ក្រាស់នរណាខ្លះ ? បុរសសង្ហា កូនប្រុស ដេវីដ ប៊ែកខាំ ភ្ជាប់ពាក្យជាមួយតារាសម្តែងស្រីមួយដួង
អង់គ្លេស ៖ បុរសសង្ហា ដែលជាតារាសម្តែងវ័យក្មេងមួយដួង លោក Brooklyn Beckham ជាកូនប្រុសរបស់តារាបាល់ទាត់ David Beckham…
អង់គ្លេស ៖ បុរសសង្ហា ដែលជាតារាសម្តែងវ័យក្មេងមួយដួង លោក Brooklyn Beckham ជាកូនប្រុសរបស់តារាបាល់ទាត់ David Beckham បានភ្ជាប់ពាក្យជាមួយតារាសម្តែង Nicola Peltz នាំឲ្យស្រីស្អាតជាច្រើនដែលបានលួចបេត្តី បុរសសង្ហានេះហាក់ខូចចិត្ត ខណៈអ្នកគាំទ្រតារាសម្តែងទាំងពីរក៏បានចូលរួមអបអរសាទរដល់អ្នកទាំងពីរ ។
ប្រាកដណាស់ កីឡាករបាល់ទាត់អង់គ្លេសដ៏ទាត់ឆ្នើមដែលបានចូលនិវត្តន៍ពីសមរភូមិវាលស្មៅលោក David Beckham នឹងក្លាយជាឪពុកក្មេកឆាប់ៗនេះ បន្ទាប់ពីកូនប្រុសរបស់គាត់បានប្រកាសភ្ជាប់ពាក្យជាមួយតារាសម្តែងនាង Nicola Peltz ។
លោក Brooklyn Beckham អាយុ ២១ ឆ្នាំបានសរសេរនៅលើបណ្តាញសង្គម Instagram កាលពីថ្ងៃសៅរ៍ (ថ្ងៃទី ១១ ខែកក្កដា) ថា «ពីរសប្តាហ៍មុនខ្ញុំបានស្នើសុំមិត្តរួមជីវិតរបស់ខ្ញុំរៀបការជាមួយខ្ញុំ ហើយនាងបាននិយាយថា យល់ព្រម » ។ លោក Brooklyn Beckham ដែលជាតារាម៉ូដែលផង តារាសម្តែងផងនោះ បានសរសេរសារបន្តទៀតថា «ខ្ញុំជាបុរសដែលមានសំណាងជាងគេនៅលើពិភពលោក» ។
ចំណែកនាង Peltz អាយុ ២៥ ឆ្នាំ ក៏បានចែករំលែករូបថតដូចគ្នានៅលើបណ្តាញសង្គម Instagram របស់នាងដោយសរសេរថា «អ្នកបានធ្វើអោយខ្ញុំក្លាយជាក្មេងស្រីដែលមានសំណាងបំផុតនៅលើពិភពលោក ។ សេចក្តីស្រឡាញ់របស់អ្នក គឺជាអំណោយដ៏មានតម្លៃបំផុត ។ ខ្ញុំស្រឡាញ់អ្នកខ្លាំងណាស់បងសម្លាញ់» ។
Brooklyn is the eldest son of Beckham, 45, and his fashion designer wife Victoria, 46.គូស្នេហ៍ដែលត្រូវបានគេរាយការណ៍ថា បានចាប់ផ្តើមមានទំនាក់ទំនងស្នេហាជាមួយគ្នានៅចុងឆ្នាំ ២០១៩ ក៏បានបង្ហាញពីក្តីស្រឡាញ់របស់ពួកគេនៅលើការបង្ហោះលើ Instagram របស់គ្នាទៅវិញទៅមក ។
លោក Brooklyn គឺជាកូនប្រុសច្បងរបស់ Beckham អាយុ ៤៥ ឆ្នាំ និងភរិយាអ្នកច្នៃម៉ូដ Victoria មានអាយុ ៤៦ ឆ្នាំ ។
មុនមានចំណងស្នេហ៍រហូតប្រកាស់ភ្ជាប់ពាក្យជាមួយមិត្តស្រីរូបនេះ លោក Brooklyn កាលពីមុនគាត់បានណាត់ជួបតារាល្បីៗ ជាច្រើនរួមមានតារាសម្តែង Chloe Grace Moretz តារាម៉ូដែល Sonia Ben Ammar តារាចម្រៀង Madison Beer និងតារាម៉ូដែល Phoebe Torrance ។ Peltz ត្រូវបានគេស្គាល់ថា ជាតួនាង Tessa Yeager ក្នុងរឿង Transformers: Age of Extinction (២០១៤) របស់អ្នកដឹកនាំរឿង Michael Bay ៕
ចែករំលែកព័តមាននេះ