រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា ស្វែងរកអ្នកផ្តល់យុត្តិធម៌ចំពោះសម្តេចចំពោះការបាត់បង់ប្អូនម្នាក់ និងប្អូនថ្លៃម្នាក់ បន្ទាប់ពីមានការបាញ់ប្រហារនៅកណ្តាលក្រុងភ្នំពេញឆ្នាំ៩៦ ។…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា ស្វែងរកអ្នកផ្តល់យុត្តិធម៌ចំពោះសម្តេចចំពោះការបាត់បង់ប្អូនម្នាក់ និងប្អូនថ្លៃម្នាក់ បន្ទាប់ពីមានការបាញ់ប្រហារនៅកណ្តាលក្រុងភ្នំពេញឆ្នាំ៩៦ ។
ថ្លែងក្នុងពិធីទស្សនកិច្ចនៅមជ្ឈមណ្ឌលស្រាវជ្រាវ និងអភិវឌ្ឍន៍ពូជត្រី ក៏ដូចជា សំណេះសំណាលជាមួយប្រជាកសិករនៅស្រុកពាមរក៍ ខេត្តព្រៃវែង នាព្រឹកថ្ងៃទី១៤ ខែកក្កដា ឆ្នាំ២០២០ សម្តេចតេជោបានបញ្ជាក់ថា បើអ្នកណាចង់ទៅដាក់គ្រាប់មីន ឬគ្រាប់បែកដាក់មុនទៅ ! កុំឲ្យពិបាកពេក ព្រោះថ្ងៃទី២១ ខាងមុខនេះខ្ញុំទៅស្រុកព្រៃកប្បាយ ខេត្តតាកែវហើយ ។ បើថា ទុកនៅអាមួយនឹង អញកាន់អំណាចមិនបាននោះ ។ អីិញ្ចឹងទាល់តែដាក់មីនកម្ចាត់វាចោល ។ ដូចជានៅឆ្នាំ១៩៩៨ អីញ្ចឹងគេបាញ់បេ៤៤ ចំនួន៤គ្រាប់ តែសំណាងវាផ្ទុះតែមួយគ្រាប់ មកត្រូវឡានខ្ញុំ កុំអីរកឆ្អឹងមិនឃើញផង» ។
ជាមួយគ្នានោះដែរ សម្តេចក៏បានក្នុងការស្វែងរកយុត្តិធម៌ ចំពោះទង្វើចំពោះការបាញ់ប្រហារយ៉ាងដូច្នេះថា ៖«អ្នកណាបានស្វែងរកយុត្តិធម៌សម្រាប់ខ្ញុំ នៅពេលគេបាញ់ប្អូនខ្ញុំស្លាប់ម្នាក់ ប្អូនថ្លៃម្នាក់ស្លាប់ នៅកណ្តាលក្រុងភ្នំពេញឆ្នាំ១៩៩៦ ហើយឆ្នាំ៩៨ គេបាញ់ខ្ញុំ៤គ្រាប់បេ ប៉ុន្តែផ្ទុះ១គ្រាប់ស្លាប់ប្រជាពលរដ្ឋម្នាក់ កូនក្មេងម្នាក់ និងរបួសម្នាក់ តើអ្នកណាខ្វល់ខ្វាយរកយុត្តិធម៌ឲ្យខ្ញុំ ឬអាងថា ជីវីតនាយករដ្ឋមន្ត្រីមិនមានតម្លៃបានជាមិនរកយុត្តិធម៌? ។ តែខ្ញុំមិនតាមចងកម្មចងពៀរទេ តែគ្រាន់តែខ្ញុំចង់ប្រាប់ថា ខ្ញុំនឹងទៅព្រៃកប្បាយ នៅថ្ងៃទី២១ ខែកក្កដានេះ»៕
ចែករំលែកព័តមាននេះ