាមិនមានការស្រាវជ្រាវជាផ្លូវការទៅលើរឿងនេះនោះ គេអាចយល់បាន តាមរយៈការពិនិត្យមើលពីរបៀបនៃមេរោគកូវីដ-១៩ បានចម្លងពីមនុស្សម្នាក់ទៅម្នាក់ទៀត និងពីរបៀបរស់នៅរបស់បុរស និងស្ត្រី។
កន្លងមកគេដឹងថាមេរោគនេះបានចម្លងច្រើន ជាពិសេសនៅកន្លែងដែលមាន មនុស្សប្រមូលផ្តុំច្រើន និងការធ្វើដំណើរប្រមូលផ្តុំ។ ដូច្នេះនៅពេលមនុស្សដើរលេងច្រើន ឬធ្វើដំណើរច្រើនដោយ ប្រឈមនឹងការស្ថិតនៅក្នុងចំណោមហ្វូងមនុស្សនោះ គេនឹងបង្កើនហានិភ័យនៃការឆ្លងមេរោគកូវីដ-១៩នេះ។ នៅប្រទេសកម្ពុជាយើង គេសង្កេតឃើញថាបុរសដើរលេងក្រៅផ្ទះច្រើនជាងស្ត្រី ហើយក៏ធ្វើដំណើរច្រើន ជាងស្ត្រីផងដែរ។ កត្តាទាំងពីរនេះបូកបញ្ចូលគ្នាអាចជាមូលហេតុដែលធ្វើឲ្យបុរសងាយឆ្លងកូវីដ-១៩ជាងស្ត្រី។
ទន្ទឹមពេលជាមួយគ្នានោះ កូវីដ-១៩ក៏បានសម្លាប់បុរសច្រើនជាងស្ត្រីផងដែរនៅក្នុងពិភពលោកនេះ។ ការសិក្សាស្រាវជ្រាវជាច្រើនបានបង្ហាញថា កូវីដ-១៩ វាយលុកទៅលើបុរសធ្ងន់ជាងស្ត្រី។ ហេតុផលមួយនោះគឺ ស្ត្រីមានប្រព័ន្ធភាពស៊ាំខ្លាំងជាងបុរស។ ការសិក្សាស្រាវជ្រាវក៏រកឃើញដែរថា បុរសមានឥរិយាបទប្រឈមនឹង ហានិភ័យច្រើនជាងស្ត្រីផងដែរ ដូចជាការមិនសូវយកចិត្តទុកដាក់ចំពោះគម្លាតសង្គមជាដើម ហើយពួកគេ ក៏មិនសូវខ្វល់នឹងរោគសញ្ញាដែរ៕ ដោយ ៖ អ. សួស្តី
ចែករំលែកព័តមាននេះ