ខេត្តស្ទឹងត្រែង៖ ព្រៃឈើនៅតំបន់សៀមប៉ាង ប៉ែកខាងស្រែសំបូរ ជាប់និងឃុំព្រែក មាស ស្រុកសៀមប៉ាង និងតំបន់ក្បែនោះជាប្រភេទឈើឈ្លិក និងឈើផ្សេងទៀត(ឈើលេខ១ )ត្រូវបានដឹកឆ្លងកាត់បារ៉ាស់ចូលទៅក្នុងក្រុមហ៊ុនសៀម៉ុនក្នុងតំបន់លេខ១ ហើយបន្តឡើងរថយន្ត ដោយមានច្បាប់ប៉េសេ ។
ក្រុមហ៊ុនសៀ ម៉ុន ទទួលសិទ្ធិស្តានិងដាំដើមឈើឡើងវិញ អោយតំបន់នោះក្លាយតំបន់បៃតង តែក្រុមហ៊ុនចាប់តាំងពីការទទួលបានអាជ្ញាប័ណ២០១៧ មិនបានធ្វើការដាំដុះ ទៅតាមផែនការក្នុងកិច្ចសន្យានោះទេ បែរជាសម្រុកកាប់តែឈើ ហើយទៅដាំឪឡឹកនិងក្រូចវល្លិទៅវិញ។
ថ្មីៗនេះ បន្ទាប់ពីបរាជ័យលើអាមុខរបរជីវកម្មរបស់ខ្លួនច្រើនលើកច្រើនសារ ក្រុមហ៊ុនសៀម៉ុន បានចុះកិច្ចសន្យាមួយដោយផ្តល់សិទ្ធិបន្តទៅអោយក្រុមហ៊ុនអង្គហ្លាយវ៉ូដអោយធ្វើការងារបន្តលើការស្តានិងដាំដើមឈើឡើងវិញដោយមានការគ្រប់គ្រងពីលោកឧកញ៉ា ជា ពៅ តែលោកឧកញ៉ារូបនេះ បានផ្តល់សិទ្ធិបន្តទៅអោយឈ្មោះ យឹមស្នា ។
បច្ចុប្បន្ននេះ លោក យឹមស្នា កំពុងកែនកម្មករមកពីស្រុកសំបូរ ខេត្តក្រចេះរាប់សិបនាក់ ចុះកាប់ឈើ នៅក្នុងតំបន់បរិវេណក្រុមហ៊ុនខ្លះនិងខ្លះទៀតក្រៅបរិវេណក្រុមហ៊ុនយកមកដាក់រោងចក្រដើម្បីដឹកចេញបន្ត ហើយឈើទាំងនោះសុទ្ធសឹងជាឈើហ៊ុបមុខកាត់ធំៗ។
លោកស្នាកំពុងធ្វើផ្ទុយពីកិច្ចសន្យាជាមួយក្រសួងកសិកម្មដោយបាន សម្រុកដឹកឈើ
ហ៊ុបខ្នាតធំៗចេញពីក្រុមហ៊ុនព្រោះថាក្រសួងកសិកម្មអនុញ្ញាតអោយនាំឈើចេញត្រឹមមុខកាត់ត្រឹម២៥សង់ទីម៉ែត្រ(២,៥តឹក)ចុះក្រោមប៉ុណ្ណោះ។
សូមបញ្ជាក់ថា នៅក្នុងតំបន់១ទើបតែបានឈូសឆាយផ្ទៃដីប្រហែលជាង១ពាន់ហិកតាប៉ុណ្ណោះហើយពុំទាន់ឃើញដាំដើមឈើឡើងវិញនោះទេ បែជាសម្រុកកាប់តែឈើដឹកចេញ៕
ចែករំលែកព័តមាននេះ