រាជធានីភ្នំពេញ ៖ សេចក្តីរាយការបឋមឲ្យដឹងថា នៅព្រឹកថ្ងៃទី១៣ ខែកក្កដា ឆ្នាំ២០២០កម្លាំងសមត្តកិច្ចការិយាល័យប្រឆាំងការជួញដូរមនុស្ស និងការពារអនីតិជន នៃកងរាជអាវុធហត្ថរាជធានីភ្នំពេញ បានធ្វើការឃាត់ខ្លួនបុរសម្នាក់ដែលគេស្គាល់ថា ជាថៅកែហាងគុយទាវអង្គរជុំសាខាបឹងសាឡាង…
រាជធានីភ្នំពេញ ៖ សេចក្តីរាយការបឋមឲ្យដឹងថា នៅព្រឹកថ្ងៃទី១៣ ខែកក្កដា ឆ្នាំ២០២០កម្លាំងសមត្តកិច្ចការិយាល័យប្រឆាំងការជួញដូរមនុស្ស និងការពារអនីតិជន នៃកងរាជអាវុធហត្ថរាជធានីភ្នំពេញ បានធ្វើការឃាត់ខ្លួនបុរសម្នាក់ដែលគេស្គាល់ថា ជាថៅកែហាងគុយទាវអង្គរជុំសាខាបឹងសាឡាង ។
ការឃាត់ខ្លួននេះ បន្ទាប់ពីនារីស្រស់ស្អាតម្នាក់ កើតទុកមិនសុខចិត្ត ស្រែកយំប្រាប់អ្នកសារព័ត៌មាន និងប្ដឹងសមត្ថកិច្ចប៉ុស្តិ៍បឹងសាឡាង ក្រោយពីម្ចាស់ហាងគុយទាវអង្គរជុំ ប្រើហិង្សាវាយលើរូបរាងកាយនាង នៅលើរថយន្តមួយគ្រឿងរបស់ជនបង្ក កាលពីយប់ថ្ងៃទី០៧ ឈានចូលថ្ងៃទី០៨ ខែកក្កដា ឆ្នាំ២០២០ ។
ទោះជាយ៉ាងណា ស្ត្រីរងគ្រោះ និងបុរសជាថៅកែហាងគុយទាវអង្គរជុំ សមត្ថកិច្ចនៅមិនបង្ហើបឲ្យស្គាល់ពីអត្តសញ្ញាណនៅឡើយទេ ។ ខណៈថៅកែហាងអង្គរជុំរូបនោះ ត្រូវសមត្ថកិច្ចកំពុងធ្វើការសាកសួរ ចំណែកស្ត្រីដែលជាជនរងគ្រោះកំពុងសម្រាកព្យាបាលនៅមន្ទីរពេទ្យ និងបានអំពាវនាវឲ្យសមត្តកិច្ចជួយចាត់ការ ករណីថៅកែហាងគុយទាវអង្គរជុំប្រើអំពើហិង្សាលើគាត់ផង ។
បើតាមប្រភពច្បាស់ការណ៍ បានបង្ហើបអោយដឹងថា ការប្រើអំពើហិង្សាខាងលើនេះ ដោយសារជនដៃដល់ បបួលស្ត្រីរងគ្រោះទៅដេក ប៉ុន្តែនាងមិនព្រម ។
ព័ត៌មានលម្អិតនឹងផ្សាយជូនជាបន្តបន្ទាប់ ។
ចែករំលែកព័តមាននេះ