ការប្រកួត UCL និង UEL វគ្គ១៦ក្រុមជើងទី២ នឹងចាប់ផ្តើមនៅដើមខែក្រោយ
អន្តរជាតិ ៖ សហព័ន្ធបាល់ទាត់ទ្វីបអឺរ៉ុប UEFA កាលពីថ្ងៃទី៩ ខែកក្កដា បានធ្វើការប្រកាសពីកាលបរិច្ឆេទ និងទីតាំងផ្លូវការ សម្រាប់ការប្រកួតពានរង្វាន់ Champions…
អន្តរជាតិ ៖ សហព័ន្ធបាល់ទាត់ទ្វីបអឺរ៉ុប UEFA កាលពីថ្ងៃទី៩ ខែកក្កដា បានធ្វើការប្រកាសពីកាលបរិច្ឆេទ និងទីតាំងផ្លូវការ សម្រាប់ការប្រកួតពានរង្វាន់ Champions…
អន្តរជាតិ ៖ សហព័ន្ធបាល់ទាត់ទ្វីបអឺរ៉ុប UEFA កាលពីថ្ងៃទី៩ ខែកក្កដា បានធ្វើការប្រកាសពីកាលបរិច្ឆេទ និងទីតាំងផ្លូវការ សម្រាប់ការប្រកួតពានរង្វាន់ Champions League និង Europa League ជើងទី២ ដែលត្រូវបានពន្យារពេលដោយសារតែការរីករាលដាលនៃវីរុសកូវីដ១៩។
សម្រាប់ពានរង្វាន់ Champions League ការប្រកួត៤គូ ដែលមានដូចជា៖ Manchester City ជាមួយ Real Madrid, Bayern Munich ជាមួយ Chelsea, Juventus ជាមួយ Lyon ហើយនិង Barcelona ជាមួយ Napoli ក្នុងជើងទី២ វគ្គ១៦ក្រុមចុងក្រោយ នឹងត្រូវធ្វើការប្រកួតនៅថ្ងៃទី ៧ឬ៨ ខែសីហា នៅក្នុងកីឡដ្ឋានរបស់ក្រុមម្ចាស់ផ្ទះរៀងៗខ្លួន ដូចតាមកាលវិភាគចាស់ ដោយគ្មានវត្តមានអ្នកទស្សនាផ្ទាល់។
ដោយឡែកសម្រាប់ពានរង្វាន់ Europa League ការប្រកូត ៦គូក្នុងវគ្គ១៦ក្រុមចុងក្រោយជើងទី២ នឹងចាប់ផ្តើមនៅថ្ងៃទី ៥ឬ៦ ខែសីហា នៅក្នុងកីឡដ្ឋានរបស់ក្រុមម្ចាស់ផ្ទះរៀងៗខ្លួន ដូចតាមកាលវិភាគចាស់។ ចំណែកឯការប្រកួត២គូរវាងក្រុម Inter Milan ជាមួយ Getafe ហើយនិង Sevilla ជាមួយ Roma ដែលមិនទាន់បានប្រកួតជើងទី១ បន្ទាប់ពីការផ្ទុះឡើងនៃវីរុសកូវីដ១៩ នឹងត្រូវលេងតែ១ជើងប៉ុណ្ណោះ ពោលគឺនៅថ្ងៃទី ៥ឬ៦ ខែសីហា ដែលត្រូវធ្វើឡើងនៅក្នុងប្រទេសអាល្លឺម៉ង់។
សូមបញ្ជាក់ជាថ្មីថា សម្រាប់ការប្រកួតចាប់ពីវគ្គ៨ក្រុមចុងក្រោយ រហូតដល់វគ្គផ្តាច់ព្រ័ត្រក្នុងពានរង្វាន់ទាំងពីរ នឹងត្រូវឡើងតែមួយជើងប៉ុណ្ណោះ ដោយគ្មានអ្នកទស្សនាផ្ទាល់ដដែល។ ដោយ Champions League នឹងចាប់ផ្តើមពីថ្ងៃទី១២ ដល់ថ្ងៃទី២៣ ខែសីហា ឆ្នាំ២០២០ នៅទឹកដីកណ្តាលក្នុងទីក្រុង Lisbon ប្រទេសព័រទុយហ្គាល់។
ចំណែកឯ Europa League នឹងចាប់ផ្តើមពីថ្ងៃទី១០ ដល់ថ្ងៃទី២១ ខែសីហា ឆ្នាំ២០២០ នៅទឹកដីកណ្តាលក្នុងប្រទេសអាល្លឺម៉ង់៕ (ដកស្រង់ចេញពី Reuters)
ចែករំលែកព័តមាននេះ