ខេត្តកំពង់ឆ្នាំង ៖ គម្រោងកសាងផ្លូវបេតុងមួយខ្សែប្រវែង១៩៦ម៉ែត្រ ក្នុងភូមិកោះក្របី ត្រូវបានធ្វើពិធីដាក់ឱ្យដេញថ្លៃនៅសាលាឃុំផ្សារឆ្នាំង ក្រុងកំពង់ឆ្នាំង នៅព្រឹកថ្ងៃទី០៩ ខែកក្កដា ឆ្នាំ២០២០ ដោយមានក្រុមហ៊ុនជាច្រើនមកចូលរួម តែបានដាក់ពាក្យតែ៤ក្រុមហ៊ុនប៉ុណ្ណោះ ព្រោះខ្លះគ្រាន់តែមកយកទឹកតែ ហើយក៍មិនដាក់ពាក្យដេញថ្លៃឡើយ គួរតែកុំប្រញាប់ដេញ ព្រោះមានការសង្ស័ហណាស់ ។
ចំណែកការដេញថ្លៃនោះទៀតត្រូវបានអ្នកជំនាញថា៖ មានភាពមិនប្រក្រតីដែរ ។ លោកស្រី ភួន ឈួយអេង ចៅសង្កាត់ផ្សារឆ្នាំង ក្រុងកំពង់ឆ្នាំង បានបញ្ជាក់ដល់ក្រុមហ៊ុនដេញថ្លៃថា៖ អ្នកដេញថ្លៃត្រូវ ពិនិត្យលើសំណើសុំដេញថ្លៃ ឱ្យបានត្រឹមត្រូវ បើពុំនោះទេ មិនទទួលបានសិទ្ឋដេញថ្លៃឡើយ ។ ត្រូវពិនិត្យសំណើរដេញថ្លៃ ដោយភ្ជាប់មកជាមួយនូវលិខិតធានាប្រាក់កក់ ធានាការដេញថ្លៃ សេចក្តីប្រកាសស្ដីពីក្រមសីលធម៌ មិនក្លែងបន្លំ និងគ្មានការប្រព្រឹត្តអំពើពុករលួយឡើយ។
ជាមួយគ្នានេះ ប័ណ្ណប៉ាតង់ត្រូវមានសុពលភាព ឬបង្កាន់ដៃបញ្ជាក់ការបង់ពន្ធប៉ាតង់និងកិច្ចសន្យា ។ លោក បេ សារុំ អភិបាលរងក្រុង និងជា នាយកទីចាត់ការអន្តរវិស័យក្រុងកំពង់ឆ្នាំង បានធ្វើការផ្តាំផ្ញើដល់ក្រុមហ៊ុនដែលដេញថ្លៃ សាងសង់ផ្លូវបេតុងនេះបាន សូមធ្វើយ៉ាងណាយកចិត្តទុកដាក់ធ្វើអោយមានគុណភាព និងជាប់ម៉ាំល្អ ត្រូវធ្វើការថែទាំ តាមកិច្ចសន្យាក្នុងការកំណត់ពេល របសខ្លួន ដើម្បីធានាដល់ការប្រើសប្រាស់ ជាប្រយោជន៍សាធារណៈ ។
លោកបានបញ្ជាក់ថា៖ ផ្លូវបេតុង១ខ្យែដែលបានដាក់ដេញថ្លៃនៅពេលនេះ មានប្រវែង ១៩៦ម៉ែត្រ មានកម្រាស់ ១តឹកកន្លះ មានទទឹង៥ម៉ែត្រ មានកំពស់ដីស និងដីក្រហម ១,០៦ម៉ែត្រ និងធ្វើស្លាក១សំគាល់១កន្លែង ។ ចំពោះគម្រោងដាក់ឱយដីថ្លៃ មានចំនួនទឹកប្រាក់ ១៤២ ៨៨៥ ៧៣១ រៀល(អានថា៖ ១៤២លាន ៨៨៥ពាន់ ៧៣១រៀល) ។
សូមបញ្ជាក់ថា ៖ ក្នុងការដេញថ្លៃសាងសង់បានទៅក្រុមហ៊ុន វ៉េង លាប ក្នុងចំនួនទឹកប្រាក់ ១៣៩ ៩៤៤ ០០០រៀល ។ អានថាៈ ១៣៩លាន ៩៤៤ពាន់គត់)។ ជុំវិញករណីដេញថ្លៃសាងសង់ផ្លូវបេតុងមួយខ្យែនេះដែរ ត្រូវបានអ្នកជំនាញសាងសង់ សម្តែងមតិរិៈគន់ ព្រោះដេញមិនចុះសោះ… ចុះតិចពេក ប្រៀបដូចឃុបឃិត ផឹកតែចាស់ពេកទដឹង? សង្ស័យណាស់ !
ព័ត៌មានពិស្តារមានផ្សាយជូនលើកាសែតកោះសន្តិភាព ។
ចែករំលែកព័តមាននេះ