រាជធានីភ្នំពេញ ៖ នារសៀលថ្ងៃទី១០ ខែកក្កដា ឆ្នាំ២០២០ លោក លី សុខលេង ចៅក្រមជំនុំជម្រះសាលាដំបូងរាជធានីភ្នំពេញបានប្រកាសសាលក្រមផ្តន្ទាទោសលើជនជាប់ចោទ៣នាក់ ពាក់ពន្ធករណីជួញដូរគ្រឿងជិត៦គីឡូក្រាម…
រាជធានីភ្នំពេញ ៖ នារសៀលថ្ងៃទី១០ ខែកក្កដា ឆ្នាំ២០២០ លោក លី សុខលេង ចៅក្រមជំនុំជម្រះសាលាដំបូងរាជធានីភ្នំពេញបានប្រកាសសាលក្រមផ្តន្ទាទោសលើជនជាប់ចោទ៣នាក់ ពាក់ពន្ធករណីជួញដូរគ្រឿងជិត៦គីឡូក្រាម ដាក់ក្នុងក្នុងធុងបាសដឹកតាមរថយន្តក្រុង បំរុងចេញទៅលក់នៅប្រទេសវៀតណាម ។
សាលក្រមសម្រេចផ្តន្ទាទោសលើ ១.ឈ្មោះ NDUKWU JONATHAN CHUKWUJEKWU ភេទប្រុស អាយុ២៦ឆ្នាំ ជនជាតិនីហ្សេរីយ៉ា មុខរបរកីឡាករបាល់ទាត់ ដាក់ពន្ធនាគារអស់មួយជីវិត និងពិន័យជាប្រាក់ចូលថវិការដ្ឋចំនួន១០០ លានរៀល ក្រោមការចោទប្រកាន់ពីបទ.ជួញដូរ រក្សាទុក ដឹកជញ្ជូនដោយខុសច្បាប់ នូវសារធាតុញៀន ប្រព្រឹត្តនៅសង្កាត់វាលវង់ខណ្ឌ៧ មករា រាជធានីភ្នំពេញ កាលពីថ្ងៃទី១១ ខែវិច្ឆិកា ឆ្នាំ២០១៩ ។
២.ផ្តន្ទាទោសឈ្មោះ ប៉ុក ស្រីល័ក្ខ ភេទស្រី អាយុ២៨ឆ្នាំ ជនជាតិខ្មែរ មុខរបរលក់ដូរ និង៣.ផ្តន្ទាទោសឈ្មោះ យុន ស្រីនូ ភេទស្រី អាយុ២០ឆ្នាំ ជនជាតិខ្មែរ មុខរបរលក់ដូរ ម្នាក់ៗ ២០ឆ្នាំ ពិន័យជាប្រាក់ចូលថវិការដ្ឋចំនួន៤០លានរៀល ពីបទ.ជួញដូរ ដឹកជញ្ជូនដោយខុសច្បាប់នូវសារធាតុញៀន ។ សាលក្រមបើកផ្លូវទុកសិទ្ធឲ្យប្តឹងឧទ្ធរណ៍តាមកំណត់ច្បាប់ ។
សូមរំលឹកថា ដោយអនុវត្តតាមបទបញ្ជាពីនាយឧត្ដមសេនីយ៍ សន្តិបណ្ឌិត នេត សាវឿន អគ្គស្នង ការនគរបាលជាតិ និងក្រោមការដឹកនាំដោយនាយឧត្ដមសេនីយ៍ ម៉ក់ ជីតូ អគ្គស្នងការរង ទទួលផែនប្រឆាំងគ្រឿងញៀន និងលោកឧត្ត មសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿង ញៀន កាលពីថ្ងៃទី១១ ខែវិច្ឆិកា ឆ្នាំ២០១៩ កម្លាំងសមត្តកិច្ចជំនាញការិយាល័យទី៥ នៃមន្ទីរប្រឆាំងបទល្មើសគ្រឿងញៀន ដឹកនាំដោយលោកឧត្តមសេនីយ៍ទោ សាន សុទ្ធី នាយករងមន្ទីរ សហការជាមួយក្រុមហ៊ុនដឹកជញ្ជូនអ្នកដំណើរ ដានដានអ៊ិចប្រេសបើស ក្រោមការសម្របសម្រួលពីលោក ស៊ិត វណ្ណៈ ព្រះរាជអជ្ញារង នៃអយ្យការអមសាលាដំបូងរាជធានីភ្នំពេញ បានត្រួតពិនិត្យកញ្ចប់ បញ្ញើមួយមានភាពមិនប្រកតី ដែលផ្ញើពីរាជធានីភ្នំពេញទៅទីក្រុងហូជីមិញ ប្រទេសវៀតណាម តាមរយៈ ក្រុមហ៊ុនដានដាន ស្ថិតនៅផ្ទះលេខ២៨៥ ផ្លូវព្រះសីហនុ សង្កាត់វាលវង់ ខណ្ឌ៧មករា។
លទ្ធផល រកឃើញសារធាតុញៀនប្រភេទមេតំហ្វេតាមីន(ICE)ចំនួន ៦កញ្ចប់ធំ ស្មើនឹងទម្ងន់ ៥៨៩៥.៨២ក្រាម (ជិត៦គីឡូក្រាម) ដែលបានដាក់បង្កប់ក្នុងធុងបាស់ធំមួយគ្រឿង ។
បន្ទប់មកសមត្ថកិជំនាញបានបន្តការស៊ើប អង្កេតស្រាវជ្រាវជាបន្ទាន់ ដោយកំណត់បាន មុខសញ្ញាពាក់ព័ន្ធមួយចំនួន ទើបឈានទៅដល់ការឃាត់ខ្លួនជនសង្ស័យចំនួន ៣នាក់ ដែលមាន ១.ឈ្មោះ ប៉ុក ស្រីល័ក្ខ (អ្នកដឹកជញ្ជូនគ្រឿងញៀនឆ្លងដែន) ២.ឈ្មោះ យុន ស្រីនូ (អ្នកដឹកជញ្ជូនគ្រឿងញៀនឆ្លងដែន) និង៣.ឈ្មោះ NDUKWU JONATHAN CHUKWUJEKWU ។
លុះនៅវេលាម៉ោង៣ នឹង៣០នាទី ថ្ងៃខែខាងលើ សមត្ថកិច្ចបានបន្តឆេកឆែរផ្ទះជួលរបស់ឈ្មោះ NDUKWU JONATHAN CHUKWUJEKWU ផ្ទះលេខ A13 ផ្លូវ45BT ក្រុម២ ភូមិសន្សំកុសល សង្កាត់បឹងទំពុន ខណ្ឌមានជ័យ លទ្ធផលចាប់យកវត្ថុតាងរួមមាន កញ្ឆាក្រៀម៩ក្រាម.ជញ្ជីងថ្លឹង១គ្រឿង.ម៉ាស៊ីនបាញ់ទឹក ៨គ្រឿង.ម៉ាស៊ីនបូមធូលី១គ្រឿង.ធុងបាស់១គ្រឿង.ទូរស័ព្ទ ៣គ្រឿង និងលិខិតឆ្លងដែន៣ក្បាល ។
ជនសង្ស័យទាំង៣នាក់ និងវត្ថុតាងថ្នាំញៀនប្រមាណជិត៦គីឡូក្រាមនេះ សមត្តកិច្ចបាន នឹងកំពុងរៀបចំកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ តាមនីតិវិធី ៕
ចែករំលែកព័តមាននេះ